قصيدة عبدالله بن دباس

هو راشد بن عبدالله بن ناصر بن دباس الدوسري عـاش في
النصف الاخيـر من القرن الثاني عشر الهجــري وهو من
بلـدة عودة سدير ويقال انه توفــي في عام 1308هـ رحمه الله
سافر ابنه "دباس" الى بلاد مسكت لطلب الرزق لمدة ثمان سنوات
فقال هذه القصيدة بعد ان طالت مدة غيابــه عليه ولم يذكر له غير هذه
القصيدة و رد أبنه "دباس" عليها ولذلك تسمى اليتيمه






يا ونّـةٍ ونيتهـا مـن خـوا الـراس
مـن لاهـبٍ بالكبـد مثـل السعـيـره
ونين من رجله غـدت تقـل مقـواس
ويون تالـي الليـل يشكـي الجبيـره
وياحمس قلبي حمـس بـنٍ بمحمـاس
ويا هشـم حالـي هشمهـا بالنجيـره
ويا وجد حالي يا مـلا وجـد غّـراس
يوم اثمرت واشفـا صفـا عنـه بيـره
على ثمر قلبـي سـرا هجعـة النـاس
متنحـرٍ دربٍ عـسـا فـيـه خـيـره
الله يفكـه مـن بـلا سـو الاتـعـاس
ومـن شـر عبثـات الليالـي يجيـره
فـي ديـرةٍ تقطعـت عنـه الأرمـاس
سبعيـن يــوم للركـايـب مسـيـره
لا والله الا حـال مـن دونـه اليـاس
حـط البحـر والبـر دون الجـزيـره
عقّب لسلـوانٍ ورا الصيـن والطـاس
وقلبـي علـى فرقـاه تسمـع فريـره
يالله ياللي رد مـن عقـب مـا يـاس
يوسف على يعقـوب وابصـر نظيـره
ترد علّي ادباس يـا محصـي النـاس
يـا عالـمٍ مـا بالخفـا والسـريـره
يا ادباس انا اوصيك عن درب الادنـاس
تـرى الـذي مثلـك يناظـر مسـيـره
عليك بالتقوى تـرا العـز يـا ادبـاس
في طاعـة اللـي مـا ينجيـك غيـره
هذي ثمان اسنين من رحت يا ادبـاس
لا رسالـةٍ جتنـي ولا مـن بـريـره
يا ادباس من عقبك ترا البال محتـاس
وعليـك دمـع العيـن حـرق نظيـره
وعليك كني فـي دجـا الليـل حـراس
أصبح علـى حيلـي وعينـي سهيـره
أصبحت أنا ما بين طـاري و هوجـاس
وطـواريٍّ تطـري عليـنـا كثـيـره
مثل الوحش قلبي علـى كـفّ حبـاس
يكفـخ كمـا طيـرٍ اسبوقـه قصيـره
متحيرٍ من عيلـة البيـت يـا ادبـاس
ارجـي ثـواب الله و اخـاف المعيـره
أخاف من حكـي العـدا ثـم الانجـاس
أهـل الحكايـا الطايلـه و القصـيـره
ويقـال خـلا عيلتـه عنّـز الــراس
اقفـا وخـلا عيلـةٍ لــه اصغـيـره
ولاّ فنـا يـا بـوك قطـاع الارمـاس
مـا نيـب مثبـورٍ ورجلـي كسـيـره
آصلك لو دونك نبـا حمـر الاطعـاس
الصلـب والصمـان دروبٍ عسـيـره
مهالـكٍ مـداركٍ مـا بهـا اونــاس
إلا الثعـل والبـوم تسمـع صفـيـره
لو كنت في نزوا وديـرة بنـي يـاس
أهـل المـوازي والوجِيـه الغبـيـره
عبّـادة الأصنـام شـرّابـة الـكـاس
الخمـر والتنـبـاك فيـهـا وغـيـره
