أنواع البنــــــــــــــات

نوعية من البنات تشوفها في البيت غير وعند الناس غير ..
على سبيل المثال:
في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى

2-الملابس:
أنواااااع الخلقنة في البيت .. يعني تلبس بنطلون بيجامة وبلوزة بيجامة !!
لكن اذا طلعت .. ل تدخل مسابقة كان فازت .. بملكة الأناقة..!!

3-خفة النفس:
ونسبتها قليلة جداً (ممكن يكون أكثر تواجدهم في القرى )
يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها ..

4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة في الشنطة (مناديل ،قراطيس،علوك ، فواتير،غطا روج بدون روج ....الخ)
والعض الآخر من البنات لااا .. شنطتها أنتكة مثلها
أنتكة= راعية ذوق

5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ورى ماتسوين حق وواجب في رجلك .. وتعفينه من الزيارت الي مالها سنع
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب

6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى ...
لأن الزين زين لو قام من النوم .. والشين شين لو ......

7- الدلع :
هذي غريزة في البنت .. يعني البنت اذا مح دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوووووووه
لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .

8- البنات النصابات :
يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
يعني بعطيكم أمثلة ..
** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
** شرت هذي التيور من ارفي نكلز كان عامل دسكاونت .. وهي شاريته من ......
** سارة ليه ماجيتي امس للحفلة ..
أمس بصراحة كان زوراج بنت خالتي .. كان في نياره ..وهي نصابة جاينها خوالها من ... .. ولا قدرت تروح للحفلة
(أنواااااع النصب) بس مايجي قطرة في بحر نصب الشباب ( )

9- مصلحجيات :
وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .

10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (م باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية من حلة القصمان

11-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم...

12-راية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..

13- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
شفت بنات زي كذا بس موكثير .

14-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب فسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه

15-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
واذا ردت ترد عقب الشين
غالباً هذي النوعية من البنات ماعندهم سالفة ..

16-راعية الطرب والشكشكة :
هذي النوعية من البنات متمشي إلا بمسجلها .. وأشرطتها في شنطتها ..

17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله

18-التبذير:
أغلب البنات مبذرات .. قليل البنات البخيلات واللي يحافظون على القرش ..

19- غيووووورة :
الغيرة وماأدراك ماالغيرة ..
كل البنات غيورات لكن نسبتها تختلف من وحدة للثانية ..
يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا
وفيه غيرة عن غيرة
بعض البنات يغاروون .. لكن يحاولون يطورن انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة

20-راعية السوق:
هذا دااااااايم دووووم بالسوق ..لو ماتشتري بس تروح للسوق هذي هي هوايتها
ونسبتها ماشالله كبيرة جداً

21-الطبيخة :
ماتسولف إلا عن الطبخ والمطبخ والمواعين
وماتروح عند احد إلا وصنف من أصناف الطبخ سابقها

22-تمســــــــكن لين تمكـــــــــن
مايحتاج تفسير لها

23-العناد :
بعض البنات عنيداااااااااااات وممكن انها سوي شي يخالف عاداتها وتقاليدها عشان تنفذ اللي براسها ..كذا عناد بس

25- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

26- ماتهااااااب:
بعض البنات شخصياتهم قوية مرررررة وماتهاب شي ابد

تفصيلك عجيب

لكن وارد (في بعض النقاط)



والحل

ان تكون شخصية مستقلة مثلا

ولا

تبتعد عن بعض العادات الممقوتة

ولا

ايش



اخوكم

أبــــــو خالد.....اتركنا من ايش..






المهم انت وينك فيه وين غاطس الفتره الي راحت؟؟
على العموم الحمد لله على السلامه وحياك ياغالي!!

هاه


ما ني قايل شي

وبعد والله ماغطست


هاه

شكلك شري وسوالفك حليله:D

دروب الشوق مساك الله بالخير
نوعية من البنات تشوفها في البيت غير وعند الناس غير ..
كلامك صحيح 100%
ولاكن هذه النسبة شبه عاليه
وتسلم دروب الشوق

أيييييييييييييييييييييه الله يرحم جدتي موضي اللي شافت النيفيا وبغت تاكله تحسبه قشطه

ياجماعة الخير أعتقد أن هاذي كله عقد نفسية

ونضرة أخوي دروب الشوق كله صحيحه

والله يستر من اللي بالطريق بعد

احم احم هااا اشوف غبت لي كم يوووم والدنياا ساحت من وراي :D

"بدير" اقصد دروب هااا شنو عندك بعد تصنيف لبنات حواء

ايوه اظهر وبان ياا دروب

بس والله تصنيف جداا رائع ياا دروب ماشاء الله عليك حاط عينك عدل

بس حبيت اسأل هالبحث الى اجريته كم عدد البنات الى استخدمهم بالعينة البحث هذاا

وكم اعمارهم وكم اوزانهم وكم اطوالهم ااووووه شكلي خرجت برى الموضوع

بس المفروض تكتب نوعية البنات ماعداا مراقبتناا هميان ا عزيزي لاني ماا عرفت احط نفسي باي تصنيف بصراحه

ومشاركه رائعة الله يعطيك العافية ونتمني المزيد

تقبل تحياتي

جـــــــــنونه....
الدنيا فرص ولازم الواحد يستغلها...
وبعدين على فكره انتي الحين لاحـــظي:
ترتيب الأرقــام:
22
23
25
......:D:D:D:D:D:D:D:D:D:D:D
مو مـــلاحظه انه فيه رقــم ناقص؟؟
خــلاص انا صراحه ماطاوعني قلبي انه أكتب التصنيف الناقص..
وبعدين قلت ياولد حرام تخسرها عشان تصنيف...وحرام يفرق بيننا تصنيف:cool::cool::cool::cool::cool::cool::cool::cool::cool:

الاخ دروب الشوق
اختلف معاك في اغلب النقاط منها الاتي

السلام للجميع/الصراحه موضوع مسكت 0000بس المشكلة انهم امهات
المستقبل يعني يخلف الله000000000
بس هالنوع يحتاج انتفاضه0لاتسكتون بس