اجتمـــــاعي!! .. (بالصــووت)*
كلي فخر بأن اكون بينكم
واقبلوا مصافحتي الاولى
واعذروني بالقصوور
اولا
بالصــوت:
[sound]http://www.geocities.com/mes8572002/ejtmaey.ra[/sound]
وبالقلــــم:
يالقصيد العذب يالتالي والاول في حياتي
ياشعور الانتحاء وياشعوري الاستيائي
يالقصيد اللي تبيّن للبشر صدقي وسماتي
راحتي انت وعذابي والجروح انت ودوائي
ياقصيدي..وش تقول بشاعرٍ عيّا يباتي
والني ياشعر دامني مبيّن لك ولائي
امْتزَعْزع ايه متزعزع وانا بقمة ثباتي
واجتماعي كثر ما اني عن بني جنسي انطوائي
ايه واشتت جموعي كثر ما اجمّع شتاتي
ايه واشكي هالظما والناس تشرب زود مائي
ومن يوصيني احفظ وصاه وآضيّع وصاتي
والوضوح اللي بشخصي مانفذ عبره ريائي
والصديق إليا سقاني علقم اذوقه فراتي
وادمح الزله ثلاث مرار ثم اصبح عدائي
ولو اطيح اطيح اطيح انظر شموخ النايفاتي
واليمين تقدم ولا احسب بعدها وش جزائي
والحياه ولوّها تشين بعيوني هي حياتي
وين اروح ان كنت محتومٍ بها غصب ورضائي
والشموخ ان كان لي منوه فهو اول مناتي
والعفو والمغفره من خالقي مطلب رجائي
والكلام اللي يجي من خاطري بأطرف شفاتي
هو خلاصة نيتي والله يدبر مايشائي
ولو امهمه ما اعتقد احدٍ يكمّل مهمهاتي
قلتها بعفويتي وان كنت عفوي من وفائي
اكتب حروفي بكفي والورق لمّ إكْلِماتي
ماقدرت احفظ قصيدي وان سألتوا وش بلائي
قلت مافيني يكفيني الى يوم المماتي
كيف ابحفظ شعري المجروح دامه اصل دائي
لاكتبته جارت حروفه علي وعفت ذاتي
آتغير والتغير يظهر بوجهي فجائي
والعذر بسكت قبل لاجيب مايخفى بحياتي
امسكوا الماء في سماكم واتركوا ماي بسمائي
