لاوالله أنا الملتاع (مرثية مقدم في شرطة الجوف)
مرثية المقدم في شرطة منطقة الجوف الشاعر/ عبدالعزيز مصلح مريح الشمري بالأمير طلال العبدالعزيز الرشيد(الملتــاع)
أعجبتني هذه القصيدة المرثية بالامير طلال يرحمه الله وأحببت نقلها لكم هنا ..
أرجو أن تنال أعجابكم ..
ألا يالجزائر عسى ما يقال بك مربــــــــــــــــاع ^^^^^ هذيك اللي نزف به دم شيخٍ راح له عانـــــــــــــي
وعسى تمحل ديارك – وسكنها للثعل وضبــــاع ^^^^^ ويسود غرابها الأسود ويجيها الف شيطــانـــــــي
واطلب أن أهل (جلفه – ومسعد ) يصبحون جياع ^^^^ ويجيها مع جبل (كحيل) زلزالٍ وبركــانـــــــــــــــي
وعسى يـدٍ تجرت للكسر مع شلل.. وبســـــــــاع ^^^ عقوبه من إلــه الكون وموته عقب مايعــــانــــــــــي
وكل من شارك بقتله ويدخل زمرة الأتبــــــــــاع ^^^ تحل ابه المصيبة – والفجيعة – مع عمى اعيانــــــــي
طلال الشهيد الشيخ – طلال الشاعر البتـــــــاع ^^^ عسى مثواه جناته وكتابه بالايمانـــــــــــــــــــــــــــــي
تسميت بالمالتاع _ لا والله أنا الملتــــــــــــــــاع ^^^ على فراقك ألا يابعد روحي وربعي وعمــــــانــــــــــي
فقيدة شمرٍ كله – لا.. لا
............................ فقيدة كل من بالقــــــاع ^^^ بكتك القبايل كلهـا بعيد الــدار والعــــانــــــــــــــــــــــي
إلا يامصيبةٍ حلت .. ألا ياجروحنا اللي وســــاع ^^^ ألا يافقيدة مملكتنا كلها والعالم الثانـــــــــــــــــــــــــــي
ألا واخساره بشيخنـا فقدنا سيفنــــــــــــا وذراع ^^^ فقدت اللي بـ غلاة أبوي وغلا عمي وأخوانــــــــــــــي
خبرك اللي لفانا زادني (هم) و(مرض) و(اوجاع) ^^^ألا ( يا بعد حيي وميتي) من القاصي الى الدانـــــــــي
عجزت استوعب الموضوع.. وقلبي حرك الأضلاع^^^ ولو حاولت أخفيها فضحتني دمعة أعيــانــــــــــــــي
صحيح العمر مايشرى – ولا يعرض – ولا ينباع ^^^ نعرف أن (البقاء لله) وكل الكون ذا فانـــــــــــــــــــي
وعوضنا بشيخنــا (( نــواف )) ألا يالنايف البتاع ^^^ تحزّم ياسلايل عزنا من دون نقصـــانـــــــــــــــــــــي
بك أوصاف الشهيد مكمله بالشكل و الأطبـــــــاع ^^^ عسى عمرك طويل وكل ربعك لك أعوانـــــــــــــــــــي
ترى هذا شعورٍ صادقٍ من مخلصٍ ما بــــــــــــاع ^^^ يعجزن القوافي والقصايـــد ويعجـز لســانــــــــــــــي
واختمها بصلاة الله عدد ماسبحوا باصبـــــــــــــاع ^^^^ على محمد رسول الله نبي وخير أنســـانــــــــــــي
وسلامتكم ،،،
Re: لاوالله أنا الملتاع (مرثية مقدم في شرطة الجوف)
[QUOTE]كاتب الرسالة الأصلية : الطير المهاجر
[
إلا يامصيبةٍ حلت .. ألا ياجروحنا اللي وســــاع ^^^ ألا يافقيدة مملكتنا كلها والعالم الثانـــــــــــــــــــــــــــي
[HR]
صح لسان الشاعر
والله يرحمه ويغفر له .
اختكم
شموخ
