عرض للطباعة
الأخوة الأعزاء / شعراء المضايف
السلام عليكم ورحمة الله وبركاته وبعد
سمعت بيتاً من الشعر فأعجبني فأردت الإستفسار منكم عن الآتي :
من قائل هذا البيت ؟
هل له تكملة قبله أو بعده؟
والبيت هو :
بذلت الحساني بالحصاني وغرني ======= مصافا الحصاني عن مصافا أسودها .
أرجوا الرد بأسرع وقت ممكن .
[align=center]
أخوي المريشال
حياك الرحمن اخوي
و مرحبا بك
بالنسبة للبيت أنا أول مرة أسمع فيه
بس إن شاء الله يكون في شخص يعرف القصيدة
و حيااااك
أختك
الدهور[/align]
تسلمين أختي الدهور ============ وأشكرك على مرورك
غالي والطلب رخيص ايها المارشال:)
هذي طول الله عمرك للفارس والشاعر رميزان التميمي وهي موجوده في كتاب ليس تحت يدي الآن.
من قصيده اذكر منها قوله:-
[poem=font="Simplified Arabic,5,white,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]
بذلت الحساني بالحصاني وغرني =مصافا الحصاني عن مصافا أسودها
موت الفتى موتين موتٍ من الفنا=وموتٍ من اخلاف الذراري جدودها
من مات ما خلف من ابناه مثله=فهو مثل نارٍ جر عنها وقودها[/poem]
الف شكر لك ياأخ الأصمعي على هالمعلومات القيمة وياحبذا لو أكملت لنا القصيدة
[align=center]
شكرا لأخي الأصمعي
الذي أوصلنا إلى اسم الشاعر
و منه وجدت القصيدة المطلوبة !!
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خيــر الليالــي لــذةٍ في سعودها =وصــف المعالــي كل شي يكودها
خيــر المــلا من فيه عـز ورفعة =يجود إلى قــل اليــدا من جودهـا
ولا شن سوى التقـوى إلى صار تقية =دون العــدا لا قل منهــا وفودهـا
ولا شن سوى التقـوى إلى صار نعمة =الأجواد تستر عرضهــا من جودها
قلتــه ولي عينٍ عن النــوم ربمـا =يحصــل لها عن نومهـا ما يذودها
يا جبر يا راعـي أمــورٍ جليلــة =بها تتـقـي شجعانهــا في حيودهـا
العام توعدنــي على الراس يا فتـى =راحـت قلـوبٍ راجفــات الهودهـا
لفانــي ضحى يا ابن سيار رسلـك =من الشعر مدحـــاتٍ تفجِّع نشودها
بعـض المعانــي يابن سيار تركها =أخيــر لي من شقــوةٍ في حدودها
يا جبر تشكــي الملح وأشكي رفاقةٍ =ظني عدمهــا خيرٍ لي من وجودهـا
بذرت الحسانــي بالحصاني وغرني =مصافى الحصاني عن مصافى أسودها
كـم بذرت كفّــي بهم من صنيعـة =وكـم بذرت جداننــا في جدودهـا
وكم اشتكــى منا المعادي بفعلنــا =عليهـم تعلوينــا وهم من شهودهـا
وكم درعوا بأس الفتــى فيه واتقوا =نواهـل بها عقــب تعهد صدودهـا
وكم دبَّروا عنها وهي قد تلاحمــت =يبور حاكــي خزنهـا عن نفودهـا
وكم زلــةٍ يرفونهــا عنـد غيرنا =إلى حدثوهـم صوب من لا يرودهـا
نشــب نارٍ عن ذراهـا و مثلهــا =الأجواد ما تجعــل ذراهـا وقودهـا
وكـم مجــرمٍ فينا تركنــا لزلتـه =نحملــه وكم يومٍ غممنـا حسودهـا
يفـرح بنا الأقصيــن منـا ويبقـى =للبـذل جزليــن العطايـا وسودهـا
لي ديرةٍ يا جبـر مابيَّــة الحمــى =عن الضد بأطراف العوالـي نذودهـا
في القيظ مجلاســي على برد منشع =وإن جا الشتــاء نارٍ تلظَّى وقودهـا
