قصيدة الملازم / مشعل بن محماس الحارثي
[ALIGN=CENTER]خل النياح وفارق العـش يـا طيـر
غرد وهز الريش فـي كـل عالـي
اليـوم هـذا غيـر وأيامنـا غيـر
والبارحـه ماهـي سـوات الليالـي
الأرض صارت في عيوني نواويـر
والبـدر تـم وجاء مكـان الهـلالـي
وأبها تحدت فـي بهاهـا الغناديـر
فلت جدايلهـا وقـامـت تـلالـي
وفي وجه خالد للفرح ألـف تعبيـر
وحجاج فيصـل فيـه كـل ابتهالـي
من السعادة باقـي شـوي ونطيـر
عز الله ان اللي لفـا الـدار غالـي
يامـر حبـا مـاغـرد العصافـيـر
يامرحبـا مـازاف نبـت السهالـي
ترحيب أحلى من حليب المصاغيـر
وضح رعت روض ربيـع وخالـي
باللي شكت رجله طـوال المشاويـر
ياطابهـا درب الخـطـر مايبـالـي
ياما حسبت الوقت حسـب الدنانيـر
اسامـر نجوم الثـريـا لحـالـي
مبطي وانا اسمع فيك وصف البياطير
واليوم جالي في القصيـده مجالـي
يا سيـدي مـال القوافـي معاذيـر
عـن البيـوت الوافيـات الجزالـي
من لاجعـل للمـدح قيمـه وتقديـر
ماضنتـي يلفـت ذهـون الرجالـي
سلطان يا سلطان من يومك صغيـر
مافي تسلطانـك وشخصـك جدالـي
كانـوا ولازالويسمـونـك الخـيـر
وياكثر الاسما اللـي تزاحـم فى بالى
كريـم سبـلا زبون المخاسيـر
طلـق الحجـاج الابعيـد المـدالـي
درع البـلاد طويـل الاشابـيـر
أبـو اليتيـم عشيـق المعـالـي
لو الله ثم ابن مسطر المجـد تسطيـر
على حصـى الأرض ونفودالرمالـي
واخو فهـد ذروة سنـام المشاهيـر
صفوت ملوك الارض بـاول وتالـي
فهـد ولاقلنـا فهـد جـاوب النيـر
تهتـز لاسمه راسيـات الجبـالـي
زعيمنا اللي للعـلا واصـل السيـر
حتـى تعلينـا علـى كـل عـالـي
مال الطموح بوسط راسـه معاييـر
ولا لل عوج عنـده ياكـود اعتدالـي
اليا زعل تزعـل ملـوك وجماهيـر
وليا رضى ينهـى جميـع الجدالـي
ما يشبه غير الاثنين المناعير
انته وابـو متعـب كريـم السبالـي
عبدا لله اللي فيه من سالـم الزيـر
خطل اليمين الليـث حـام التوالـي
سقم العـدو الياهـرج دون تفكيـر
رده على العـدوان جاهـز وحالـي
نفخـر بكـم...... والاالقصايـد تعابيـر
يا شيوخ نجد الشعب كلـه موالـي
والله لوفيكم عـن الملـك تقصيـر
ما خصكـم ربـي عظيـم الجلالى
ورث الجدود امن الليال المعا سيـر
قبل القصور وقبل صـرف الريالـي
هاك الزمام سلاحنـا حملـة بعيـر
ومـن يومهـا متوثقيـن الحبالـي
منهاجنـا واضـح ولافيـه تغييـر
نموت مـا نرضـى عليـه البدالـي
ما استعمرونا اللي غذاهـم خنازيـر
تشهد لنا شهب السنيـن الخوالـي
من قبل عاشر جد ابو بوش وبليـر
ماهي ثـلاث شهـور ولاّ حوالى
واليوم فـي وقـت الرخاوالتياسيـر
شفنـا العجـب لااوالله الاالهبالـي
يا كثر ما قمـت تسـوق المقاديـر
وياشيب عينـي لاذكـرت وطرالـي
المسجد اللي هزه أصـوات تفجيـر
في حـزة فيهـا يجـاب السوالـي
والمسلم اللي ذبح مـن دون تبريـر
ودم الرضيع اللي على الوجه سالـي
ينشدك يا مكفر هـل الديـن تكفيـر
وش حكم ذبح المسلميـن العزالـي
تدبـر القـران والهـدى تدبـيـر
واخذ الجـواب يصغيته والكمالـي
فضحكـم الله يـا لوجيـه المغابيـر
ياطغمـة التخـريـب والانحـلالـي
واللي على الفتنـه تـدق المزاميـر
نعرف مطامعهم علـى كـل حالـي
ونعرف من يدفع رسـوم الفواتيـر
يا لحيه اللـي جحرهـا الاحتلالـي
لنحورهـم حنـا سـوات الازاريـر
حنا حمـاة الديـن ياهـل الظلالـي
الأرض نزرعها رمـاح ومساميـر
يحـرم عليهـم وطيهـا بالنعـالـي
ديارنا مـا هيـب كابـل وكشميـر
تشهد لنا شهب السنيـن الخوالـي
حامينها الاجـداد عـج ومعاصيـر
بسيوفهـم علـى ظهـور الجمالـي
واليوم يا سلطـان شفهـم طوابيـر
ملو من المجلاس تحـت الضلالـي
يبـون يـوم فيـه للحـق تكبـيـر
عـن الكـلام تبـان فيـه الفعالـي
ياسيدي قل وش تبي بس ويصيـر
حدد هدف لـو هـو عسيرالمنالـي
فى الجو نفاثـه وفى القاع جنـزيـر
وان مت هاك اليوم من طيب فالـي
هـذا وطنـا ماسكـنـاه تهجـيـر
الجيـش واحـد ماجمعنـا الحثالـي
لوينتخـي عرعـر تلبيـه خرخيـر
كل الجنوب يصير جنـب الشمالـي
لا يا وطن لا تحسـب انـا مدابيـر
لوالدهر في بعـض الاحيـان مالـي
طالبك لاتجفل مـن الوقـت وتذيـر
وكــلٌّ امرك وبالله الاتكـالـي
وان كان ما شفت السعد والتباشيـر
عيـبُ علينـا لبسـنـا للبـدالـي
نذرً على لحرسك وافديـك واغيـر
ديني وعرضي فيـك واغلا حلالى
واللـي ياثـر فيـك بدون تاثيـر
ابرى منـه لوكـان عمـي وخالـي
وان مت واخذتني صروف المقاديـر
والله اوصى فيـك حتـى عيالـي
المكان : القاها امام صاحب السمو الملكي الامير سلطان بن عبدالعزيز في ميدان مجموعـة لـواء الملك خالد الرابع في المنطقة الجنوبيه ، وتم مكافأته بميلغ (500000 الف ) ونقله الى مكتب وزير الدفاع والطيران [/COLOR][/SIZE][/ALIGN]
