وان باعوا الشيمه بدينار وريال
[align=center]
السلااااام عليكم..
يعطيكم العااااااااافيه جميع..
قصيدة من روائع الامير محمد بن احمد السديري رحمه الله ...
ان صار زود المال بيدين الانذال
.............. حنا من المعروف تندا يدينا
وان كانهم شرهوا على طيٍب الافعال
.............. حنا وردنا جمٌها وارتوينا
وان فكروا للجود يمشون رحال
.............. حنا قبل يمشون يمه خطينا
ياما لبسنا للشرف كل سربال
.............. وعلى البسيطه للفضيله مشينا
في دوحة العرب لنا مجد وظلال
.............. وحنا على در المكارم اغذينا
لو نجمع اللي فات منا من المال
.............. إن كان شيدنا القصور وبنينا
نعطي ولا نتبع عطانا بالاقوال
.............. ونبذل ونسكت كننا ما عطينا
وان باعوا الشيمه بدينار وريال
.............. حنا دخلنا سوقها واشترينا
نطلع لها لو هي على روس الاقذال
.............. لو هو عسيرٍ دربها ما نثنينا
بافعالنا نرسم دروبٍ للاجيال
.............. اليا نساها غيرنا ما نسينا
أسود ساداتٍ تسجل للاشبال
.............. فضايلٍ شِيمنا لها واهتدينا
بيضٍ نسجٌلها جديدات واسمال
.............. حفايظٍ لاحفادنا اللاحقينا
نصبر على الشدات لو شيلنا مال
.............. لو سال دم ادفوفنا ما اشتكينا
نخاف يلقى سدٌنا كل ختال
.............. ويبني هزيلات المعاني علينا
الليل يا خالد على والدك طال
.............. وهنيت ناسٍ بالكرا نايمينا
ياعز راسي شفت ما خبث البال
.............. شيٍ يهوٌل شيٌب الجاهلينا
شي من اسبابه يشيٌب بالاطفال
.............. فطٌر خشوم مهجرعات الحنينا
ادير قالاتٍ عريضات وطوال
.............. قالات خلٌن المخفٌا يبينا
منهن رزين العقل بالوقت يهتال
.............. بوقتٍ عبوس فطٌن الغافلينا
الناس بالايام راحل ونزٌال
.............. تفجعهم الدنيا وهم دالهينا
وحياة رب نزل آيات الانفال
.............. عالم خفايا نيٌة الحاقدينا
مااترك طريق العدل من كل الاحوال
.............. لو يرحل المريخ للفرقدينا
وسلامتكم..
خااااااالص تحيااااااااتي للجميع...
jazlalqassed@alexandria.cc[/align]