ولك عندنا مقــام ولك عندنا بهــا =معايض الأشيـاء من خوالي قيودهـا
لـي ديــرةٍ بنخيلهــا مستظلَّــة =يشــوق تقديـم النضــا كادودهـا
حكرنــا لها وادي سدير غصيبــة =بسيوفنــا اللّـي مرهفـات حدودهـا
لا صدَّر اللامي والأجنــاب قلطـوا =على عيلـمٍ بالقيـظ يكثــر ورودهـا
جرى لنا في مفرق السيــل وقعــة =إللــي حضرهــا مالك الله يعودهـا
برجالٍ أمضــى من ليوث الشرايـع =سعيديـة تشبــه ضراغــم أسودهـا
لا كن عوّيــل العّجـز بأسفل شعيبنا =تقانـب أسبــاعٍ مكمــلات عدودهـا
الأنجاس شبوهــا والأنذال قبسهــم =والأجـواد والمـال المنمَّــا وقودهـا
لـي ديرةٍ يا جبـر خضراً مضلــه =يشــوق منهـا غرسهــا واكدودهـا
يا طول ما قابلتهــا فـوق منشــع =محالهــا بالليــل يسهــر رقودهـا
لا جا الشتاء تشرب صوافي سيولهــا =وبالقيظ من جـم البطاحــي برودهـا
حمَّلتهــم حمــلٍ ثقيــلٍ نقلتــه =بالضيـف مـع جيرانهـا عن نقودهـا
كلـه لعيــن اللي من الناس عنسـا =حمر الشفايــف ناقضــات جعودهـا
جداك فيهــا يا ابن سيـار ديــرةٍ =هي شيخـةٍ لو تتقــى عن حسودهـا
أقــول لك فـي وادي حنيفــة مقَّرد =قــومٍ لهـا بيـن البرايــا ودودهـا
كما أنك في طرق المراجــل مجرَّب =وحسن الثنــا بالحال من لا يكودهـا
والى ولي يذعــن ذايــه الحمــى =لو ينقلـب وادي الحنيفــي فهودهـا
يا حيسفــا شم العرانيــن خلفــوا =أراذل عميــانٍ تبــي من يقودهـا
موت الفتــى موتيــن موت من الفنا =وموتٍ من اخـلاف الذراري جدودهـا
ليت الذي حـدر الثـرى فوق الثـرى =وليت الذي فوق الثـرى في لحودهـا
من مـات ما أرَّث في ذراريـه مثلـه =فهـو مثــل نار جرَّ عنها وقودهـا
فان عشــت في الدنيا غني فأنا لهـا =دما الضــد بأيامٍ تلافــا قصودهـا
لشاعرها:رميزان التيميمي[/poem]
أختكم
الدهور[/align]
[frame="1 80"][align=center]اخواني الاعزاء
الماريشال2003
الاصمعي
الدهور
شكرا من القلب لكم جميعا
وبعد ان وصلنا الي الهدف المطلوب وهوالقصيده كامله واسم شاعرها.
استميحكم العذر بنقلها لمضيف الشعر المنقول
تحياتي لي:) ولكم جميعا[/align][/frame]
ولا اسعد من الشي يا جاء عقب طلب
الله يبارك بالاخوان
الاصمعي
والدهور
ولا تهون يا مرشال
لا عدمناك
--------------------------------------------------------------------------اقتباس:
المشاركة الأصلية كتبت بواسطة الاصمعي
القصيدة مثل ما قال خالي الاصمعي واحب ان اضيف بيت اخر
ياحيف يا شم العرانين خلفوا أراذيل عميانٍ تبي من يقودها
وهي مسجله بكتاب الشوارد الجزؤ 3 ص 66 (( لعبدالله بن خميس ))
شكرا للاصمعي على توضيح اسم الشاعر والشكر موصول للاخت الدهور التي وجدت القصيدة كامله وكذلك كل الشكر للمريشال الذي اثار موضوع هذه القصيدة القيمة
مع إنها كانت هناك بين ناظريكم >> قصّة وقصيدة
ولكنها لم تلقى الاهتمام ولو من باب الاطلاع..!!
والشكر لك الدهور على إستكمال الأبيات الناقصة،،،
تحياتي للجميع ،،،