جيلات البرنو والهاون ثار....هبت موصل وديالى واهل الانبار
--------------------------------------------------------------------------------http://www.daralnadwa.com/vb/showthread.php?t=131845
طكن جيلات البرنو والهاون ثار
هبت موصل وديالى واهل الانبار
بصرة وموصل وديالى اول بادي
والفلوجة باولها والرمادي
صاحت بغداد الحرة وين اجدادي
يااهل الرمادي زنادي قوموا اخذوا الثار
سكنة ام المساجد والله سباع
لو صاحوا عند المحنة يشقون الكاع
نور الدين الشفية شمّر الذراع
ذاقوا منا الهوايل تشهد الانبار
انهزمت امريكا وشافت منا الاهوال
انسحبت من الفلوجة بجهود رجال
الخالدية الحرة اللي تنجب ابطال
والعامرية اللي تسمع عنها الاخبار
ياللي تسال عا المراجل تلقاها بهيت
حلفوا على الامريكي ليلة مايبيت
نعم من اهل سامرا واهل تكريت
خلوا بوش بامريكا بليلة محتار
بالقيارة والموصل واهل كركوك
واهل الشرقاط سباع بضيقة يفكوك
اهل الحويجة وبيجي ضد العادوك
جيش الامريكي بليلة خلوا طشار
من كربلاء والنجف ثلثين علوم
بارض الهندية سباع تفك المضيوم
اهل بابل شفايا لكدوها اليوم
بالمحمودية رجال اللي يحمون الدار
الرضوانية الطوق اللي يحمي بغداد
بابو غريب الشفايا اللي تضرب سداد
مايرضون الامريكي يبقى ببغداد
واهل المحيط اللي قالوا نحمي الاسوار
بالطارمية رجال اللي تعمل لها حساب
احنا سور لبغداد وابدا مانهاب
واهل التاجي والكاظم تحمي الابواب
والراشدية سباع اللي تحمي الدوار
اهل العمارة سباع الواحدهم هيب
يحلف عا الضيم ومُرة ابدا مايجيب
علي الغربي والشرقي ماظل الغير
اهل الجبايش نعم واهل الاهوار
اهل الفلوجة رجال الواحدهم ذيب
يطرد بالليل الاظلم وصوابه يصيب
شمس الحرية عندنا ابدا ماتغيب
واحنا نقاتل بامر الله الجيش الجرار
ثلثين الطك لديالى قالوها بعين
واحدهم بالملاقة يعادل الفين
نعم من اهل بعقوبة واهل حمرين
واهل الخان باولها السيف البتار
امريكا بباب البصرة شافت الاهوال
وام القصر للبصرة باب الجوال
كان الزبير الل نطحوا راس الارذال
بعتاب البصرة الحرة كم جيش انهار
حضروا الها النشامى رجال اهل الكوت
حضروا للامريكي نعش وتابوت
قالوا مانعطي واسط لو كلنا نموت
يم الحي والرفاعي ندك الاسوار
اهل سعدة وحصيبة ياعقال الراس
جتنا علوم الغربية يامقدر ناس
اهل راوة شجعان يشدون الراس
واهل الدولاب وعانة يعزون الجار
بركان اهل الفلوجة ابدا مايهيد
ماتهزنا من امريكا رياح التجديد
بغداد وبيت المقدس تحرير نريد
لو نجري دمنا سيول ونجريه انهار
ابن العبس يقصدكم بهذه الابيات
صباح ابن الجنابي يجر الآهات
الف الصلاة على الهادي الف المرات
ثم اصحاب التهامي وآله الاطهار
