ولــد الــفــقــر

صد واقفى عن عيوني وهو بالحيل متندم ** يحسب اني بموت غيض واتبعه واراضيه

مايدري ان القلب ملك يدي ولا هو بمهتم ** من باعني بعته ومن شراني بروحي اشريه

صحيح حبه بوسط الحشا وبعروق الـدم ** وابيع كل لبشر لجل عينه ولا اني اخليه

اغليه من بد كل العيون وهو بالقصد يفهم ** واشتري كل من يحبه بس هو قال مغليه

اعرف والله زين يومين و الثالث ويندم ** يقعد يدور بالواسطات بس اني احاكيه

انا اتغلى بصوب والجرح يصرخ ويلطم ** يقول الى متى ياصاحبي بتظل امتجافيه

اقول لين يتأدب ويثقل ويصلح معي ويتعلم ** ولا يرجع لبيت اهله بين احظين امه وابيه

ماقد جرحت حبّيبي وش علامه ليه يهدم ** قصراَ بنيته شامخاً له هو سيده وساكنٍ فيه

هذا اللي يقول ولد الفقر دايماَ متحطم ** مهما عطيته وسقيته يقول لك مايكفيه

وش يبي اقطع اوصالي واقوله خذ وسم ** ولا احرج على دمي واصيح يامن يشتريه

زعلت كل ناسي ابوي , وخالي , والعم ** وارخصت كل غالي بعينه وهو ولا بان فيه

والله لادوس على القلب لين يصرخ ويتألم ** عز نفسك بين البشر ياصاحبي بتلاقيه

مايضحك علينا بقولت حبيب قلبي بنغم ** مرٍ شربت بكاسته ماعرفت طعم حاليه

لا تنخبل علي ياجرح اسكت وانثبر والتم ** لا يلعب علينا خلنا نعرف وش هي تاليه

هذ ابو فهد طبيب وكريم وفارس وشهم ** ولا حنا والله مادرينا وين ربي حاطنا فيه

دمدم على جرحك خل اهل الحكمه تكلم ** ولا ازود الملح لين تعوف وتقول مابيه

ماقلت لك يابوفهد يومين والثالث ويندم ** واليوم جا يبي السموحه وش رايك ارضيه؟


هذي هديه للغالي وعزيز على قلبي ( ابوفهد ) اتمنى انها تنال على اعجاب الجميع
مع تحياتي للجميع
.
.
ربيب الحزن
.
.
ابو جوري