لاركب على وجنا من الهجن عرمـاس
فجَّ النّحر يـا ادبـاس حمـرا ظهيـره
متروسـة الفخذيـن مزبـورة الـراس
كـن الخـلاص اعيونهـا يـوم اديـره
يا شبه ربـدٍ يـوم تخفـق بالاونـاس
وان رفـعـت جنحانـهـا مستـذيـره
تنشر من العوده علـى نـور الانفـاس
عنـد الفجـر والليـل مقفـي مريـره
والعصر بالصمان تسمع لهـا اضـراس
حبـل الرسـن خطـرٍ تبتـر جـريـره
ونهـار ثالـث بيـن حمـا والأوراس
واره يمينـك جعلهـا لــك سفـيـره
واركب علـى ساجيـةٍ تقلـب الـراس
تمشي بهلهـا فـي البحـور الغزيـره
الى مسقط الفيحاء بها الخير محتـاس
لـولا الكفـر والشـرك يـاوي ديـره
عز الله انها ديـرةٍ مـا لهـا اجنـاس
لـولا بهـا يعبـد مــع الله غـيـره
لـولا بهـا يشـرك علـي وعـبـاس
وأيضـاً بهـا الفـاروق سبـه بريـره
فيها الطبيخ وراهي الخبز يـا ادبـاس
يقعـد خـوي الـراس خنـة خميـره
هي ديرة اللـي باغـيٍ كيفـة الـراس
ولا له حدٍ همـه مـن النـاس غيـره
هيسٍ ولد هيـسٍ و للصحـاف لحـاس
يفـرح إلـى نيـدي لذبـح العقـيـره
ذا ماقفٍ يا ادباس مـا فيـه نومـاس
يصلـح لقيـنٍ مهنتـه طـق زيــره
ترى الفداوي دون وانت أنشـد النـاس
راعيـه مـا يذكـر بخيـرٍ وغـيـره
ما له سوى حذو الحنك منـه واليـاس
والى انقطع خرجـه فـلا لـه ذخيـره
طلب المعيشـه بالحراثـه والاجنـاس
المشتـرا والبيـع يوصـف وغـيـره
ثم انهض العيـرات مـع كـل فـراس
يـا ادبـاس دوّر خـيّـرٍ تستشـيـره
جدك وعمانـك هـل العـزم والبـاس
أهـل اللـوازم مكملـيـن القصـيـره
يا ادباس ما يصبر على البق والحـاس
إلا الـذي مـالـه بنـجـدٍ عشـيـره
واليوم يا مـروى شبـا كـل عبـاس
أنت الرجا يـا لطّـام وجيـه المغيـره
عشرين عام كلها ارجيـك يـا ادبـاس
مثـل الغريـر اللـي تولـع ابطـيـره
عـدل المناكـب هيلـعٍ فـرخ قرنـاس
يمنـاه فـي لطـم الحبـاري شطيـره
عانق خلوجٍ روحـت عقـب مـرواس
عنـد العصيـر لبيضهـا مستـذيـره
والليل جاه وحال مـن دونهـا اليـاس
روحـه علـى فرقـاه فـرت فـريـره
يا ادباس أنا يابوك مـا نيـب بـلاس
مَيْـر ان عيـلات الرفـاقـه كثـيـره
جنبت وسط السوق وامشي مع الساس
وآخـذ شـوي الحـق واتـرك كثيـره
ياادباس لو روّحت لي من دحب الاكياس
مختلـفـةٍ مــا بـيـن زرٍ ونـيـره
مالي بهـا يـا جعلهـا بألـف قبـاس
او جعلهـا تذهـب لـو هـي كثـيـره
يا ادباس قلبـي كلمـا هـب نسنـاس
شرقيـةٍ هـبـت بقلـبـي سعـيـره
والحال يا فرز الوغـى مسهـا البـاس
عليـك يـا نطـاح وجـه المغـيـره
واغصون قلبي يا فتـى الجُـود يبـاس
