الهاجرة

[poet font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياعيـن يلـي تبـات الليـل سهرانـة = من حر جمر الغضـى بالجـوف صاليهـا
مالومها لو سرت في الكـون حيرانـة = ومالومهـا ياعـرب فـي هجـر غاليهـا
ماعاد ترقـد ولاتمسـي علـى شانـه = ولاهنيهـا مـن لذيـذ النـوم حاليـهـا
مـن أولٍ تعـذره وتقـول لـه شانـه = واليـوم سِليـت مـن أولهـا وتاليـهـا
ماينفـع الخـل لامـن بـاع خلانـه = وماينفـع النفـس كـون الـرب واليهـا
يلي بدت بالجفى وشهو علـى شانـه = لـعـذار واجــد ولاظـنـي تكفيـهـا
ياكـم خـلٍ هجـر وأغـواه شيطانـه = وياكـم خـلٍ نسـي الدنيـا ومـا فيهـا
ليتك ذكرتي الغلـى والحـب يافلانـة = وإلا سنيـنٍ مضـت عـنـدك مواريـهـا
أنشهد الحـب عنـدك ضـاع ميزانـه = يامضيـعـة للـعـهـود وماتوفـيـهـا
كنت أعتبر حبنا ما ترجـف أركانـه = أثـره علـى جـرف هـارٍ رايـح فيهـا
لولا سلوم الهـوى وأهلـه وسكانـه = ذكـرت فـي قصتـي شـيءٍ يواسيـهـا
ذكرت قولٍ يشيـب الـراس وجدانـه = وسطرت غدرك على الدنيـا ومـن فيهـا
وبحروف كل العتب كونـت ترسانـة = لين أشبع النفس من غيض سكـن فيهـا
لاشك صبر الرجل يغلب على إلسانـه = والنـار ماتحـرق إلا رجــل واطيـهـا
درسك حفظنـاه والهجـران عنوانـه = تسعيـن صفحـة تفتـت قلـب قاريـهـا
يامعهـد الغـدر وفصولـه وميدانـه = ومنـه الشهـادات دون النـاس حزتيهـا
بسـأل سـؤال محيـر روح حيرانـة = وأبغـي إجابـة صريحـة أقتنـع فيـهـا
من عشرة أعوام كنتي خيـر إنسانـة = وكنـت مثـال الوفـى والطيـب حاديهـا
ويش غيرك لين صرتي اليوم شيطانة؟ = وبعتـي حياتـك وكنتـي دوم تشريـهـا
من فعلك الشين قلبـي ثـار بركانـه = وأعلـن جحـوده لعيـن كـان يرجيهـا
يكفي على القلب سجاتـه وحرمانـه = يكفي سنيـنٍ مضـت بالهجـر تجزيهـا
خسارة القول مثلك توصـف إنسانـة = وخسـارة الوقـت وأيــامٍ قضيتيـهـا
من سمع هرجك يقول البنت خجلانـة = بنـت الأجاويـد كــل طـامـع فيـهـا
مايعرفون إنك عن الإحساس عجزانـة = ومجـردة مـن أحاسيـسـك نسيتيـهـا
يابنت لجواد سهمـك ضـاع نيشانـه = حـاول يصيـب وتعثـر قبـل يرميـهـا
غريب إحساس
[/poet]

[ALIGN=CENTER]غريب إحساس



حياك الله
بين ربعك وأهلك وناسك

,,


اما بعد هذه المصافحه الراقيه
فاانا أطمئنك بأنها ارضت ذائقتنا بكل روعه
وجعلتنا ننتظر ماتجود به مستقبلاً...

,,

صح لسانك


,,


اخوك
ضحوي الاسلمي[/ALIGN]

[ALIGN=CENTER][/ALIGN]

[ALIGN=CENTER]

شاعرنا القدير

غريب إحساس


فلسفة جميلة و حكم بالغة في هذه الأبيات

كنت أعتبر حبنا ما ترجـف أركانـه
................ أثره على جرف هـارٍ رايـح فيهـا

هناك الكثير ما يستحق الاقتباس

و لكن هذا البيت لخّص كل ما سبق

صح لسااانك ألأف

و مرحبا بك ألفين

و لا تحرمنا المرور ثلاثة ألاف :)


أختك

الدهور[/ALIGN]

[ALIGN=CENTER]
أخوي

غريب أحساس أنت فعلاً غريب أحساس

بروعة ماتملك من أحساس مرهف

وحس شعري ذوّيق جداً



ألف أهلاً وسهلاً بك هنا في مضايف الجميع


وألف ألف صح ألسانك على القصيده الرااااااائعه


مصافحه أولى جداً جميله


ننتظر مزيداً من التواصل العذب أخوي غريب

دمت راااائعاً[/ALIGN]

[ALIGN=CENTER]الأخوة والأخوات رواد هذا المنتدى الفذ

لايسعني إلا أن أقدم لكم فائق الإحترام والتقدير على هذا الترحيب الذي ليس بغريب على أمثالكم وعلى هذا الإطراء الذي لاأستحقه فما أنا إلا ناظمٌ بسيط لاأرقى إلا مستوى من طوقوني بهذا الكرم والهتاف ...

أعدكم بتقديم مايسركم ويرضي أذواقكم[/ALIGN]

[ALIGN=CENTER]غريب احساس





حضور رائع للحرف





الف صح لسانك على هذا الجمال [/ALIGN]

غريب أحساس

مصافحه اولي رائعه

وحياك الله بيننا في هذا المنتدى ...


وصح لسانك