يا شايفٍ نفسك

[poet font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يا شايفٍ نفسك على الناس ويش أنت = ما تدري أن أصلك ترابٍ وطيني
فكِّر بحالك زين يا العبد وش كنت = تراك نطفة في قرارٍ مكيني
خلقك ربي وسط رحم وتكونت = تسعة شهور أصبحت فيها جنيني
لين اكتملت وباحسن الخلق زينت= وغذاك صدر امك بعطفٍ وليني
واليوم يا مسكين شفتك تهاونت= ما تذكر الله وتشكره كل حيني
خلّ التكبر عنك يا العبد لا هنت= واحذر يدهورك العدو اللعيني
شفتك مع الشيطان سِرت وتعاونت = ومن يتبعه خسران دنياً وديني
ولا يفتنك منصبك يومك تعينت = منصبك يفنى مع مرور السنيني
إذكر نهارٍ فيه بالقبر كِفِّنت = ويطيح كِبرك مع مطيح اليديني
والله إلتفهم زين لامت ويش أنت = ويصبح مرّدك في ترابٍ وطيني
[/poet]

تسلم يالغالي

وصح لسان الشاعر

شكرا لك اخوي الغازي على حسن المتابعه والردود الطيبه.

صح لسانك


ولسان الشاعر



بس من هو :)



وشكراً لك



تحياااااتي