غـادي أنـا يابـوك كنـي هشـيـره
مـن شافنـي يقـول ذا فيـه لسـاس
واللـي بـرا حالـي إلهـي خبـيـره
لا واعـلا مـن قبـل غـوال الأنفـاس
وامفـارق الدنيـا يجيـنـا بشـيـره
عسا يطـق البـاب والنـاس غطـاس
يـا والـي القـدره عليـك اتعبـيـره
وصلاة ربي عـد مـا هـب نسنـاس
علـى النبـي عـدة حقـوق المطيـره




وبعد وصول القصيده الى أبنه دباس جاوبه
بهذه القصيده الرائعه:_






حي الجواب إللي لفانا من الـراس
جابه اغـلامٍ مـا توانـا مسيـره
اهلاً هلاً به عد ما حبـك قرطـاس
او ما كتب به من ابيوتٍ شطيـره
جواب من هو لي مودٍ من النـاس
أبوي مـا يوصـف حلـيٍ لغيـره
فرز الوغى كنه على الوكر قرناس
اقـروم ربعـه كلهـا تستشيـره
دليل عيراتٍّ إلـى هـب نسنـاس
هيفّيـةٍ صلفـهْ ولا بـه ذخيـره
مهفي الغنم لأهل الركايب والافراس
إن جو من الهيفا عليهـم قصيـره
راعي معاميلٍ بها العبـد جـلاس
للبن يشـرى بالسنيـن العسيـره
هذي بمركاهـا وهـذي بمحمـاس
وهذي يصبـه للوجيـه السفيـره
واخلاف ذا ياراكبٍ فوق عرمـاس
مأمونةٍ من نقـوة الهجـن عيـره
حمراً وهي في سنها وقم الاسداس
بالسن لا فاطر ولا هـي صغيـره
ما هي لحوحٍ راكبه بالعصا قـاس
حرم عليها غيـر شيـل النجيـره
والخرج هو وابيوت قيلٍ بقرطـاس
مع مزهب الأيام مـا هـي كثيـره
فوقه اغلامٍ منوته قطع الارمـاس
لو هو بليـلٍ مـا تغيـر نظيـره
وإلى لفيت الدار فاجهر بالاحساس
وبلغ سلامي كـل ذيـك العشيـره
واختص أبوي إلي نفل جملة الناس
وخصه بعلم وقل ترانـي بشيـره
لا يانقي العرض يابـوي لا بـاس
إن كان تشكي الضيم فانا أسيـره
وإن سايلك عني تراني ابنومـاس
وانا احمد اللي ما توسلـت غيـره
المدح لو يشرى شريناه باكيـاس
باموالنا نرخـص نـدور ستيـره
مطرق افرنجي مضاريبها الـراس
ومصلبخٍ جبتـه عسانـي ذخيـره
صّناعها نصرانيٍ يشـرب الكـاس
يذكـر ورا جـاوه ابعيـدٍ مسيـره
ابغيه للي حادينك علـى السـاس
أهـل النمايـم والحكايـا الكثيـره
ربعٍ نوو فيك الـردا والتخسـاس
مهبول ياللي قال غايـب عشيـره
على حقٍ لـودع الجمـع ينحـاس
ليما العشر يقـوم يلعـن عشيـره
يابوي انا مارحت ابي كيفة الراس
مع ذا ولاني في سفـاهٍ و غيـره
إن ما سكنا الدار من غير هُوجاس
والا نعاف الـدّار ونـدور غيـره
كله لعين كلمةٍ قلـت يـا ادبـاس
تشكي وانا دوني ابحـورٍ غزيـره
خذ لك يمين الشرع قطاع الانفاس
إنه فـلا جتنـي علـومٍ بصيـره
لا نَابْ جانـي بحبـرٍ وقرطـاس
أيضاً ولا جتنـي اعلـومٍ سفيـره
إن كان تشكي الضيق يابوي لاباس
