(( أمل ))

[align=center]مع التحيه والتقدير للشاعر

نافع الطواله

( ابو هدله )

مع التحيه والتقدير لكل عشاق الشعر

اهدي لكم أخر ماكتبت
[/align]


[align=center]( أمل )[/align]



[poem=font="MS Sans Serif,6,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

غرو أختلط جده مع هزله = وسط الحشى دقدق مساميره


لامن مشى كل ٍ يطالع له = حتى عيوني من جماهيره


من الجيد طلعه.. للبطن نزله = طلعه ونزله..صعب تصويره


للصبح في جيده (يابو هدله)=شمس ٍ بها حمره وتصفيره


أفرح بشوفه كيف في وصله =ياقبلة الله سرع تأثيره


أستصعبه وأ"قول ياسهله = أثر البلى عقلي وتفكيره


بعض السوالف بالعقل خبله = ويني ووينه ... يالله الخيره


قلبي تعب وأتعبت في عذله = غصبٍ يفز ويفتح السيره


مجنون ابو فصل الهوى واصله = باب انفتح وشلون تسكيره


عنتر سبقنا ومات في عبله = والموت له سكره وتكشيره


لامن مشى يمشي على مهله = ريم ٍ وظله لاسهى يذيره


لامر ...ماكملت لك جمله = منهو يشوفه يضيع تعبيره


أدعج ..غنج.. ملهوف مامثله =لامر ... عينك ماتبي غيره


لاشفت زوله... ملح ٍ وقبله = منحاش من جرف ٍ لدحديره


خصره يحق الورك في عدله =ظالم وخصره بان تقصيره


فستان ماينفع ولابدله = وركه تهاوش مع تنانيره


والساق مبروم ٍ وبه فتله = فوق القدم بشوي تدويره


قطع قلوب الناس في بخله = شره طمر غصب ٍ على خيره


والموت رسم العين والكحله =رسمة حجاجه حل تكفيره


والرمش قاسي مدبب ٍ نصله = معكوف متعوب ٍ بتحضيره


لامن ضحك غمازته وجله = وسط الخدود تشوف تحفيره


لامن تكلم أذته خصله = تقطع حديثه حب ٍ وغيره


كل مارفعها ترجع النذله = تقطع حديثه شك ٍ وحيره


مليانة ٍ متنيه منفصله = والا الكفوف تشع تنويره


أصابعه ألماس منعزله = كن الاظافر وسطها ليره


كن الشعر ليل ٍ تعب سدله =من الراس لين الورك تقديره


لامال فرت خصلته عجله =ولادار راسه... كرت مغيره


لامن تبسم حل لك قتله =لامايوطوط لاضحك طيره


شفه فرات ... وشفة ٍ دجله = (ثلج ٍ جمر) فمه (على بيره)


عين ٍ تشوفه تنكسر خجله = طاغي ولاتتحمله ديره


كان الحسن خيلٍ قضب حبله = ملح الخليج ... وسكر الحيره


وش جاب له سوسن معا نهله = وش جاب له سلمى مع منيره


دلو ٍ وشح العذب في جدله = لين رجعت ( خمص ٍ ) عصافيره


قلبي له المرباع والربله = خل تطارد به مغاتيره


كنه قصيدة شاعر ٍ جزله = دله تقند من مباهيره


دامه (أمل ) عمري و(أمل) وصله = بصبر عليه ... وجعلها خيره[/poem]

[align=center]

فيصل اللويش

[/align]

[align=center]الغالي





فيصل





والامل




والامل



صح لسانك لاهنت


تحياتي


سرحان[/align]

[align=center]
شاعرنا الفذ و استاذنا القدير

فيصل اللويش


صياغة فاخرة و تصوير تعدى الرائع إلى ... أروع

كنتُ هنا لأن فيصل اللويش كان هنا

فأخذت معه موعد مع الإبداع و الإمتاع

و بانتظار بقية المواعيد بشغف


تحياتي

الدهور[/align]

فيصل اللويش



[align=center]نص راقي



وقصيدة من العيار الثقيل


احتاج الى التواجد كثيراً هنا لاستيعاب هذا الدرس الشعري



والاستفادة


صح لسانك [/align]

[align=center] صح ألساانك

شاعرنا الراائع


أبو طلال

قصيده مترفه جداً بدقة التصوير والوصف

لله درك يامبدع


والله لايهينك[/align]

[frame="1 80"][align=center]فيصل اللويش

ابوطلال

صح لسانك

تصوير بليغ لا يجيده الا الكبار

لاهنت[/align][/frame]

[align=center]فيصل اللويش



شرفتني بسماعي لها كأول محظوظ...بسماعها


شهادتي في ترف قصائدك مجروحه..



صح لسانك...وعوده الى الصبابه يابو طلال


والعود احمد



..


تحياتي الخاصه جداً

لصاحب سمو الشعر فيصل اللويش[/align]

[align=center]
الاستاذ والشاعر المبدع

فيصل اللويش


انت استاذا كما قالت الدهور

والقصيده فعلا من العيار الثقيل وانها درس شعري يستفاد منه كما قال سعود بادي

القصيده دقيقة التصوير والوصف كما قال فلاح العماش

القصيده بها تصوير لايجيده الا الكبار كما قال الغازي

وانت لست مجرد شاعر بل صاحب سمو الشعر كما قال نبراس


لن ازيد شيئا

سوى

فعلا هذه القصيده درسا شعريا وتصويرا بليغا ودقيقا حتى تصورنا ماتعنيه

واردت ان اختار بيت منها لم استطع فكل بيت بها عن قصيده


لن اقول صح لسانك

بل سأقول

هذا هو الشعر الذي يستحق ان يقرأ




اختك العنوود[/align]

صاحب سمو الشعر استاذي / فيصل اللويش


أمل ومامثله امل

وصف وكأني أتفرج

جمال ولا في الخيال

عوده لما يرش القلوب بالرذاذ

صح لسانك (( يسلموووووووووو))

ــــــــــــــــــــــــــــــــ
استاذي

أتشرف بمناجاتك لي بالقصيده وأفتخر أن تحمل قصيده من قصائدك اسمي كيف وان تكون قصيده مصوره وبهذا الجمال

إن ماجرت عليه العاده أن يرد من تمت مناجاته في أي قصيده

ولكني هنا لن أرد حفاظا على مستوى وجمال هذه القصيده


أبو طلال


صدق من قال

صاحب سمو الشعر / فيصل اللويش

[frame="1 80"][align=center]

الاخ

الشاعر


فيصل اللويش



صح لسااااانك




قصيدة تحمل توقيعك لابد ان يكون لها نصيبها من التميز



تحياااااااتي لك

اختك

السنافية[/align][/frame]