الشاعر مطلق البخيتان يقول في رثاء ام عياله :
[poet font="Arial,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عذب السجايا دمـوع العيـن يرثنّّـه = باللحد الأظلم عليـه القـاع مردومـه
من غير ماصف وصوف الحور يشدنّه = اللي فراقـه جعـل دنيـاي مكتومـه
لوذاق حزني ملاك المـوت ماضنـّه = شاله وخلاّ لـي الوغـدان وهدومـه
يامرها لاسمعـت مـن الوغـد ونّـه = ياشينها فاجعـات الوقـت وسلومـه
قالـوا يبـه قــم ودّنــا الجـنّـه = نبـي نشـوف امّنـا ونّـام بكمومـه
يبون مثـل خوياهـم والجـدى ونّـه = آمنت في دبـرة الخالـق ومقسونـه
ياطول حزنـي عليهـا ماقـدر اكنّـه = ماينفعن ليت لـي يـوم قبـل يومـه
إثنـا عشـر عـام عجـزن لاينسّنـه = موتـه لقلبـي زمهريـره وزقومـه
هي جنّة ذقتهـا غيـري سمـع عنّـه = مايرومه الوصف مهما جاد مايرومـه
ياوسع عـذر الدمـوع اليـا تباكنّـه = مالي جدى إلا الونين وقول مرحومـه
حنّيـت حنّـة خلـوج شالتـه دنّـه = وحوارها شوف عينه قسمت لحومـه
ونيـت لـي ونّـة ماونّـتـه شـنّـه = بيد العقيدي من المسحـوب مهمومـه
وارسلت له صيحة ماعـاودت منّـه = ولازلت اراجي بشير الخير بعلومـه
عسـاه بالخلـد والأنهـار يسقـنّـه = في روضة من رياض الخير محشومه
وصـلاة ربـي عـدد طـش يهلّنـه = غر السحايب على محمـد وتسلومـه
[/poet]
وسلامتكم
ولكم التحية