جاك الفرج يا ابوي هو والبريـره
ولا فنا يابـوي قطـاع الارمـاس
أصبر على الشده ولو هي عسيـره
يم البحر مشروبنـا فـك فنطـاس
والماء هماجٍ منه كبـدي غثيـره
يامسندي يابوي شوف أوكد الناس
ثم انشده قل ويش هو في مسيـره
ان كان مايفرح صديقك ابنومـاس
تحرم علينا اللي انهـوده صغيـره
مدلول مجمولٍ زها زين الالبـاس
هي بنت من يثني خلاف الكسيـره
طارٍ يقول اظهر وطـارٍ ابجـلاس
قمت اشرب التنباك واثـره نكيـره
ابغي عسى لي يبرد القلب يا ناس
من لاهب شبـت ابقلبـي سعيـره
ومن كان له غايب فلا يقطع الياس
إن قدر الله جـاب علمـه بشيـره
في ساعة لا قلت والناس غطـاس
يا والـي الدنيـا عليـك اتعبيـره
وجدي عليكم وجد من باللقا جاس
خلي طريحٍ فـوق وجـه المغيـره
أو وجد من شَوّحْ لبلده ولا جـاس
بّتيلهم بان الخلـل فـي مسيـره
أرخصْ ابذب المال لوهو بالاكياس
يصيح للرّبـان مـا مـن جزيـره
وصلاة ربي عد ما هـب نسنـاس
علـى نبـي امنفـلٍ بالجـزيـره

[QUOTE=فتى الحفيره]هو راشد بن عبدالله بن ناصر بن دباس الدوسري عـاش في
النصف الاخيـر من القرن الثاني عشر الهجــري وهو من
بلـدة عودة سدير ويقال انه توفــي في عام 1308هـ رحمه الله
سافر ابنه "دباس" الى بلاد مسكت لطلب الرزق لمدة ثمان سنوات
فقال هذه القصيدة بعد ان طالت مدة غيابــه عليه ولم يذكر له غير هذه
القصيدة و رد أبنه "دباس" عليها ولذلك تسمى اليتيمه




[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا ونّـةٍ ونيتهـا مـن خـوا الـراس=
مـن لاهـبٍ بالكبـد مثـل السعـيـره
ونين من رجله غـدت تقـل مقـواس=
ويون تالـي الليـل يشكـي الجبيـره
وياحمس قلبي حمـس بـنٍ بمحمـاس=
ويا هشـم حالـي هشمهـا بالنجيـره
ويا وجد حالي يا مـلا وجـد غّـراس=
يوم اثمرت واشفـا صفـا عنـه بيـره
على ثمر قلبـي سـرا هجعـة النـاس=
متنحـرٍ دربٍ عـسـا فـيـه خـيـره
الله يفكـه مـن بـلا سـو الاتـعـاس=
ومـن شـر عبثـات الليالـي يجيـره
فـي ديـرةٍ تقطعـت عنـه الأرمـاس=
سبعيـن يــوم للركـايـب مسـيـره
لا والله الا حـال مـن دونـه اليـاس=
حـط البحـر والبـر دون الجـزيـره
عقّب لسلـوانٍ ورا الصيـن والطـاس=
وقلبـي علـى فرقـاه تسمـع فريـره
يالله ياللي رد مـن عقـب مـا يـاس=
يوسف على يعقـوب وابصـر نظيـره
ترد علّي ادباس يـا محصـي النـاس=
يـا عالـمٍ مـا بالخفـا والسـريـره
يا ادباس انا اوصيك عن درب الادنـاس=
تـرى الـذي مثلـك يناظـر مسـيـره
عليك بالتقوى تـرا العـز يـا ادبـاس=
في طاعـة اللـي مـا ينجيـك غيـره
