يوم حنا نسلم على الامير

السلام عليكم ورحمة الله وبركاته
اخواني الكرام ... الله حيهم
ابقولكم سالفتن جرت منذو فترتن ماحال عليه الحول

الوكاد مالكم بطويله
نويت انهج اعايد اميرنا ( امير فخذنا للمعلوميه ) والله وانا اخذ خوين لي دباب رخو وماهو وجه رجال
لكن من قل الزمل شدوا على نمل
حنا نهار عيد وكلن بلشان بروحوه .. اللي سهران ومواصل واللي عندهم غدا ايه خبركم بالعيد الناس مشتطه
الوكاد قلت لخويي قليل السنع وش رايك تخاويني نروح نسلم على الامير ابو فلان ( نخفي اسموه لزوم الخصوصيه ) ( اكرر امير فخذنا ) مادري عاد اي فخذ؟ يمين يسار ؟
والله وحنا ننزع يموه .... بقريتوه
يوم اقبلنا وانا اوصي خويي اخبروه خوث ولا شاف الرجال قام يتنافض تقل ضاربتوه لوه حمى
قلت لوه شف اكرب روحك وسلم على الامير وعدل لسانك ودنق عليه تروه مايقوم لنا ( حنا شباب مراهقيه)
والله وحنا ندخل بمجلس الامير والا هو قاعدن على مركاوه وعندوه الصبي القهوتسي ( سوداني )
واميرنا كاشخن بالبشت والله وحنا ننصاوه شمام
السلام عليك يالامير السلام عليك يابو فلان وأنا اقدم خويي ابعرف بوه الامير
لحيثن لي سابق معرفتن بالامير
عيدك مبارك
وهو يدنق خويي الدباب على راس الامير ... اتري الخبل يبي يحب الامير من وجهوه ... بعد حيي يهالفطين
وماشفت الا خويي الدباب وقع على الامير وفرط فوقوه والامير منطرحن حدروه
ويقوم السوداني ويسحب سلاحوه يحسبنه محاولة اغتيال
وانا اجرجر الدباب وهو يغدي تقل درام مالوه علايق
عجز لا يتحرك ويالله نرفعوه عن الامير
وا قوم اجمع شماغ الامير وعقالوه واتعذر منوه
وانا اجلسوه على مركاوه وانا احب خشم الامير واحب راسوه
وهو يقول الدباب قليل الفود والله والله يالامير ان فلان ( يعدي لي ) هو اللي كزن عليك
لعنبوك ؟ كيف ؟ وايلي وامصخي ؟ لعنبو دارك يافودان
والله عقب هالمعمعه جلسنا وقام الزول وصب لنا فنجال قهوه والامير يقوم ويطلع ويخلينا بالمجلس مع الزول
والله شربت الفنجال مادري وشلون طعم القهوه وانا اقمز ابي انحاش من الفشيله
والله يامنكم وهالخبل خويي يبي ينزل الفنجال بسطل غسيل الفناجيل وهو يتكوم المسبوع فوق صينية الفناجيل والكاسات ويغدن لهن قرشتن حدروه
ويندفق السطل على النار ويقع على الدلال ويتسفيهن ( اي كب الدلال )
والله وانا اتشبط الباب العمر ياشامان
واركب سيارتي واشغله ومن الربشه صدمت سيارتن موقفتن يمكنه لحدى عيال الامير
والا هذا الدباب تقل كبت يدربونوه ويجرجر رجليه اتاريه من الربشه لبس نعول السوداني
ويركب وحنا نجيك مو حفين للديره
لاعادت هالسلام

وسلامتكم يا بعدين حيي

[align=center][align=center]<<<<<<<< ولد الامير اللي دعمتوا سيارتوه


صلحوه لي



ولا اعلم ابوي

















محروم موضوع روعه بروعتك

دمت بحب ياقلبي


الغثه باشا[/align][/align]

[align=center]

اقتباس:

---

وهو يدنق خويي الدباب على راس الامير ... اتري الخبل يبي يحب الامير من وجهوه ... بعد حيي يهالفطين
وماشفت الا خويي الدباب وقع على الامير وفرط فوقوه والامير منطرحن حدروه
ويقوم السوداني ويسحب سلاحوه يحسبنه محاولة اغتيال

