الاجواد وعدهم للصحيح

السلام عليكم
مريت من قدام مضيف القصه والقصيده متوجهن لمضيف المحاوره قلت يمكن بوه قضب شوش:) >>>صايرن شري وليامار هكالرجال يصوت والتفت لوه لياهذا خلف الرويتع مار ماهو على خبري متعقدتن حجانوه :mad:ويخانق وينك رايح قلت لجيرانكم قال وبعد تقوله قدامي ويصد وراوه وهو يسحب البرنو قال هالحين فاتحن هالمضيف ومشرعن بيبانوه ليل نهار هو ماهو معجبك والله ان ماعينت خير ودخلت اني لفعل وترك :)
قلت ياهلا ابو عتيق تصدق ماعرفتك قال هين الذله بنت حلال قلت سم طال عمرك قال اقلط حياك يالمخاوي وترانا مانجفل يالبناخي فنجال وعلوم رجال قلت كفو بس وخر خشم هالبرنو عني:) ومد لي الفنجال الاول والثاني وفنجالن بثر فنجال والله يوم زان الكيف وهون وجع الراس قال عاد يوم هون راسك عطنا لنا سالفتن وتراك مانت معذور قلت استلم يابعد حي


هذا بوقت الامير محمد الاحمد السديري يوم كان على الحدود الشماليه كان جالسن عندوه بالمجلس واحدن من العمود من شمر -لايحضرني الاسم-وصياح المرتعد من عنزه ومجموعه معهم وقم يالسديري وهو ينشد العمودي ايكم ياشمر والا عنزه اطيب قال العمودي الكل منا طيب ويوم اخذوا شوي
قال هاه ماعلمتن الوكاد كثره السديري على هالشمري ثم قال العمودي انا محولن الاجابه على صياح المرتعد وهو يسكت الامير له شوين وقال عطنا
ياصياح قال المرتعد والله يالربع انا عندي سالفه واسمعوه يقول صياح نوينا الغزو انا ومعي لي مية فارس وقلنا نبي نغزي غدينا نكسب لنا حلال
ومع فجة النور وحنا نمشي وليامار هكالفرسان ويتقدمهم عوده ابو تايه شيخ الحويطات ومعوه ميه وسبعين قال وين رايح يابو تايه قال غزو قال اجل وشرايك نتخاوى ونغزي سوى قال تم والله وحنا نتشاور وقلت وين تبينا نغزي قال ابوتايه ماحولنا الا بني صخر قال اجل عليهم وحنا متجهينن يمهم ولياهكالسماره يالله نشوفه وليامار ابو تايه معوه لوه دربيل الماني مايخبر وهو يدربل قال هذا المسيوق حول الثلاثين من البل وهم حول الخمسين ماهم واجد وباينن عليهم التعب الشديد شكلهم مسرى طول ليلهم يقول يوم قال ابو تايه عوذا وش هالوجه هذا قلت وش شفت قال شفت لي خيال على فرس
ولوه شنبات مغطياتن وجهوه والله ان وجهوه يخرع ومعوه لوه بندق حاطه على متونوه والثاني على لوه ذلول وحلاياوه اشوى من خويوه ومعوه بعد لوه بندق حاطه ورا ظهروه وشوف خشمه قلت عليهم يالنشاما هذولا صيدتنا ويوم اقبلنا عليهم وهم ينطحوننا الثنين والله وهي تثور من حديهم ليمار هي بفرسي وانا اقع والثاني تثور منوه لياهي بفرس ابو تايه وهو يقع وانا اقوم انا وابو تايه وكلن ياخذ لوه ذلول ونهد عليهم ومثل هدتنا الاوله بالذلول وحنا نقع والله وانا ارجع قلت ماعقب الثنتين واقف لي شوين وليامار ابو تايه خذالوه ذلول وهد الهده الثالثه يوم اقبل عليهم قالوه ابو شنبات عندك ياعوده ابو تايه والله ان مارجعت انه براسك هالمره انت وخويك ترنا موفرينكم بهاللي فاتن ولانبي ذبحتكم وهو ياقف ابو تايه قلت ياللحية الغانمه انا انشدك بالله الا تعلمنا من انت ومني العربان قال انا ابن ثنيان من الزميل قلت والله وستين نعمن بك يالامير وخويك هذا منهو قال هذا سند الشلاقي
قال والله وستين نعم بوه .......
هذا ماصار يالربع والله لو يبون يذبحوننا لذبحونا هالثنين ,قال العمودي هاه يالسديري لو انا قايلن لك هالكلام انت تصدق قال لا قال العمودي والله اني مع الخمسين اللي ماهاشوا وان بعضنا نيمن من التعب اللي لاحقنا وعلى شان كذا حولتك على صياح قال السديري ونعم ونعم بكم ياشمر.


