ســـوااار كـــِســـرى ..!!!
[ALIGN=CENTER]السلام عليكم ورحمة الله وبركاته
بعد طول غياب أستسمح قلوبكم المُحِبه بِهذهِ الكُليمات المتواضِعه
آمل أن تجد القبول لديكم ..وأن أحظى بسماحكم ...[/ALIGN]
[poet font="Simplified Arabic,4,sandybrown,bold,normal" bkcolor="transparent" bkimage="" border="none,1,gray" type=0 line=200% align=center use=ex length=0 char="" num="0,black" filter=""]
يا الله اني سألتك ياعزيز الجلال"="ترحم اللي قضى عمره طريد الهوى
سالف العهد ولّى وابتدا له مجال"="والسبب خشف ظبي (ن) راعني وانزوى
مرني والتفت لي ثم قفا ومال"="ما درى عن جريح في دقايق هوا
صابني بالعيون اللي هدبهن طوال"="مثل رمح(ن) مسمم ما يفيد الدوا
الحشا من عيونه صار فيه اشتعال"="وعافت النوم عيني واحترفت الغوى
عنقها عنق وضحى وخدها لا تسال"="واللمى طلع توت(ن) تو اللي استوى
مياسة العود شقحى طاغيه بالدلال"="كاعب(ن) عسوجيه كل زين(ن) حوى
جعودها ضافيه كنه ذهب يوم لال"="وخصرها سوار كسرى راوي(ن) ما خوى
الله اللي كساها بالحلا والجمال"="كل وصف سمعته من حلاها احتوى
الهوى صار صدفه وانشغلت انشغال"="بين حبه وقلب مات به ما روى
كنت احسب الشجاعة تنتمي للرجــال "="لين ِ ذيب ٍ جفول ٍ في ضميـري عــوا
وكنت أحسب المعارك تنتهي بالوصـال"="لين ما اقفت وزفـّت في دموعي نــوى
دايم الحر
[/poet]
