الزول زوله... والحلايا حلاياه

- غرة قصائد رثاء الازواج في شعرنا العامي وهي لامرأة كانت زوجة

(لوديد بن عروج شيخ قبيلة بني لام )قبل اكثر من (300عام) وقتل في

المعارك ..بعد وفاتة تزوجت هذةالمراة من اخيه الذي قلت غزواته
فقالت هذه المراة قصيده تتذكر فيها افعال زوجها وقد استثاره البيت الاخير ومنها غزا وكسب حتى قالت فية قصيده تعتذر عن ذالك البيت الذي صار
مضرب للامثال.. القصيدة طويلة احاول اختصارها

- يالله ياعايد على كل مضماه ** يامحيي الارض الهشيم المحايل

-انت الكريم وحمدك مانسيناه ** تروف باللي دوم عينه تخايل

-ألوج مثل ايوب من عظم بلواه ** واسهر الى مايصبح النجم زايل

-على حبيبً كل ماقلت اباانساه ** لذكرة تفطني من الهجن حايل

- يلتاع قلبي كل ماذكر سواياه ** كما يلوع الطير شبك الحبايل

-لاواحبيبي سبعة سنين فرقاه ** عليه انا قصيت كل الجدايل

-لاواحبيبي يتلف الهجن ممشاه** الى بغى له نيةٍ ما يسايل

حتى قالت...

ياعارفين ( وديد) يطول هجراه ** ياليتني بوديد ماابغىبدايل

اخذت اخوه ابي عوض ذاك من ذاه** والبيت واحد من كبار الحمايل

عندى مثيلة واحد كنه !!!!!اياه ** عليه من توصيف خلي مثايل

الزول زوله... والحلايا حلاياه ** والفعل ما هوفعل وافي الخصايل

ارجوا اني اجدت الاختيار ....
اخوكم/ نجـ سهيل ـم

الاخ العزيز نجـ **** ـم

اسمح لي ان ارحب بك في هذا المضيف


مشاركه رائعه

نتمنا منك الاستمرار

منتظرين مشاركاتك القادمه

ولا واحبيبي طير شلوى تعشاه
قطاعت المهجة سناعيس حايل

مشاركة رائعه اخي نجم سهيل شكراً لك

خلف الرويتع ,,,,,,,,,,

اخوي العزيز تسلم على ترحيبك

وعطيك العافية ,,,,,,,,,,,,,,,,


اخوك /نجـ سهيل ـم

اخوي / متفاءل,,,,,,,,,,,,


الله يحفظك ... القصيدة مختصرة ......

و لا ابي اسبب اي حساسيه في المنتدى !!!


تحية وتقدير تقبلها من


اخوك / ( نجـ سهيل ـم)

وهناك قصيدة اخرى لهذه المرأة ، عندما يئست من قيام زوجها ـ لزام اخو وديد ـ
بماكان يقوم به زوجها السابق...؟؟
بيوم من الايام امر عليه ان تقوم وتعقل الناقة هاللي دقت البل ، قالت هذا جمل.. قال لا ..
ويوم ناظرت وليا هذي الذلول اللي ماكان يبني عليه الشحم على زمان وديد من كثر مايغزي عليه..
قالت :

يافاطري ياما جرالك من العنى = مع دربك العيرات نشت لحومه
غدا عنك نواس العدا مربي النضا = يجرها مع مانبى من حزومه
وغدا عنك وردتي مثاني زلابه = تلوعه الظلمى تلاعي نجومه
ياما حويت جل ذود من العدا = اصبح عليك الغزو مفرق قسومه
عليك مقدم لابت شاع ذكره = حامي تواليها مقدي امومه
(
)

ويوم سمعه تقصد بهالقصيد ،قال يالله ياعيال ترونا غزوا.
وهو يغزي ويقولون ان مغزاه ماهو قريب بعيد......
ويوم رجعوا ، قال للمره روحي جيبي الذلول راعيه وقفت بالمطب الفلاني..
ويوم خذوا يوم جت ، قالت مالقيت شين المطب اللي انت ذكرت لي لقيت به تقل حويشي وجعان ، قال هي اللي انتي لقيتيه روحي هاتيه ؟؟
وهو يلحقه ، ويوم راعت وليا هذي الذلول غادية كبر الحويشي..
وهي تقول :

يافاطري وش علم حالك ضعيفي = اشوف حالك وانية عقب الاردام
عقب الاباهر والسنام المنيفي = صرتي كما المفرود من شغل لزام
قطع عليك ديار قوم تخيفي = تسعين ليله راكب الهجن مانام
مشو عليك من الحساء للقطيفي = لحوران والحرة وقديمي الاقدام
...
...
وعادوا على العارض بجيش يخيفي = يتلون ابن عروج مقدم بني لام
زهابهم حب القرايا النظيفي = وسلاحهم صنع الفرنجي والاروام
توي هنيت وطاب فالي وكيفي = من عقب ضيمي صرت في خير وانعام


وهويطلع عليه قال خافك شفتينن ، قالت لاوالله ياخي ماشفتك..

قال زاد خوذي الابيات :

انا ابن عروج وهذي سواتي = موصل سمان الهجن فيما يجنه
خمسين يوم والنضا مقفيات = مع مثلهن وهن على وجههنه
نمشي نهار وليلنا مانباتي = كم ذود مصلاح بقطع خذنه
من ظن فينا الطيب شافه ثباتي = واللي هقا فينا الردى ضاع ظنه
كم صبي عشقة للبنات = عقب التعجرف بدل الضحك ونه
استاخذ المذهوب عاف الحياتي = هو مادرا ان الهجن بيوصلنه
من فوق هجن من فحلهن خوات = غيب الصبايا الخافية يظهرنه..