هذي ثمان اسنين من رحت يا ادبـاس=
لا رسالـةٍ جتنـي ولا مـن بـريـره
يا ادباس من عقبك ترا البال محتـاس=
وعليـك دمـع العيـن حـرق نظيـره
وعليك كني فـي دجـا الليـل حـراس=
أصبح علـى حيلـي وعينـي سهيـره
أصبحت أنا ما بين طـاري و هوجـاس=
وطـواريٍّ تطـري عليـنـا كثـيـره
مثل الوحش قلبي علـى كـفّ حبـاس=
يكفـخ كمـا طيـرٍ اسبوقـه قصيـره
متحيرٍ من عيلـة البيـت يـا ادبـاس=
ارجـي ثـواب الله و اخـاف المعيـره
أخاف من حكـي العـدا ثـم الانجـاس=
أهـل الحكايـا الطايلـه و القصـيـره
ويقـال خـلا عيلتـه عنّـز الــراس=
اقفـا وخـلا عيلـةٍ لــه اصغـيـره
ولاّ فنـا يـا بـوك قطـاع الارمـاس=
مـا نيـب مثبـورٍ ورجلـي كسـيـره
آصلك لو دونك نبـا حمـر الاطعـاس=
الصلـب والصمـان دروبٍ عسـيـره
مهالـكٍ مـداركٍ مـا بهـا اونــاس=
إلا الثعـل والبـوم تسمـع صفـيـره
لو كنت في نزوا وديـرة بنـي يـاس=
أهـل المـوازي والوجِيـه الغبـيـره
عبّـادة الأصنـام شـرّابـة الـكـاس=
الخمـر والتنـبـاك فيـهـا وغـيـره
لاركب على وجنا من الهجن عرمـاس=
فجَّ النّحر يـا ادبـاس حمـرا ظهيـره
متروسـة الفخذيـن مزبـورة الـراس=
كـن الخـلاص اعيونهـا يـوم اديـره
يا شبه ربـدٍ يـوم تخفـق بالاونـاس=
وان رفـعـت جنحانـهـا مستـذيـره
تنشر من العوده علـى نـور الانفـاس=
عنـد الفجـر والليـل مقفـي مريـره
والعصر بالصمان تسمع لهـا اضـراس=
حبـل الرسـن خطـرٍ تبتـر جـريـره
ونهـار ثالـث بيـن حمـا والأوراس=
واره يمينـك جعلهـا لــك سفـيـره
واركب علـى ساجيـةٍ تقلـب الـراس=
تمشي بهلهـا فـي البحـور الغزيـره
الى مسقط الفيحاء بها الخير محتـاس=
لـولا الكفـر والشـرك يـاوي ديـره
عز الله انها ديـرةٍ مـا لهـا اجنـاس=
لـولا بهـا يعبـد مــع الله غـيـره
لـولا بهـا يشـرك علـي وعـبـاس=
وأيضـاً بهـا الفـاروق سبـه بريـره
فيها الطبيخ وراهي الخبز يـا ادبـاس=
يقعـد خـوي الـراس خنـة خميـره
هي ديرة اللـي باغـيٍ كيفـة الـراس=
ولا له حدٍ همـه مـن النـاس غيـره
هيسٍ ولد هيـسٍ و للصحـاف لحـاس=
يفـرح إلـى نيـدي لذبـح العقـيـره
ذا ماقفٍ يا ادباس مـا فيـه نومـاس=
يصلـح لقيـنٍ مهنتـه طـق زيــره
ترى الفداوي دون وانت أنشـد النـاس=
راعيـه مـا يذكـر بخيـرٍ وغـيـره
ما له سوى حذو الحنك منـه واليـاس=
والى انقطع خرجـه فـلا لـه ذخيـره
طلب المعيشـه بالحراثـه والاجنـاس=
المشتـرا والبيـع يوصـف وغـيـره
ثم انهض العيـرات مـع كـل فـراس=
يـا ادبـاس دوّر خـيّـرٍ تستشـيـره
