-
السلام عليكم.....
كل عام وانتم بالف خير وصحه وسلامه بمناسبه سنه 2002 اتمنى ان تزول بسلام على الجميع والصحه والعافيه وعقبال مائه سنه......
في قصه حدثت لشاعر كبير من السعوديه مع بنت من قيبله شمر ...
في ربيع 99 ......
في ثلاث اخوان مع عوايلهم طلعوا الى البر ونصبو الخيام في بر شمال الجزيره .... المهم الرجال هم وشايبانهم في النهار يتمشون ويفقعون وما يرجعون الى المخيم الا في وقت الغروب بينما النساء يطبخون الذبائح ويجهزون الشاء .. في يوم من الايام ذهبو الرجال وبقي النساء بالمخيم معهم عجايزهم .. المهم قامت العجوز تجهز العشاء ومعه ثلاث بنات يساعدنه . وبقين العجز في الخيمه .. وذهبت احدى البنات من بناتهم الى ابوها قبل لا يطلعون للفقع وقالت لابوها ابي مفتاح الجيب على شان اروح فيه مع اخوي الصغير انا وباقي البنات نتمشى .. قال ابوها خوذي المفتاح بس انتبهو لا تروحون بعيد..
المهم طلعوا الرجال وراحو..
قامت وخذت من البنات تبي تروح بالجيب تتمشى واستاذنن من العجوز
قالت العجوز انا اشوفكم بالدريبيل لا تروحون بعيد
راحو بالجيب والجوز تشوفهم بالدريبيل مرن البنات بالجيب من جنب مخيم الا واذا في جيب يلحقهم طلع من المخيم وناصيهم وكان الجيب لونه اسود والبنات بجيب لونه ابيض والعجوز شافتهم
وقامت تصيح بالبر وطلعت من المخيم مفرعه وتصارخ وتنادي الا في مخيم قريب منهم وكبير وفي رجال شاف العجوز تصارخ وذهب يمه وكان يركض وهو حافي يوم وصل الى العجوز قال ياخاله وشفيك قالت تشوف الجيبين اللي يتطارون قال ايه اشوفهم قالت لنا بنات بجيب ابيض راحن يتمشن ومرن بجنب مخيم وطلع منه جيب اسود ولحقهم وما ادري يمكن شباب يلحقونهم قال الرجل لعيونك وركب جيبه ولحقم يوم مر بجنبهم لقا بالجيب الابيض بنات وبالجيب الاسود بنات ورجع للعجوز وقال له يخاله كلهم بنات المهم البنات الثلاث طلعن من خيمه المطبخ على صراخ العجوز يوم تنادي وراحن يمه وهن منفزعات وحتى من الخرعه ماكانت عليهم شيلها او غوطه المهم اسقن العجوز ماء الا الرجل يوم جاء وقالهم ان اللي بالجيبين كلهم بنات ارتاحت العجوز .. انت يالرجل شاف من البنات الثلاث واعجب بوحده منهن وكانت اجملهن وكانت طويله وشعرها اشقر .. رجع الرجل للمخيم..
جن البنات راعيات الجيب وقالن لامهم لو شفنا انهم رجال كان رجعنا لكم ما كان رحنا نلعبمعهم ....
المهم الرجل وهو ( شاعر معروف بالسعوديه وكبير ) اللي فزع للعجوز رجع للمخيم وراح لامه وقاله انا شفت وحده اليوم وكذا سالفتي وابيك تزوجيني قالت اي وحده فيهم ووصف له شكله..
راحت ام الشاعر لاهل البنت وجت ولقت العجوز وقامت تسئل العجوز انتم من انتم ومن وين انتم عرفت انهم من شمر ..وهم يتكلمون دخلت مره كبيره وعرفت بنفسه وعرفت ام الشاعر انها ام البنت اللي شافها ولده.. خذت المره وقالت قومي نتمشى بره
طلعوا بره وقالت انا ام الرجل اللي فزع لكم اليوم وبالعربي انا جايه وابي اخطبه لولدي لانه شافه واعجب يها وحنا من اهل فلان ومعروفين بالسعوديه قالت ام البنت انا من يوم شفت الرجل وانا دريت انه ولد شيخ من عمله وطبعه معي وعزالله انه يستاهل بس البنت والله مخطوبه وان كان يبي احدى البنات يجي للرجال ويخطب ويتفاهم معهم قالت ام الشاعر لا انا ولدي يبي البنت هاذي قالت ام البنت اعذرينا البنت مخطوبه مثل ما قلت لك ...(ام البنت كانت تكذب لانه ما الرجل ولد شيوخ ولا هو من ثوبهم )
رجعت ام الشاعر لولده وقالت له السالفه كذا وكذا يالولدي انساه ازوجك اللي احلى منه ...
والشاعر كان متزوج من مره وعنده ثلاث عيال بس يوم شاف النت اعجب فيها ويبي يتزوحه ..
زعل الشاعر المعروف وراح جلس مع الرجال وهم مجتمعين بالليل وكانوا يتسامرون الا هو كان زعلان سئله من الرجال الموجوين وشفيك انت اليوم منت طبيعي ما رد عليه..
