قــــف الزوجــــة مــسا فــرة !!!!!

[align=center]الى الاخوات سؤالي وكذلك لغير المتزوجات ..بالمستقبل اذا تزوجت ...

تعرفون ان المملكة العربية السعودية كبيرة المساحة ,بين كل منطقة ومنطقة مئات الكيلوات ..

الموضوع هو ان اكثرية المتزوجون تجد اهله في مدينة ومكان عمله في مدينة اخرى ..وكذلك الزوجة معه

الواحد يالله في الاعياد والاجازات يسافر حتى يشوف اهله واقاربه وناسه ....والسفر عندنا الاغلبية بالسيارة

مع الخطوط تمتير .........

سؤالي هناااا ....ماذا تفعلين ايته الزوجة في الطريق بسيارة مع زوجك ....

كثر مسافر بين الرياض وحائل وحداني اه يالقهر وشوف المسافرين كل واحد وزوجته بجنبه ......

تخيلت هذه الفكرة او هذا الموضوع الذي بين ايديكم الان ...

ماذا تفعلين ايته الزوجة مع زوجك في السفر ...........

هل تنامين وتتركينه لا سوالف ولا شي ولا تقومين الا قبل ماتصلون بشوي حتى تزيننين ..وهو مسوي فيه

الزوج رومانسي وحاط الشمسيه علشان الشمس متصحيكي من النوم ....

او هل تطلعين سنافيه وتظبطين القهوة والشاي وتحطينها بالثلاجات وكل شوي تقهو ياحبيبي ...وهات سوالف وضحك وناسه ...الزوج وده يرجع رايح جاي مع الخط من الوناسه ..

او مسويه اسبوع المرور وكل شوي لا تسرع شوي خفف الله يهديك وش مستعجل عليه الدنيا ماهي طايره.

اوف لو يطلع فيها الزوجة سكر الله لا يبلنا ويشفيها كل شوي وقف وعلى المنوال الله يكون بعون الزوج..

يالله نبي نسمع بكل صدق وش راح تسوووووووووووون


تحياااااااااااااااااااااتي[/align]

اخوي موج البحر

موضوعك شييي


كل شئ مبني على شئ

وإذا فيــه شئ فبيكون شيييي


والشئ من غير شئ ماهو بشيييي


يعني على مايقولون للسفر سبع فوائد :

تفريج همٍ وإكتساب معيشة ... علم وآداب وصحبة ماجدِ

فالصحبة من أهم الأمور التي تخفف على تعب الطريق ..


تحياتي،

[align=center]مــــــــوج البـــــــــحـــــــــر

والله انك رايق وأفكار مدري من وين تطري عليك :):)

مدام المشوار طويل اتوقع بعمل كوكتيل ساعه بهاوشه لايسرع :D:D وساعه بنام فيها وإذا صحيت وكان المزاج معدل قهويته :p:p

لا تبي الحقيقه مو حلو إن الوحده تنام وهي باالطريق على الأقل علشان هو ماينام أو يحس باالملل لازم تسولف عليه شوي ،ومره تقهويه ،وشوي تهاوشه لايسرع لكن انها تنام لالالالالالالا..

تحياتي لك

شمــــــوخ [/align]

اقتباس:

---

المشاركة الأصلية كتبت بواسطة شموخ

[align=center]بهاوشه - بنام - قهويته [/align]

---

قلوب بنات حوا عند بعضه ... سبحان الله! |505|

أستلم هالسالفة لصديق عزيز علي قال لي اللي صار من باب التحذير بسؤال تسأله كل مرة زوجها بأيام الزواج ينبع عن دلع وغنج وهذا شي مانقول عليه غلط بالعكس مافيه اشكال , الاشكال بجوابك على هالسؤال واستلم السالفة:

يقول كنا رايحين من حايل للرياض وكنت أمشي على أقل من مهلي لأن سوالفنا محلية الجو نتذكر , ننكت , نتناقش بالمستقبل
هذا كله يصير والمعزبة عند رجولها ترمس الشاهي والقهوة وخذ ياشاهي وخذ قهوة يابعد عيني .. يقول تغير الحال قبل القصيم بكذا كيلو والبداية كانت بالسؤال: ( لو أموت تتزوج وحدة ثانية ولا لا؟)
قال رفيقي بعيد عنتس انشاء الله ووالله يالغالية ماأضن .. ألا أقعد اصيييييييييييييح على قبرتس <-----يطنز:D
يقول ماتوقعت انها بتتغير 180 درجة بعد هالاجابة ... مادريت الا البنت زعلت وقامت تعاتب تقول والله ماضنيتك خاين ... بالبداية كان يضنها حرة له لكن البنت قامت تبكي !!!!!!
وقام الرجال يحاول يقنعها ان كلامه مايتعدى المزح وانه لو صار هالشي استحالة ينساها حتى انه قال ماضنيت استمر بالعيش بدونك ... وزاد الطين بلة يوم قالت تكذب علي وتضن اني غبية ؟!!!!!!
يقول ومن عقب القصيم واليييييييين قبل الرياض وحنا هواش بهواش الين انخمدت من كثر البربرة:D

هذا غير واحد من الشبة بعد طلع يفسح زوجته بجدة وبعد ماعدو 50كيلو عن حايل قالت له الناس تتفسح بماليزيا وانت تفسحني بجدة !!!! (والله ان رفيقي راح بعد الحاح منها بالسفر لجدة وكل هالروحة تلبية لطلبها)
يقول من قالتها وانا ارجع وقلت غيرنا بماليزيا وغيرنا بجدة وغيرنا مايروح ابد .. حنا لانروح ابد:)

من كل موضوعك مالقيت الا الله يكون بعون الزوج أقولها من قللللللللللللب

تحياتي يالقطوع

^
^
^
الله يغربل ابليسك ياعبد العزيز :)

والله قصة رايقة بشكل ,,, بس عاد هي مالها داعي هي وسؤالها ,, الحين مروقين ومبسوطين وتقوله له لو أموت تتزوج وحدة ثانية بعدي ؟؟ أجل بيقابل قبرها >>>>>>>هذي اللي على وجهها :)

أنا أستغرب من اللي تعرف تنام في السيارة ,, لافي المشاوير العادية ولا في الرحلات ,, والله ان السيارة انواع الفلة ,,

تسلم ياموج البحر على هالمواضيع الحلوة ,,

[align=center]مجموعة انسانة

مثل ماقلتي الصبحة مفهوم جميل

دمتي الى قلمك والى من تحبي


تحيااااااااااااااااااااااااااااااااااااا ااااااااااااااتي[/align]

[align=center]شموخ

كوكتيل اجل ...........


مشكووووووووووره على المشاركة


دمتي الى من تحبي[/align]

[align=center]عبدالعزيز

قصة حلوووووووووة ولا تستغرب ان الشي يطلع من الحريم ......مو غريبه عليهن



الف شكرررررر لك على المشاركه


دمت الى من تحب[/align]

[align=center]الريم

شكلك متعقده من النومه في السيارة


الف شكرررر على التعقيب


دمتي الى من تحبي[/align]