جدك وعمانـك هـل العـزم والبـاس=
أهـل اللـوازم مكملـيـن القصـيـره
يا ادباس ما يصبر على البق والحـاس=
إلا الـذي مـالـه بنـجـدٍ عشـيـره
واليوم يا مـروى شبـا كـل عبـاس=
أنت الرجا يـا لطّـام وجيـه المغيـره
عشرين عام كلها ارجيـك يـا ادبـاس=
مثـل الغريـر اللـي تولـع ابطـيـره
عـدل المناكـب هيلـعٍ فـرخ قرنـاس=
يمنـاه فـي لطـم الحبـاري شطيـره
عانق خلوجٍ روحـت عقـب مـرواس=
عنـد العصيـر لبيضهـا مستـذيـره
والليل جاه وحال مـن دونهـا اليـاس=
روحـه علـى فرقـاه فـرت فـريـره
يا ادباس أنا يابوك مـا نيـب بـلاس=
مَيْـر ان عيـلات الرفـاقـه كثـيـره
جنبت وسط السوق وامشي مع الساس=
وآخـذ شـوي الحـق واتـرك كثيـره
ياادباس لو روّحت لي من دحب الاكياس=
مختلـفـةٍ مــا بـيـن زرٍ ونـيـره
مالي بهـا يـا جعلهـا بألـف قبـاس=
او جعلهـا تذهـب لـو هـي كثـيـره
يا ادباس قلبـي كلمـا هـب نسنـاس=
شرقيـةٍ هـبـت بقلـبـي سعـيـره
والحال يا فرز الوغـى مسهـا البـاس=
عليـك يـا نطـاح وجـه المغـيـره
واغصون قلبي يا فتـى الجُـود يبـاس=
غـادي أنـا يابـوك كنـي هشـيـره
مـن شافنـي يقـول ذا فيـه لسـاس=
واللـي بـرا حالـي إلهـي خبـيـره
لا واعـلا مـن قبـل غـوال الأنفـاس=
وامفـارق الدنيـا يجيـنـا بشـيـره
عسا يطـق البـاب والنـاس غطـاس=
يـا والـي القـدره عليـك اتعبـيـره
وصلاة ربي عـد مـا هـب نسنـاس=
علـى النبـي عـدة حقـوق المطيـره [/poem]
وبعد وصول القصيده الى أبنه دباس جاوبه
بهذه القصيده الرائعه:_




[poem=font="Simplified Arabic,4,white,normal,normal" bkcolor="transparent" bkimage="" border="solid,4,seagreen" type=2 line=0 align=center use=ex num="0,black"]
حي الجواب إللي لفانا من الـراس=
جابه اغـلامٍ مـا توانـا مسيـره
اهلاً هلاً به عد ما حبـك قرطـاس=
او ما كتب به من ابيوتٍ شطيـره
جواب من هو لي مودٍ من النـاس=
أبوي مـا يوصـف حلـيٍ لغيـره
فرز الوغى كنه على الوكر قرناس=
اقـروم ربعـه كلهـا تستشيـره
دليل عيراتٍّ إلـى هـب نسنـاس=
هيفّيـةٍ صلفـهْ ولا بـه ذخيـره
مهفي الغنم لأهل الركايب والافراس=
إن جو من الهيفا عليهـم قصيـره
راعي معاميلٍ بها العبـد جـلاس=
للبن يشـرى بالسنيـن العسيـره
هذي بمركاهـا وهـذي بمحمـاس=
وهذي يصبـه للوجيـه السفيـره
واخلاف ذا ياراكبٍ فوق عرمـاس=
مأمونةٍ من نقـوة الهجـن عيـره
حمراً وهي في سنها وقم الاسداس=
بالسن لا فاطر ولا هـي صغيـره
ما هي لحوحٍ راكبه بالعصا قـاس=
