قلي علامك؟؟؟

[align=center][frame="4 80"][grade="00008B FF6347 008000 4B0082 00008B"] السلام عليكم ورحمة الله وبركاته


قالت لي امي ياولدي شـف شبابـك
وارفق على نفسك ترا الناس شافوك
شافـوك متغيـر وحاضـر غيابـك
ومتشتـت فـكـرك وللهم ممـلـوك
وقالت لي اسمع كنت احس بصوابـك
ابكي دموعي هم واشكي على ابـوك
كنت ارتجي ظلـك وماطـر سحابـك
ونسمة هواك اتشيل عن دربي الشوك
ارضى عذابي لجـل اشتـت عذابـك
مابي تحس انك اذا طحـت متـروك
عهد الطفولة كنـت احضـن ثيابـك
لارحت تـدرس وانتظرهـم يـردوك
واشرب بقايـا مابقـا مـن شرابـك
لارحت مستعجـل وخايـف يخلـوك
اساعـدك تحفـظ.. اجلـد كتـابـك
اضمك ان رديـت متعـب ومنهـوك
اليـوم ليـش اليـوم زاد اكتئـابـك
واللي يبونك.. من سوايـاك عافـوك
لاياولـدي ارحـم فــؤاد حيـابـك
لاتقطعه احزان. وجـروح. وشكـوك
قل لي علامـك قافـل اليـوم بابـك
عن ربعك وناسك كفا باب مصكـوك
والناس اللي تحـرق لهـم مابقابـك
مااظنهم كثـر الـذي فيـك حبـوك
ابسألـك وانطـر حبيبـي جـوابـك
تدري بأن الناس مافيـوم حسـوك؟
امسح دموعـك لايخيـب الرجابـك
منت الذي يضعف وينهـار ارجـوك
واقفت... وانا ساكت وفكري متشابك
وجسمي كأنـه بالسياجـات مشبـوك
ناديتهـا يمـه.. ذبحنـي عتـابـك
تكفين يمه.. خلـي البـاب مصكـوك

[/grade][/frame][/align]

كم هي رائعة ومؤلمة في الوقت ذاته ،
وخاصة ..

كنت ارتجي ظلـك وماطـر سحابـك
ونسمة هواك اتشيل عن دربي الشوك
ارضى عذابي لجـل اشتـت عذابـك
مابي تحس انك اذا طحـت متـروك
عهد الطفولة كنـت احضـن ثيابـك
لارحت تـدرس وانتظرهـم يـردوك

،،
جزيت الخير كله .. أخي الكريم .. الحايلي 999

مشكوره اختي العزيزه شمالية روح على مرورك العزيز على قلوبنا

ودمتي سالمه