اخي العزيز نجم سهيل...
قمت بنسخ القصيدة حسب ماهي موجودة لدي..
فارجوا ان كان هناك ملاحظة حيال ذلك.. التنويه عنه..؟؟

[poet font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياعايد على كل مضماه = يامحيي الارض الهشيم المحايل
انت الكريم ورحمتك مانسيناه = تروف باللي دوم عينه تخايل
تلطف بمن لاكن عينه مداوه = اللي بقلبه حاميات الغلايل
ألوج مثل ايوب من عظم بلواه = واسهر الى مايصبح النجم زايل
على حبيبٍ كل ماقلت اباانساه = لذكرة تفطني من الهجن حايل
اليا نسيته فطنتني لطرياه = شيبا ظهر من عاصيات الجلايل
يلتاع قلبي كل ماذكر سواياه = كما يلوع الطير شبك الحبايل
لاوا عشيري طير شلوى تعشاه = بنحور غلبا مكرمين الاصايل
لاواحبيبي كل عذرا تمناه = عليه ترفات الصبايا غلايل
لاواحبيبي سبعة سنين فرقاه = عليه انا قصيت كل الجدايل
لاواحبيبي يتلف الهجن ممشاه= الى بغى له نيةٍ ما يسايل
لاوا عشيري تطرب الهجن لغناه = ياما زعج فوقه بحامي القوايل
له ماقفن مابين ذولا وذولاه = ياما احرقنه موشرات الفتايل
ياعارفين ( وديد) ياوجد روحاه = ياليت ماحطوا عليه النثايل
خذيت اخوه ابي عوض ذاك من ذاه= البيت واحد من رفاع الحمايل
عندى مثيلة واحد كنه اياه = عليه من توصيف خلي مثايل
الزول زوله... والحلايا حلاياه = والفعل ما هوفعل وافي الخصايل
[/poet]

فشكرا لك على هذا الاختيار

اخوكم
راعي الوقيد

[ALIGN=CENTER]شكراً يا ..........
نجم سهيل & راعي الوقيد


يعطيكم العافيه :)[/ALIGN]

اقتباس:

---

كاتب الرسالة الأصلية : راعي الوقيد
وهناك قصيدة اخرى لهذه المرأة ، عندما يئست من قيام زوجها ـ لزام اخو وديد ـ
بماكان يقوم به زوجها السابق...؟؟
بيوم من الايام امر عليه ان تقوم وتعقل الناقة هاللي دقت البل ، قالت هذا جمل.. قال لا ..
ويوم ناظرت وليا هذي الذلول اللي ماكان يبني عليه الشحم على زمان وديد من كثر مايغزي عليه..
قالت :
[poet font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يافاطري ياما جرالك من العنى = مع دربك العيرات نشت لحومه
غدا عنك نواس العدا مربي النضا = يجرها مع مانبى من حزومه
وغدا عنك وردتي مثاني زلابه = تلوعه الظلمى تلاعي نجومه
ياما حويت جل ذود من العدا = اصبح عليك الغزو مفرق قسومه
عليك مقدم لابة شاع ذكره = حامي تواليها مقدي امومه
[/poet]

ويوم سمعه تقصد بهالقصيد ،قال يالله ياعيال ترونا غزوا.
وهو يغزي ويقولون ان مغزاه ماهو قريب بعيد......
ويوم رجعوا ، قال للمره روحي جيبي الذلول راعيه وقفت بالمطب الفلاني..
ويوم خذوا يوم جت ، قالت مالقيت شين المطب اللي انت ذكرت لي لقيت به تقل حويشي وجعان ، قال هي اللي انتي لقيتيه روحي هاتيه ؟؟
وهو يلحقه ، ويوم راعت وليا هذي الذلول غادية كبر الحويشي..
وهي تقول :

[poet font="Simplified Arabic,4,burlywood,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يافاطري وش علم حالك ضعيفي = اشوف حالك وانية عقب الاردام
عقب الشحم ومهادرك بالمصيفي = ومصاول الفعدان مرباعك العام
عقب الاباهر والسنام المنيفي = صرتي كما المفرود من شغل لزام
قطع عليك ديار قوم تخيفي = تسعين ليله راكب الهجن مانام
مشو عليك من الحساء للقطيفي = لحوران والحرة ليا نقرة الشام
وتدمر وصلها وضمها مستخيفي = وشبيخ والضاحك وقديمي الاقدام
...
...
وعادوا على العارض بجيش يخيفي = يتلون ابن عروج مقدم بني لام
زهابهم حب القرايا النظيفي = وسلاحهم صنع الفرنجي والاروام
توي هنيت وطاب فالي وكيفي = من عقب ضيمي صرت في خير وانعام
[/poet]

وهويطلع عليه قال خافك شفتينن ، قالت لاوالله ياخي ماشفتك..

قال زاد خوذي الابيات :
[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انا ابن عروج وهذي سواتي = موصل سمان الهجن فيما يجنه
خمسين يوم والنضا مقفيات = مع مثلهن وهن على وجههنه
نمشي نهار وليلنا مانباتي = كم ذود مصلاح بقطع خذنه
من ظن فينا الطيب شافه ثباتي = واللي هقا فينا الردى ضاع ظنه
كم صبي عشقة للبنات = عقب التعجرف بدل الضحك ونه
استاخذ المذهوب عاف الحياتي = هو مادرا ان الهجن بيوصلنه
من فوق هجن من فحلهن خوات = غيب الصبايا الخافية يظهرنه..
[/poet]

---

مشكور اخي الكريم نقل مميز