وارجو منكم العذر والسموحه

تسلم والله يالمخاوي ماقصرت ويعطيك مليون عافيه وعافية
والثنيان والشلقان والعمود وباقي شمر مليون نعم ونعم ...
ولاننسى العواجي اللى قال الصحيح لو كان على نفسه ...
وليتك يالغالي كل يوم تمر على العمده ابو عتيق وتتقهوى عنده
وتسولف علينا مثل هذه وخواتها ... تسلم والله يالمخاوي .

[align=center]حيه وماجاب

ايا ملا العافيه على هالسالفة الطيبه، الي جمعت الشجاعه النادره لفريس شمر وصدق الاجواد وعدهم للصحيح حتى لو به زودٍ لقبلاهم.

ايه ابو خالد انا قايل لك مبطي تدغف هالشايب ترى عنده ذخايرٍ واجد من هالسوالف الطيبه عسى الله يطول بعمره على طاعته.

تسلم يمينك

تحياتي[/align]

هلا وغلا اخوي المخاوي

طيب الحين لي الحق اني اطلبك بفنجال قهوه من يد ابو عتيق وسالفه ثانيه


اخوي مخاوي يعطيك العافيه على هذه القصه الرائعه وأكيد جحر الذيب مايخلا نبي من هاسوالف التي ترفع الراس ونعم في الثنيان والشلقان ولاهي غريبه عليهم هذه افعالهم وحنا من عيالهم . وهذهي شهادت الاجناب بفعالهم . منتظرين مشاركاتك القادمه


ولاتنس اطلبك فنجال قهوه وطبت المحل

المخاوي
تسلم على هالسالفه الطيبه

شكراً لك وكثر من النمونه

[align=center]الاخ العزيز سلمان النبهان

ومن قال سالم ومرورك اسعدني وسوالف الطيبين
واجد بس خل ابو عتيق يضبط الفنجال وابشر
غالي والطلب رخيص[/align]

[align=center]الاخ العزيز الاصمعي

تحيا وتبقى يابو خالد وماعليك زود
والشيبان مانستغني عن سوالفهم
والعلوم عندهم واجد بس القصور منا:D

لكن ابشر نبي نسحب من هالذخاير:)
تسلم على المرور والتعقيب[/align]

[align=center]اخي العزيز خلف الرويتع

المهلي مايولي وابشر بسعدك بس اضبط الفنجال وابشر بعلوم الرجال:D
ماعليك زود يابو عتيق انت الخير والبركه
واتشرف بطبة محلك وعساه عامرن بهله

تسلم ولاهنت[/align]

[align=center]اخي العزيز متفاءل

ومن قال سالم وابشر بالخير
ولاتنسانا انت بعد من السوالف الطيبه
تراك ماتخلا ولاشكر على واجب[/align]

[align=center]الله من ردات النصيب وين انا عنه وأنا دايم اخفتز برواق ابو عتيق
7
7
يقول نطح الصياح صياح (ن) تســــــــــــــلم .... يبي الفكة من المعازيب

خاااااااااااالي

المخاااااااااااوي الله يبيض وجهك عزالله انه سالفة(ن) لها روح
والله والف نعم بك وبهم كلهم
مار العذر من الله ثم منك إنت وابو عتيق ...... وربي اني ماشفته
إلا هالحين .... لا وبعد الي ادلن عليه بوه له عضو يقراء الموضوع
ولا تسان علوم

تســــــــــــــــلم :thumb: [/align]