لا متى انا وانتي ننتظر (الى متى)
من نوتتي عام 2001 لما كنت ولد :)
اتمنى ان تنال استحسانكم
جمرة الخاطر ذوبها الجمود
******من فرح قلبي وروعي
بلحظة تلاشت كل الحدود
*****انتقل قلبها داخل ضلوعي
أجبرتني رغم حرصي عنود
****أرفع الرايه واعلن خضوعي
لا حكت انسى كل الوجود
*****ولا ضحكت انكشف لوعي
أذهلتني طيبتك
واحرجتني دموعي
أحرجني احساسك معي
شل الحروف وأطرب مسمعي
مثل العطر ...
مثل المطر لحظة حظر
بلل عروق الأمل
جاني كما ظل وشجر
ماي ونهر
في هجير
ذوب الحر الصخر
ما أقدر اوصف ياوفاء
انتي وفيتي
وكل ما فيني اكتفى
لو هجرتي لو جفيتي
ملعون قلبي لو شكى
لأجل عينك رحلت
ولأجل عينك زعلت
ولأجل كلك رجعت
انتي همسك أمر
وانتي كل العمر
انتي النظر
يابعد روحي يانن النظر
******ارجعي باقي عندي كلام
بعشقك كان باقي لي عمر
*****لا تجافي الجفى والله حرام
تخيلي فرح الصحاري بالمطر
*****لاادركت في جوها ريح الغمام
هو شعوري كلما طيفك حضر
*****ارتبك واحضن ايديني وانام
لا متى انا وانتي ننتظر
*****لا متى نخفي حروف الغرام
جاوبيني والله اني احتضر
*****احضنيني كافي تخفين الهيام
لو عرفتي لو دريتي
ما زعلتي وما سريتي
يا وفاء بالله لحظه
واسمعيني
بنتفاهم أقنعك
والاّ إقنعيني
كاني الظالم
من حبك احرميني
وكاني المظلوم
بالله تتبعيني
ما استحمله زعلك علي
وما استحمله ذيك الدموع
كل حسد كونك معي
كل حكى
وكل عذل
اتذكره لحظة ألم
وأتذكره ذيك الدموع
وأتذكره يوم انظلم
يوم انطفت كل الشموع
واتذكره في عينها
نظرة عتب
نظرة حزن
ما هي خضوع
سهرت الليل أراجع قولها
***** أعاني صوتها تصرخ كفى
تحترق نظرة حزن في عينها
***** تشكي المشتاق يومه جفى
تبتسم والجمر يحرق جوفها
***** تحسب إن الهم عنّي خفى
تعرف إن الحسن هي كلّها
***** طبعها وإسمها كلّه وفـاء
ومن الذهب لو جاني وزنها
***** ما يساوي معها ساعة صفا
ظنيت الفراق حدي وحدك
وجيتك قصدي بعيني آشوف ردك
لعن ابو جد جدك
ملكتي كل ما فيني بدمعة على خدك
أيوى يا عمري من قدك
عافك المشتاق ثم ردك
وبحبال المحبة وسط القلب شدك
دنياي عيشة بمصافحة يدك
وحياتي كلها قبله على خدك
صدقيني ما أقدر على صدك
كلي معك ما اقدر آكون ضدك
واعتذاري كلمتين شوفيهم بيدك
مثلك أبد واللـه ما القاه
*****بين البشر وين ما اروح
انت الذهب من بعد تصفاة
****وأنا الألم عنوان وصروح
بُعدِك ترى يازين ماأقواه
*****أقولها لك بصوت مبحوح
أهديتك العمر كان تبغاه
*****وأمّنتك الرب كان بتروح