حرم عليها غيـر شيـل النجيـره
والخرج هو وابيوت قيلٍ بقرطـاس=
مع مزهب الأيام مـا هـي كثيـره
فوقه اغلامٍ منوته قطع الارمـاس=
لو هو بليـلٍ مـا تغيـر نظيـره
وإلى لفيت الدار فاجهر بالاحساس=
وبلغ سلامي كـل ذيـك العشيـره
واختص أبوي إلي نفل جملة الناس=
وخصه بعلم وقل ترانـي بشيـره
لا يانقي العرض يابـوي لا بـاس=
إن كان تشكي الضيم فانا أسيـره
وإن سايلك عني تراني ابنومـاس=
وانا احمد اللي ما توسلـت غيـره
المدح لو يشرى شريناه باكيـاس=
باموالنا نرخـص نـدور ستيـره
مطرق افرنجي مضاريبها الـراس=
ومصلبخٍ جبتـه عسانـي ذخيـره
صّناعها نصرانيٍ يشـرب الكـاس=
يذكـر ورا جـاوه ابعيـدٍ مسيـره
ابغيه للي حادينك علـى السـاس=
أهـل النمايـم والحكايـا الكثيـره
ربعٍ نوو فيك الـردا والتخسـاس=
مهبول ياللي قال غايـب عشيـره
على حقٍ لـودع الجمـع ينحـاس=
ليما العشر يقـوم يلعـن عشيـره
يابوي انا مارحت ابي كيفة الراس=
مع ذا ولاني في سفـاهٍ و غيـره
إن ما سكنا الدار من غير هُوجاس=
والا نعاف الـدّار ونـدور غيـره
كله لعين كلمةٍ قلـت يـا ادبـاس=
تشكي وانا دوني ابحـورٍ غزيـره
خذ لك يمين الشرع قطاع الانفاس=
إنه فـلا جتنـي علـومٍ بصيـره
لا نَابْ جانـي بحبـرٍ وقرطـاس=
أيضاً ولا جتنـي اعلـومٍ سفيـره
إن كان تشكي الضيق يابوي لاباس=
جاك الفرج يا ابوي هو والبريـره
ولا فنا يابـوي قطـاع الارمـاس=
أصبر على الشده ولو هي عسيـره
يم البحر مشروبنـا فـك فنطـاس=
والماء هماجٍ منه كبـدي غثيـره
يامسندي يابوي شوف أوكد الناس=
ثم انشده قل ويش هو في مسيـره
ان كان مايفرح صديقك ابنومـاس=
تحرم علينا اللي انهـوده صغيـره
مدلول مجمولٍ زها زين الالبـاس=
هي بنت من يثني خلاف الكسيـره
طارٍ يقول اظهر وطـارٍ ابجـلاس=
قمت اشرب التنباك واثـره نكيـره
ابغي عسى لي يبرد القلب يا ناس=
من لاهب شبـت ابقلبـي سعيـره
ومن كان له غايب فلا يقطع الياس=
إن قدر الله جـاب علمـه بشيـره
في ساعة لا قلت والناس غطـاس=
يا والـي الدنيـا عليـك اتعبيـره
وجدي عليكم وجد من باللقا جاس=
خلي طريحٍ فـوق وجـه المغيـره
أو وجد من شَوّحْ لبلده ولا جـاس=
بّتيلهم بان الخلـل فـي مسيـره
أرخصْ ابذب المال لوهو بالاكياس=
يصيح للرّبـان مـا مـن جزيـره
وصلاة ربي عد ما هـب نسنـاس=
علـى نبـي امنفـلٍ بالجـزيـرة[/poem]

[align=center]فتى الخفيره
تسلم على هذا الجهد وعلى هذا الاختيار
تحياتي لك [/align]

الله لايهينكم كلكم ويعطيكم العافيه

فتي الخفيرة الله يعطيك العافيه لاهنت