قال العوني على لسان ابن رشيد
السلام عليكم ورحمة الله وبركاته ................. اما بعد اليكم قصيدة . محمد العبدالله العوني على لسان . سعود بن عبدالعزيز بن رشيد حينما تحاصر بن رشيد من قبل . نواف بن نووي بن شعلان في بلدة . سكاكا . بالجوف
[poem=font="Simplified Arabic,5,indigo,bold,normal" bkcolor="transparent" bkimage="backgrounds/18.gif" border="groove,4,gray" type=0 line=0 align=center use=ex num="0,black"]
راكب فوق حر يذعره ظله = مثل طير كفخ من كف قضابه
ياما حلا فرته والخرج زاه له = والميراك على متنه تنثني به
من "سكاكا" ترحل واترك الذله = واحذر الخوف هاجوسك تهنى به
سر لشمر وخبر لابتي كله = لابتي بالملاقا حي من لا به
قل الوادى ابو عافت بعد قله = يانهار على الجوبه تحلابه
الدخان من فوقنا كن الدجى ظله = والرويلي وابن شعلان وقرابه
دريوا انا قليل وادركوا خله = وارتكينا بعون الله وحجابه
ما نعرف الضحى من كثر خلق الله = وين شمر هل العادات والجابه
وين مطني وعباس وربع له = ويها كربة لوان لها لا به
وين هابس وبرجس هم وربع له = وين عبده إلى ماحل ضبضابه
وانخ راعي المليحا لا تساهل له = وانخ شمر وعظ الصوت يدري به
وانخ فهران اخو رفعه ورمح له = لا التقى بالملاقا كف قضابه
وانخ ضاري والاسلم قل تجي كله = واخو صلفه إلى ما انه كلخ نابه
وانخ أخو شاهه المنصور وافطن له = وانخ مطلق مع التومان بالجابه
وانخ سنجر وقاسم ساتر الخله = وانخ غضبان أبو علوش واقرابه
وانخ عدوان ابو مدوح وربع له = يرفع الصوت للفلحان بالجابه
وانخ فهاد وبايق هم وربع له = وانخ شيبان شمر وانخ شبابه
وانخ مياح واهل الدين والمله = وانخ الإخوان عز الدين وحجابه[/poem]