---

8
7

اقتباس:

---

والله يامنكم وهالخبل خويي يبي ينزل الفنجال بسطل غسيل الفناجيل وهو يتكوم المسبوع فوق صينية الفناجيل والكاسات ويغدن لهن قرشتن حدروه
ويندفق السطل على النار ويقع على الدلال ويتسفيهن ( اي كب الدلال )
والله وانا اتشبط الباب العمر ياشامان

---

ههههههههههههههههه:p:
هههههههههههههههه:p:
هههههههههههههههههههههههههههههههههههههه:p:

الله يعينك على هالدباب هههههههههههههههههههه :p:امحق خوي لاعاد تخاويه نوبتن ثانية :cool:
خاو ذيب شراف اوفق شوين ولا هو نوبن يصير العن من خويك ههههههههههههههههه :p:
7
7
7
محروم :cool:
على طعم سالفتك هذي خذ بعد وحدتن العن منه ههههههههههههههههه :p:

بوه لو واحد مزووووووووح ومزحوه اقشر
جا يبي يراجع بأمارة الدمام وهو يدخل مع الباب وتخبر مدخل امارة الدمام الأول الي على زمان ابن جلوي عبدالمحسن ........ السيب تسبير واسع وطويل اقصاه والخويا كاشخين والناس تمشي
الي رايح والي جاي وبهم امراء عشاير وشخصيات كبار
خوينا هذا دخل ويشمي مع السيب يامار هذا اكاالواحد يعرف زولوه ........ وهو يمروه تقل فشــــــــــقة وهو يلم بوه وهو يبرموه ابرام الله يجيرك صار الرجال مايعرف راسوه من رجليه ههههههههههه :p:
الغترة بصوب والعقال بصوب ثاني .......... وهو يبردز بوجهو يامار ماهو خويوه الي هو يبي وهو يصقط الدم والماء برجليه وهو يخشب ........ قومو الناس والخويا الرجال وهو يمسك المقرود قال انت ويش الي سويته بي يامار الرجال أمير عشيرة وتسبير وله هيبه بعد قال الملقوف انا اسف احسبك واحدن اعرفوه والسموحة ..........قال و بعد عذر اقبح من فعل ياصار تعرفه تسويبوه هالون لا وبعد بدايرة حكومية وهو يشيلوه الأمير فوق راسوه وهو يخبط بوه ويدلي يتوطى توطى بمصرانوه ولا تلقى الي فكوه الخويا صارو يوجهون الناس هنا وهنا عنوه يما لعن تسديدوو
وعقب هذيتس التوطيه ...... طلية خبقان من حمد ربك :cool:
هههههههههههههههههههههههههههه :p:[/align]

[align=center]

اقتباس:

---

لكن من قل الزمل شدوا على نمل

---

ههههههههههههه ذكرتن بالقصيده الي تقول[/align]

[poem=font="Simplified Arabic,4,white,normal,normal" bkcolor="black" bkimage="" border="ridge,4,darkred" type=1 line=0 align=center use=sp num="0,black"]
ياركب (ن) من عندنا فوق عوف =يذهبن الرسن حبله جديدي
يلفي على ام شعال نابيت الردوف = ولا تهون الخنفسا عين الفريدي
لقيت انا الذره بسنينه تسوف =وعضودها الجمار من فوق الجريدي[/poem]

هههههههههههههههههههههههههههه



خويك على قولة المثل هذا اللي ماعمره تبخر ... تبخر واحترق


وشولوه تاخذ واحدن رخمه مثلوه لمجالس الرجال ....




ماننحرم


اختك


مواااق

محرووم جعلنا ماننحرم منك

تسان نزلت خويك بله مكان بالصحراء وتخلصت منه ... اذا نجا أدبته
ولو انه خطر على وحوش البر , أى ذيب يبى يقرب له مايبى يعين خير , يمكن خويك ينحاش يم وجه الذيب ... ويخربط ام معلومات الذيب


ابداع أبداع أبداع أشكرك عليه