ابن حميد

هذه القصيدة للشاعر الامير تركي بن حميد (رحمه الله) ارجو ان تنال إعجابكم


--------------------------------------------------------------------------------



[poem=font="Simplified Arabic,4,black,normal,normal" bkcolor="transparent" bkimage="backgrounds/40.gif" border="double,5,gray" type=0 line=0 align=center use=ex num="0,black"]
البارحـه بالـنـوم كـنّـى مــوراّ=جا حلـم ليـل يـوم عبّـر ولاشيـف
اونست هاجـوس علىالصـدر مـراّ=منـه الفـواد معـلّـق بالمخاطـيـف
وابدى كنيـن الـروح داخـل وبـرّا=من نقـض مايفتـل وفتـل بتكليـف
يـارازق اللـى فـى رجـاك يتحـرّا=من مدّ جـودك ياوسيـع المحاريـف
ان جـت مــن الله ماعدويـضـرّا=وليا ادبرت قلت دبـور المصاريـف
مـادون ربـك واحـد لـك يـسـرّا=للرب حكمـه بالمعانـى وتصريـف
قـم يامحمـد سـوّ حـلـو ومــرا=رسم الى جوك النشامـا هـل الكيـف
مـع منسـف حـول المنـاره يجـرّا=واشناق حيل صفوهـا لـه ذواريـف
واعمـل بخيـر ولا تجـازى بشـرّا=وارجى الفرج من عند والى المصاريف
واجهـد بتقـوى الله لـدار المـقـرا=العبـد طرقـىّ ركـابـه مناكـيـف
دنيـاك لـو زانـت تراهـا مـغـرّا=دنيـا خـراب ولا عليهـا تحاسيـف
فيهـا لبيـب العقـل مـا يستـغـرّا=لـو امهلـت لابـد رحلـه وتخفيـف
اخشـع تواضـع لا تكـبّـر تــزرّا=ما شفـت ميـلات الليالـى مراديـف
ورفيقـك الغـالـى مـنـه لاتـبـرّا=ادمح خطاه اللـى تعبّـث عجاريـف
يشرب معـك صافـى وكـدر ومـرّا=ويرد معك حوض المنايا الـى عيـف
نـوب تـذرّى بـه ونـوب يـتـذرّا=عديـل عمـرك باليالـى الشفاشيـف
جر القلـم واكتـب لنـا اللـى تـورّا=سلام احلـى مـن حليـب المشاغيـف
منّى لمـن تابـع هـوى كـل غـرّا=شيخ يروّى بالملاقـى شبـا السيـف
زيـزوم غلبـا كـل يــوم تـجـرّا=واطرافها تاطـا الغبـا والمشاريـف
ذولـى يسرّحهـن وذولــى تـسـرّا=وذولـى مغيـرات وذولـى مناكيـف
والـى عـدا باللـى عـدا فيـه غـرّا=بر بع على قحص المهار المزاغيـف
سلاحهـم شغـل العجـم والمـجـرّا=ودهـم الفرنـج مفرّقـات المواليـف
وصلّوا على المختار والصحب طـرّا=ماهبت الانسام مـن رايـح الصيـف [/poem]

[align=center]سلمت يمناك ولاهنت
بارك الله فيك [/align]

مشكورة على شعورك الطيب يا ((طيبة الفال))

[align=center]هواوي نجد

صح قلبك

والله يرحم الفارس ابن حميد[/align]

[align=center]هواوي نجد


قصيدة ثمينه


لا هنت


اخوك

الذيب[/align]

الشكر الجزيل للأخ الغازي و الأخ الذيب على على شعورهم الطيب

[align=center]
تسلم .. رووووووعه القصيده .. الله يرحم الفارس تركي بن حميد ..

أختك

تذكار[/align]

ومن قال يسلم و مشكوره يا تذكار

والله ونعم
وصح لسانك على هالنقل الرائع.

[align=center]الغالي هواوي نجد
الله يعطيك العافيه على نقل القصيده
الرائعه جدا / منتظرين جديدك ياغالي


ماننحرم[/align]