[ALIGN=CENTER]اهدا الى كل من يعشق قصائدها
وأخص بالذكر شاااعر البوح
فلاح العماش ..[/ALIGN]
[ALIGN=CENTER]عندما قلنا سابقاً بإنها سيدة الشعر في هذا الوطن العظيم ..
فنحن على يقين بأنها تستحق هذه المكانه وهذه المنزله ..
تنفسوا أبياتها :
[poet font="Simplified Arabic,5,orange,normal,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
آآهـ والله آآهـ والله آآهـ يا حدب النصايب=موت مالك قلب لولك قلب ماتطعن ظهرها ؟؟
[/poet]
((موت شااااايب))
برهان حقيقي على شاعرية هذه السيده ..[/ALIGN]
[poet font="Simplified Arabic,5,orange,normal,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الهموم اللي تدرهم بي مثل عيس الركايب=لو قدر قلبي عليها كان من مبطي عبرها
ماغبن روحي ولاأدما جروحي إلا موت شايب=آآهـ ياليته قبل موته روحي القشرا قبرها
وشبغيتي ياهجوس الشعر جعلك للذهايب=شايبك موته وسم هالروح لين إنه فطرها
شايبك مات وتركني معك في عز الصعايب=مات .. والله مات .. والله مات ..والدمعه نثرها
آآهـ ياجرحي وياروحي ويادنيا العجايب=آآهـ يا أغلى الناس ياعيوني وياقرة نظرها
يابعد روحي ياذاك اللي لو أشكي بليا سبايب=لو هي بروحه عشان عيون شكوايه كسرها
يابعد روحي ياذاك اللي لا هبت هبايب=قام يتبع بالسحابه لين ما أشرب من مطرها
إيه ياظلم إنكسر خاطرك والمحبوب غايب=غاب غيبه دون رجعه ياعنا الروح وقشرها
ناظري وجهك ياظلم بموتته وشلون ذايب= كن الأرض بموت واحد ميتٍ مجمل بشرها
خاطرك ياظلم طاب وخاطري من الناس طايب=كن عيني بعد موته فاقده نعمة بصرها
مايكفيني بعده الحزن ومواسا القرايب=كل ماسجيت لحظه عنت الروح لقهرها
البيوت اللي عمرها أمس بعيوني خرايب=كيف مات ؟ وليه مات ؟ ومن تألم من قدرها ؟
آآهـ والله آآهـ والله آآهـ ياحدب النصايب=موت مالك قلب لو لك قلب ماتطعن ظهرها
ليتني دونك بوسط القبر يا أغلى الحبايب=ليت روحي دون روحك ياغلا الروح وثمرها
ليتني في وسط قربك يوم هلوا فالترايب=ليتني جنبك وليت اللي حفر وسّع حفرها
ياحبيبي يا حنيني يابعد كل النجايب=يا أصدق إحساس تملا الروح ياقمة فخرها
راح معك القلب ماعودت لكن عاد خايب= عاد لي بالذكريات اللي فرت روحي صورها
صورة التابوت صوت الموت مطعون الغلايب=بري روحي بري حالي بري من روحي عثرها
مافجعني في حياتي غير لحظة موت شايب=آآآآآهـ ليته قبل موته روحي القشرا قبرها
[/poet]
[ALIGN=CENTER]بنت أبوها[/ALIGN]
[ALIGN=CENTER]تحيااااتي
اختكم .. نوف[/ALIGN]
