الحنان والذيب وابو جمال

[color=#000000]ارسل الشاعر فلاح بن ضاوي الحنان بالفاكس الى الشاعر ذيب الشمري وارسل نسخة لي. وهي مسندة لذيب الشمري

[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا ذيب شمر وأثر مرباك قتال=ما تنعم الا في ديار الشواوي
تبغى مع الشويان طليان ورخال=ما فيه مره قلت لي يابن ضاوي
أظن جوعي ما طرالك على البال=والا طرالك مار مانته بناوي
سرحت عند المال وأقفيت بالمال=واللي يبي خوّتك ما له مخاوي
تركتني مرمي بسلات الاهمال=وهدد سليمان يتلقى الدعاوي
يلعب على المسحوب ويقول موال=لعل ما له عند ربي عراوي
ياذيب كيف الحيله وكيف الاحوال=أنا مع العالم و كني خلاوي
صداقة أهل العز ما عاد تنطال=من يوم طبة وسط سوقٍ غلاوي
ماعاد باقي غير نخوه ورجال=اللي على صعبات الاريا جرواوي
ابو جمال يعوظني فاشهب اللال=والا ترى ماعد باقي عزاوي
يا شحت الدنيا بوقفات الابطال=أنا بشمر هاقيٍ لي هقاوي[/poem]

-----------------------
وهذا رد من ذيب الشمري على فلاح ضاوي السبيعي
الى الزميل العزيز الشاعر فلاح ضاوي الحنان السبيعي مع مزيد التقدير

[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مرباي في مرباك ياطيب الفال=يوم أنت بين الأحمدي والحساوي
تستثمرالأيام دينار وريال =وتصيد بالمخلاب مثل النداوي
ويوم إنتهى الموسم تنحيت رحال=تبحث عن المرباع بأرض الصداوي
ما بيننا حالت بعيدات الاميال=وزالت قهاوي وإستجدت قهاوي
تعتب على ذيبٍ سكن بين الأطلال=ما مر يوم الا وهو فيه عاوي
يا كيف يفتح لك مشاريع وأعمال=وهو مطوّق بين ميّة ظراوي
وانته تنقل بين الاوطان جوال=يا ليتني مثلك طليق الخطاوي
لو كنت مثلك بالغنايم والأنفال=لبّيت شرهات الخوي والفداوي
لكن رغم قيد السلاسل والاغلال=لجل التخلص ما ندوّر فتاوي
يابو طلال أبشر ترى الخير باقبال=إن ساعف الله ما تخيب الرجاوي
تاخذ منافع شمري قدر وإجلال=ماهي منافع سابقتها رشاوي[/poem]
---------------------------------




وهذه معارضه من عقيل سعود المنيس لفلاح ضاوي الحنان وذيب الشمري

[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الفكس وحدة من جهازات الارسال=نقل لنا عبر إتصاله نخاوي
من شاعرٍ مبدع وناقض وفتال=وعن تجربات الوقت ناقل وراوي
عن ما حصل له من تجاريب وأهوال=بالشعر والا بإختلاف الاهاوي
لو إنها ما هي ميادين وقتال=لكنه أمرٍ حسب رايه سماوي
ناسٍ على هدهد يعقدون الآمال=تضيع بين السامري والحداوي
وفلاح حط ملاحظه وأشغل البال=وأنا على حاجة صديقي قصاوي
إن كان حاصل لك من الوقت غربال=أقبل علينا والطريق متساوي
شمر بحايل وإن تيامنت بحيال=قبلك ذكرهم بالقصيد الفراوي
وأنا معك باللي تبي والخطر زال=علمٍ مقابل ما نقوله قفاوي
لو مأنت في حاجه لفزعات وأضوال=ربعك سبيع مطوّعة كل غاوي
وإن كان دعواكم عماله وعمال=الله يجنبك الخطر والبلاوي[/poem]

صح لسانك ولسانهم جميعنااااا



وتسلم ابو جمال

صح لسانكم جميع
من اروع القصائد
من شعار معروفين
الله لا يهينكم جميع

حضر ابو جمال فحضر الابداع|116|

ثلاث فرائد من ثلاث قمم شعريه ، وجبه شعريه أكثر من دسمه :)

صح الله لسانك اديبنا وشاعرنا الكبير ابو جمال وحياك الله وما اتحفتنا به من هذه الروائع الشعريه.

لا تعلم كم سررنا لرؤية أسمك على شريط آخر المشاركات، وكم استمتعنا بهذه المشاركه (ثلاثية الابعاد) الرائعه.

اخي ابو جمال: الشطر الاول من البيت الثاني من قصيدة الذيب، كأنه ينقصهُ كلمه ان كانت قراءتي صحيحه.

لاتحرمنا من رؤية اسمك في مضيف التراث

تحياتي واحترامي

عزيزي الاصمعي شكرا على المرور وصح بدنك والروائع تراهن ثنتين اما قصيدتي فهي محاوله مجاراه للشاعرين ذيب الشمر ي وفلاح ضاوي الحنان السبيعي والف شكر انك قارنتني بهما
----------------------
قصيدة ذيب يوجد كلمة ناسيها انا ماكتبتها وشكرا تنبيهك والكلمه هي ((( تستثمر ))) حاوله تحرير النص للتعديل وما عرفت ياليت اللي يعرف يعدلها ليصبح الشطر كالتالي:
((( تستثمرالأيــام ديـنــار وريـــال )))

[size=4]عزيزي ذيب شراف الف شكر على مرورك وصح بدنك والف شكر انك قارتني بالعملاقين ذيب والحنان[/size]

e=4]عزيزي ذيب الجهاد الف شكر على مرورك وصح بدنك والف شكر انك قارتني بالعملاقين ذيب والحنان وارجو ان اكون عند حسن ظنك وان تكون قصيدتي مقاربه لهؤلاء العمالقه ذيب والحنان[/size]

[frame="1 80"][align=center]ابوجمـال المنيس

يسلمون كلهم

وصح لسانك على الرد

وانت كفو ولا تواضع

تحياتي لشخصك الكريم[/align][/frame]

[poem=font="Simplified Arabic,4,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
مشرفنا العزيز صح بدنك و شكرا لاسلوبك الراقي
بالتعامل مع أعضاء المنتدى والف شكر على تعديل الخطاء المطبعي
و تقبل شكري وتقديري [/poem]

[align=center]
استاذنا الفاضل

أبو جمال المنيس


مليون صح لسانكم

محاورة جميلة لشعراء شهادتنا فيهم مجروحة

دمتم بهذا التألق


أختك

الدهور[/align]