عرض للطباعة
السلام عليكم ورحمة الله وبركاته
اقول للبنت السعودية ودي اعرف شي واحد ليه الزوجة ماتزين
لزوجها الا نادر.
اما اذا بغت تسير جابت ماوراها ودونهامن التزين.
واذا تزوج عليها زوجها جابت طبلونها كله من التميلح.
ليه ماتزين له قبل مايتزوج عليها. اذا فات الفوت ماينفع الصوت.
انا متأكد ان الكل يواجه هذه المشكله.
مارايكم ونرجو المشاركة .
تصدق حتى انا اسأل نفس السؤال
مالقيت اجابه ؟؟؟ :(
اخوك
فارس
[c]
:confused: :confused: :confused: :confused: :confused: :confused: :confused: :confused: :confused:
والله الناس اجناس ...فيه حريم سنعات ....وطول عمرهن وهن يتضبطن ويتعدلن ...
وفيه حريم من الجهل...او اللأمبالاه ....والرفاله ...ينطبق عليه كلامك....
اممممممممم....اما انك تعم كلامك وتقووووووول البنت السعوديه ...فهذا كلام لايجوز وفيه من الظلم مافيه:D:D
تشكراتي خيو ....
[/c]
واللة الموضوع مميز
بس تر التزين وراثة بمعنى :
البنت تأخذ اغلب تصرفاتها من الآم والآم من الجدة .......وهكذا
وهذة هي الغالبة فى الجيل السابق
اماهذا الجيل واللة مصيبة كل شي متوفر بس الرفلا وش تصير رفلا
اخي الكريم الزوج يبحث عن التجدد ... فيتمنى ان يرى زوجتة كل لحظة بشكل بما يتناسب مع الدين وقيمنا العريقة
فاذاكانت الزوجة قائمة بشؤن البيت من ترتيب ورعاية اطفال وحسن منطق
ولكنها مملة زوجها بحسن المظهر فهنا لة ردة فعل عكسية وخصوصا اذا لم يقصر بها من ناحية المادة فيبحث عن تكملة النقص في زوجتة مرة تلو الاخرى
وأذا تزوج تقول ك وش اللي قاصرة قائمة بكل البيت من ترتيب ورعاية اطفال ...وووو
هذا كلام صحيح ولكن اللي يقصرة هو .............. آنـــــــــــتــــــــي
شكرا لطرح هذا الموضوع القيم
تقبل اخي الكريم تحياتي وتقديري
اخوك شبكات الشمال
ولييييييييييييييييه مايكون من الزوج نفسه؟؟؟؟؟
مويمكن مالقت منه تشجيع ؟؟
مويمكن لالبست وتزينت مايبالي ولايسمعها كلمة حلوة ؟؟ فماتتشجع مدام انه مايبالي ؟ ولايبين لها اهتمامه فيها لاتزينت :(
طيب سؤااااال ...ليه الزوج مايتزين لزوجته ؟؟
ليه مايتحمم ويتعطر ويجلس معها ؟؟
بس فالح اذا جا بيطلع لربعه او لعرس او زيارة تزين وصار كانه معرس؟؟
تحياااااتي
الاخ ابو مشاري ......عندي تعقيب
مادام انك علمتها ولا تزينت ولا اهتمت فيك.خذها نصيحه وتزوج الثانيه وتراها تبي تستوعب بعد كذا؟رايح تدعيلي وبعدين اكثر اللي تجيب العيال تهمل نفسها ولاتزين بس تاخذ عليها تتزين 100/100