من روااائع الخلاوي ...

تعتبر هذه القصيدة من اروع ماقاله الشاعر الكبير / راشد الخلاوي
حكم وامثال ونصائح ،،،
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول الخلاوي والخلاوي راشد = وهو قاعد يبني جديد القصايد
قصايد لابد الملا تستفيدها = لامسى غريم الروح للروح صايد
ابوصيك ياولدي وصاة تضمها = الى صار مالي من مدى العمر زايد
لاتاخذ الهزلا على شان مالها = ولاتقتبس من نارهم بالوقايد
لاتاخذ الا بنت قوم حميدة = عسى ولد منها يجيب الحمايد
يجزى عمل راع الحساني بمثلها = ويجزى عمل راع النكد بالنكايد
ولا تتقي في خصلة مابها ذرا = ولاتنزل الا عند راع الوكايد
ولا تسفه المنيوب لاجاك عاني = واياك ياولدي ومطل الوعايد
فلي من قديم العمر نفس عزيزة = اعض على عصيانها بالنواجد
قد اوزمتها ماكان خوف الى بقى = علي من ايام الردى ان تعاود
فمن عود العين الرقاد تعودت = ومن عود العين المساري تعاود
ومن عود الصبيان اكل ببيته = عادوه في عسر الليالي الشدايد
ومن عود الصبيان ضرب بالقنا = نخوه يوم الكون يا اباالعوايد
ومن تابع المشراق والكن والذرا = يموت ماحاشت يديه الفوايد
الأيام ماباق بها كثر مامضى = والأعمار ما اللي فات منها بعايد
نعد الليالي والليالي تعدنا = والأعمار تفنى والليالي بزايد
والى دقت الوسطى الأبهام تذكرت = زمان مضى ماهو لمثلي بعايد
ومن عاش بالدنيايرى يابن سالم = كريه الليالي والأمور الشدايد
وترى الثنا يابن كليب على الفتى = مكايد كما بالعين شوك الكتايد
فقولوا لبيت الفقر لايامن الغنى = وبيت الغنى لايامن الفقر عايد
ولا يامن المضهود قوم تضده = ولايامن الجمع العزيز الضهايد
وواد جرى لابد يجري من الحيا = إما جرى عامه جرى عام عايد
ومن لايسقِّي كنـّة الصيف زرعه = فهو مفلس منها نهار الحصايد[/poem]

وسلامتكم ،،،

[b][i]قصيده جزلة المعانى الله يرحم من قالها كل بيوتها صخر وخاصه
نعـد الليالـي والليالـي تعـدنـا
والأعمار تفنـى والليالـي بزايـد
والى دقت الوسطى الأبهام تذكرت
زمان مضى ماهـو لمثلـي بعايـد

وكثر الله خيرك ياراعى الوقيد ونطمع بالكثير

ولا يهون هالأبيات التالية :-

فقولوا لبيت الفقر لايامـن الغنـى ... وبيت الغنى لايامـن الفقـر عايـد

ولا يامن المضهـود قـوم تضـده ... ولايامن الجمع العزيـز الضهايـد

وواد جرى لابد يجري من الحيـا ... إما جرى عامه جرى عـام عايـد

حياك الله يابونايف

وابشر بالخير

وانت بعد لاتذخر علينا اللي عندك هاتووووووووه

تحياتي

الخلاوي ياعيني على الخلاوي وطول نفسه ،شعره متألق ويتصف بالحكمه في غالبه وعزة النفس منها اذكر ابيات في عزة النفس يقول فيها

مقام الفتى في منصب العز ساعه
ولاألف عام يصحب الذل صاحبه
والذّل حتى للضواري يسلّها
كما سلّ داء السل معلوق صاحبه
حياة بلا عز محا الله خطها
حياة الفتى مافاتها العز خايبه
فالى المرء صار العار والذل حظّه
فالموت ستر له يغطي معايبه


راعي الوقيد
يعطيك العافيه على هالقصيده الرائعه للشاعر راشد الخلاوي ..

تحياتي لك
شموخ

راعي الوقيد تسلم على القصيده ولا تحرمنا من قصايد الخلاوي

تحياتي لك

مسيك بالخير اخوي راعي الوقيد

وشكرا على هذي المقتطفات من شعر وحياة راشد الخلاوي

شكرا

مفراص

شموخ ،،،

ابو ريم ،،،

مفرااص ،،،

يالله حيهـــــــــم ،،،

اهم شي ان القصيدة جازت لكم ،،،

تشرفناا بطلتكم ،،،

:)

المشرررررررف

تسسسلم والله يعافيك:)

برضه انا قاعد ادور للصعيليك ولقيت هاذي

ههههههههههههههه

حرام تندفن

كعكعكعكعكعكع

تحياتي:)

الله يعطيك العافيه ياخال وقصيده رائعه

اكل عليها الزمان وشرب:)

صحتين وعافية على البك يالصيرمي ،،،

لاتاخذ الهزلا علـى شـان مالهـا
ولاتقتبـس مـن نارهـم بالوقايـد

مشكور خالد على الإطراء:)

والسلااااااااام ...
..