رد على قصيدة ألأخت الشاعرة (الدهور)
[poet font="Simplified Arabic,5,black,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
غــــريــــب إحــــســــاس
هـــــــــا أنــــــــــا ذا
يا مراحب باللي جانا.. نفرش بدربـه زهـر=دام حرفك قد لفانا.. نعلنـه وقـت القطـاف
يا غريب احساس ياللي عذب إحساسك نهـر=رشفةٍ منه تـداوي سبعـة سنيـنٍ عجـاف
لا حبيبك ما يخونك ضاق من بعـدِك سهـر=كلّم الحيطان عنك و أشبـع الغرفـة طـواف
مرت أيامه ثقيلـة.. كـل يومـن بـه دهـر=تايهٍ في موج بحرك.. ما لقى وين الضفـاف
بس هذا حكم ربّك، مـن يـرِد فينـا القـدر=لا تآخذه برحيلـه.. كلـن أوطانـه سـلاف
الــــــــــدهــــــــــور
هـــــــــاأنــــــــــا ذا:
يادهور الله وأكبر كني أعرفك من دهر=كل حرف تكتبينه فيه حكمة فيه قاف
لك طريقة في الكتابه والذخيرة من بحر=ياخسارة كيف أجاري من لفضني للضفاف
لعنبوها ذي المشاعر كيف ماتعصى أمر=من يبادلها المشاعر في خيالٍ مايشاف
إلتمستي للحبيبة في بيوتك كم عذر=مادريتي إن الحبيبة آيلة للإنجراف
إجحدتني وأنكرتني عقب ماراح العمر=عشرة أعوامٍ مضن لي ماجرى فيهن خلاف
كانت إحساسي وذاتي وغير عن كل البشر=وكنت أنا منها وفيها وأحلى من كل القطاف
ومرت أعوامٍ عديدة مايساورنا كدر=وكل خلٍ مع خليله ينتظر يوم الزفاف
وعقب مدة جيت خاطب من اسر قلبي أسر=قاصدٍ بيته وجيته بس طاف الوقت طاف
قالوا أهله ياخسارة لو تقدمت بشهر=كان يمكن ينكتب لك منهو مثلك مايعاف
قلت ياناس إفهموني طول عمري أنتظر=لحظةٍ فيها أبسقى كل عرقٍ به جفاف
قالوا إرحل من ديارٍ جلستك فيها خطر=رح تسهل يم ربعك وإنس موضوع الزفاف
قلت أنا راحل وماشي راضي في حكم القدر=بس لاجت بلغوها بإن قلبي مايخاف
أحتريها وأفتديها لو يطول بنا الدهر=غايتي هي راس مالي وأحلى مافيها العفاف
ضاقت الدنيا عليه وكن في صدري جمر=وجيت أجر إخطاي عيت عقب ماكانت خفاف
والمصيبة ياجماعة لحظةٍ فيها سِحر=لحظةٍ فيها حبيبي واقفٍ في الإنعطاف
جيت أبزهم يالحبيبة من متى هذا الأمر=إنعقد ذاك اللسان وكن عرقه به جفاف
سالت إدموع الحبيبة من محاجير النظر=والكحل سال وتمايل فوق خدين رهاف
وعقبها رحنا وراحت وإنجبر قلبي جبر=على الفراق إلي ذبحني صارت إزنودي ضعاف
وعقب مدة من عذابي بان في ليلي فجر=إتصل عمري وروحي قال أنا لك لاتخاف
كيف أبسلى ياحبيبي كيف ياكل العمر=من عقب فرقاك حالي ذاب وضلوعي نحاف
قلت ياغاية مرادي لو تعرف إن السهر=حرق إجفوني وبانت مشيتي فيها إلتفاف
وعقبها زانت حياتي مع وليفي يابشر=إتصاله وإتصالي ماعليه أية خلاف
وزاد حبه في كياني وإنغرس مثل الشجر=آه ماأحلى حياةٍ مع خليلين إِنظاف
وفجأةٍ جيت أتصل به قال رقمي به خطر=لاتحاول تتصل بي إنتهى الماضي وطاف
وقفلت ذيك الفريدة خطها من غير شر=والسبب مجهول مدري وإنتحر حب العفاف
غريب إحساس
[/poet]
ماهو بنا إلي يكتب الشعر منقول!!!!!!!!!!!
[poet font="Simplified Arabic,5,black,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
الأخ الفاضل
راعي الوقيد
ماهو بنا إلي يكتب الشعر منقول=لاصار بعض الناس هذي طباعه
شعري غريب وبين لجواد معقول=وبنامل إيديني طبعته طباعة
أحد من سيفٍ بللات مصقول=وألذ من شهدٍ يزيد المناعة
ياصاحبي ماينفع القيل والقول=وأبيات غيري مالنا به طماعة
المعذرة لو كنت أنا ضيف مجهول=والضيف للمضياف سمعٍ وطاعة
رحبت بي ترحيبة العرض والطول=وعودت من عندك بليا بضاعة
غريب احساس
[/poet]
