ياهوى البال عودني على صدك00
[align=center]عودني على صدك[/align]
[poem=font="Simplified Arabic,6,green,bold,normal" bkcolor="transparent" bkimage="backgrounds/11.gif" border="double,4,gray" type=2 line=0 align=center use=ex num="0,black"]
ياهوى البال عوّدني على صدك =لازم آخذ مناعه دامك معيه
خايف البعد يقتلني إذا حدك= لومع الوقت عشنا ظروف قهريه
ما اتحمل غيابك قلبي مودك =مندفع حيل وافكاري جنونيه
ودي اجيك واجلس واسكن بحدك =ودي امسك يديك وتمسك إيديّـه
ودي إنك تجي عندي ولا اردك = ودي آخذك بالروحات والجيه
مغرما في بهاك وطولك وقدك = مغرم بالوفاء واخلاصك النيه
معجباً فيك من حدك الى حدك = معجباً فيك كلك ( 100%)ميّـه بـ ميّه
كيف أعد المزايـا فيك وأعدك = وانت حطمت الارقام القياسيه
كل مابك يثير الغيض في ضدك = يستر الله عليك من الحسوديه
جامعاً مجد ابوك وخالك وجدك = للشرف للنعومه للرومانسيه
لو يشوفك عذولي جاك مع ندك = بايعـوك الولاء بيعه جماعيه
ولو يشوفك شويّب كان ماهدك = يحسب انك شبابه والحيويه
ولو يشوفك طفل تعلق بيدك = يحسب انك له الاخت المثاليه
ولو يشمك نحل وقّع على خدك = يحسب انه على ورده طبيعيه
الله اللي بزينك والحلاء مدك = وصرت لي بالهوى فتنه حقيقيه
كم تمنيت وصلك والحياء لدك = كم تعذبت والصوره رماديه
كم بعثت الرسائل وانتظر ردك = كم تمنيت وعشت احلام ورديه
أتعذب بيومك وانتظر غدك = وانت مثلي بعد حالك شقاويه
الغلاء شدني لك وانت لي شدك = نشعر بحب لامثله ولا زيّه
ولو يبوح الزمان بسدي وسدك = ماوجد مجرمين ولاحراميه
ليتني عن عذابي معك مستدك= اشهد اني من كبار الغناويه[/poem][align=center]محمد عطاالله الشراري
القريات[/align]
