سهم العيون ان صاب شخص اذبحنه // قصيده

هذه القصيده والتي أتمنى أن تنال اعجابكم وقبل هذا أوصيكم بالنقد والتقويم والتوجيه لأنها لن تخلو من الأخطاء والمؤمن مرآة أخيه وهي موجوه في مجالس حرب أيضاً

وأقول في هذه القصيده :

قال الصبيحي يـوم وقته تحـداه*** * وصـار يتكلم من ضمـيرٍ يكـنه
وقامت هواجيسه مع الليل تنصاه****وقامـن هـمـوم بـداخله يلهدنه
ويون تـال الليل من حـر ماجـاه**** ويردهـا باليـوم تسعيـــن ونـــه
ومـرة عليه سنين مابث شكواه**** خوفه هروج الناس لايفضحنــه
وأصبح كما اللي نقل داه برداه**** مـن سبة عـيونٍ طـــلـع وإلمحـنـه
من الذي ماشفت بالناس حليـاه** الطــير مـن فـوق السمـا يجدعنــه
سهمٍ رمنه صاب قلبي ولا أخطاه****وش حـيلة اللي بالحشـا صوبنـــه
ياضعفهن بأجسامهن بس ويلاه***سهم العيون ان صاب شخص اذبحنه
اللي تحداهن من الناس وش جاه**** يالـعـنـبـوهـن ليــه مايـرحــمـنه
كم واحدٍ صلبٍ على الناس ماقواه****فـي لحــضـةٍ عـن قـوته ميلــنـه
وكم فارس ٍ تلعب بالأرقاب يمناه**** بعـيـونهـن يـوم إنـظـرن خـــدرنـه
ولوهو أمـيرٍ فوق كرسي تعــلاه**** اليـا اشـتـهـن تـنـزيـلـتـه نــزلنـه
من نظرةٍ وحده ومن بسمة اشفاه** واللـي يـبـن مـن بعدها ياصلنـه
لكـن تـرى في قـربهـن ماتمـناه **** كـل الحنـان بقـربهــن يبــذلنـــه
فيهـن دواء للي شكـا حـرة الآه**** وفيـهــن وطــن للي دياره رمنــه
واللي يجي زعلان ويدور رضاه****وش غير ضمة حضنهن لحضننه
ياماحلا منطوقهن حيل ماحـلاه**** وياماحــلا مجلاسهــن لجـلسنــه
بهن الحنان وفيهن الـود نلقـاه**** وبهن المحبه من عطاهن عطنـــه
هـن لـذة الدنيا وهـن نعمـة الله**** وهـن الـذي ببيـوت الأجـواد جنـه
يقولها اللي جرب الحب وأضنـاه****أنـتـن حـــدي ثـنـتـيـن ماتخـلـفـنه
أنتن حلا وأنتن شفا وأنتن دواه**** وأنتن رضا وأنتن هنا اللي تبنـه
والا سقــم والاعــذاب ٍ ومأساه**** والا جـحـيـم لكـل مـن تـبـعــدنـــه

[align=center]حياك الله اخوي بمضايفناااا

قبل كل شي

وصح لسااانك

مصافحه رائعه[/align]

اخوي

الصبيحي




قصيدة رائعة من رائع


كاملة والكامل الله





صح لسانك مليون مرة



لاهنت يالغالي



وكل عام وانتم بخير




اخوك



عزام

[align=center]
أخي الكريم

الصبيحي


قبل كل شيء أهلا و سهلا بك و بهذا القلم القادم إليها بكل قوة

:thumb: :thumb: :thumb: :thumb: :thumb:

مشاركة و إحساس رااائع راااقي

قلما نجد "رجل" ... يعترف به :)

ألف صح لسانك على هذا الإبداع

و بانتظار المزيد من هذا المداد


أختك

الدهور[/align]

[align=center]الصبيحي

صح لسانك

قصيده وافيه

تشرفنا بتواجدك

وننتظر ماستنثره من ابداع[/align]

[align=center]الصبيحي




الله الله الله

جزل يالغالي جزل.. ومبدع ..



طراز نادر وحرفنه جميله




ننتظرك بشغف :thumb:


احترامي[/align]

الإخوان الأعزاء / ذيب شراف ، عزام ، الغازي ، نبراس

كل عام وأنتم بخير وصحت أبدانكم لكم الشكر مكرر على مروركم والذي أسعدني كثيراً

الأخت الدهور
لك الشكر على مرورك وإن كنت أتحفظ على قولك

قلما نجد "رجل" ... يعترف به
ولكن الأصح أنه قلما نجد رجل ينكر ذلك

تحياتي

[align=center][glow=CC0000]الصبيـــــــــــحي[/glow] صح لســــانك وعزالله صحيح كل ما اطريته

ولاتحرمنا من نبعك الدايم[/align]

الأخ النطول حفظه الله

صح بدنك وتقبل فائق تحياتي



أخوك الصبيحي