-
السلام عليكم ورحمة الله وبركاته.....بعد....
" لـي خـافـقٍ "
لـي خـافـقٍ عـيّـا يـشيـل الـهـمـوم
قَـصَّ الـوريـد اللـي يـسـوق الـمصايب
ولـي علـى الـشـدّات قـلـبٍ جــزوم
يـروم مـجـدٍ مـسكنـه بـالـنشـايـب
ولـي لابـةٍ بالـحـرب هم سـادة الـقـوم
هم عـزوتـي لا جـا مـن الـدهـر نـايب
وبـخـافـقي حـٍ نشـدنـي عن الـحـوم
يقـول وينـك عن فـضـا النـاس غـايـب
قلـت الكـدر يـاطـيـر مـا ظـنّْ بيـدوم
ولابــد يــومٍ مـا تـعـود الـذهـايـب
مـانيـب أنـا يـاطـيـر من يطـلب النـوم
لازاد هـمـه وأقـبـلـت بـالـخـرايـب*
هــاذي تـرى دنـيـاك لاتـحسـبـه دوم
دنـيـاٍ مثـل قـيـل دنـيـا العـجـايـب
يـومٍ بـها حـاكـم ويـوميـن مـحكـوم
ذلَّـت شـيـوخ وطـلَّعـت كـل خـايـب
هـاذي مبـاديـها وجـدَّت لـهـا عـلـوم
لا الـوقـت زان ولا خـذيـنـا الطـلايـب
ويالله تصـبّـرنـا عـلـى كـل مـقـسـوم
رجـيـت أنـا ربٍ جـزيـل الـوهـايـب
" سلايل عبيد".
--------------------------------------------------------------
*استشهاداً ببيت للأمير عبيد العلي الرشيد "مانيب أنا من يصبر على الضيم ياضيم...والياكثر همه تزود من النوم.
-
سلايل عبيد
صح لسانك
يـومٍ بـها حـاكـم ويـوميـن مـحكـوم.....
..... ذلَّـت شـيـوخ وطـلَّعـت كـل خـايـب
ويا ليت تهل علينا كل ما تقدر تهله من أوراقك الخاصه والغير خاصه
-
بسم الله الرحمن الرحيم
صح لسانك
وكل عام وانت بخير
-
الأخ....قاسي الباس...
شكرا لك على مجاملتك....وابشر باللي يرضيك ان شاء الله...
الأخ....الاديب....
كل عام وانت بخير....والشكر كل الشكر على ردك...
أخوكم...سلايل عبيد...
-
تسلم وصح لسانك
ياسلايل عبيد
اعذرني على التاخير في التعقيب
لاتحرمنا من المزيد الله لايحرمك العافيه
تقبل تحيااات اخوووك الصغيررر
بشير اللويش