وبعد ايام شكى لصديقه عمره عن سالفته وقال قصته وقصد له القصيده :
اسمها بحرف العين جدد جروحي ,,, ياليتني للبر ماجيت عاني
يابدر يامشكاي ياكثر نوحي ,,, غديت بالمقناص عدي لحالي
الجادل اللي شال عقلي وروحي ,,, صدفه نظرته واقف بالفياضي
والشعر الاشقر فوق حده يلوحي ,,, عسلوجه بالوصف عنق الغزالي
كله عفيفه ما تجي بالمزوحي ,,, وماهي من اللي ناظرت للرجالي
ياليتها تسمع دقيقه وتوحي ,,, واشرح لها عن حالتي وما بدالي
ياقسي قلبه كيف ماهو عطوفي ,,, ما ترحمن لو هو خطير زوالي
قفت وخلتني عطيب الجروحي ,,, مغروره ماهما وش جرالي
جرت معاليقي واخطت بروحي ,,, شالوا وخلوني بري اعاني
والله يالولا الخوف وادرى العيوبي ,,, لا اشيلها من فوق جيب خلاوي
واسرى بها بالليل مع الغيوبي ,,, وازبن هل الطولات ديار الشمالي
بس البلاء دونه حدوب السيوفي ,,, شمر هله معربين السلالي
يابدر كان انك بحالي ترفي ,,, قم دوره وارخص له كل غالي
اطلب من الله يكتبه من نصيبي ,,, نرهن لها الارواح والعمر فاني
وشكرا ارجو المعذره من توضيح القصه لانها تخص شاعر معروف وكبير
والاهم انها تخص عائله من عوائل محترمه وعزيزه النسب
فيصل
-
بسم الله الرحمن الرحيم
جزاك الله خير اخي فيصل على نشر موضوعك هذا
ولكن
لي ملاحظة بل ملاحظات انك تقول الشاعر كبير ومشهور ولكن عجبي ان القصيده طالع تجميع فالقاف غير موحد والفكره غير متسلسله مثل
صدفه نظرته واقف بالفياضي
فبدل الفياضي قد يكون المفالي لان القاف ( الي ) ثلاثة حروف الق والام وياء.
فاامتى ان تنقل لنا القصيده كامله واما الموقف الشهم من الشاعر حسب كلامك ماهو مستغرب على ابن حموله فالخير لازال موجودا
وكذلك يرى الاتيان بالمصدر كما تفضل اخي ابويزيد بالكثير من مواضيعه لانه مهم.
-
اخي الاديب
مرحبا فيك وشكرا على ردك....
اخي المصدر ما اقدر اوضح اكثر من كذا بس احب اقولك ان العائله موجوده بنفس المنطقه اللي انا ساكن فيها ...
واعرفهم جيدا ...واسف عن التوضيح
بالنسبه للقصيده صحيحه مائه في المائه وهي اقولها مره ثانيه لشاعر كبير ومعروف ....
بيني وبينك بعض القصص ما المفروض ان تحكى فيها .. لانها حساسه ولا تقبل التوضيح وانا اسف جدا على نشر القصه .. لاني توقعت ان القى ردود جميله .. لكن اللي حصل منك انك تكذبي على القصيده ومع انك اول مره انت تقراء القصيده حسب ما اعتقد او سمعت القصه
وانا اسف جدا ....
مع الشكر لاخي وحبيبي الاديب
فيصل
-
بسم الله الرحمن الرحيم
جزاك الله خير
اخي فيصل وتسلم ولم ادعي انك تكذب بل اقول واصل ابداعك وسلمك الله لنا .
-
الاخ faisal
تحية عطره بجمال ابراج دولة الكويت الغالية
القصة حلوه ولم تحصل على شمريه لان افعال بالقصة من قيادة سياره وصياح عجوز وسماح من الرجال للبنات وامور كثيره لاتصدر من ناس ينتمون لشمر الا اذا كانو ا يسكنون باحدى الدول الشقيقة التى لاتفرق بين ابن القبيلة وغيره والله المستعان 0
شمر خيار القوم لولا فعالها 000
-
ماشاء الله عليك..
صياغه رائعه لأحداث القصه ..
والقصيده رائعه..
ولا أروع منهم الا مشاركتك
لا... تحرمنا من مشاركاتك
ولك تحياتي
-
مرحبا اخوي ابو يزيد
وانا اسف على الرد المتاخر
كلك ذوق يابو يزيد واشكرك على الدعم المستمر
وارجو ان اكون خفيف الظل عليكم
تقبل ارق تحياتي
اخوك فيصل
-
مرحبا فيك ياخي سلمان
لك الشكر على ردك الجميل
بس لي ملاحظه
اخي سلمان العائله من السعوديه
وينتمون لشمر ...
وبعدين ما في شي خطا وصار حتى انك تبرهم من شمر
ليش لان بنت عمرها صغير ساقت سياره ... لا تعليق
انا اشوف عكس كلامك تصرف حكيم من ام المخطوبه ويدل على نسبها الطيب ...
بس العيب في الشاعر ياخي سلمان .. زي ماقال ابو يزيد
تقبل تحياتي
واعتز بمعرفتك
-
مرحبا فيك
يامشرفنا العام
بس حبيت لو عرفتنا باسمك
اشكرك على الدعم المستمر
اخوك فيصل
