بالدين والكاش

[ALIGN=CENTER]لا واهني ؛ طيورها..في ؛ عْشَشْهـا
ما حاشت الأرزاق..بالدَّين ؛ والكاش

تتبع ؛ مشاهيها على كل مَشْهَـا
ما يومْ ؛ من بعضْ التفاكير ؛ تِِنْـداش

تطير ؛ ما تْدَاريْ.. خواطرْ دبَشْهـا
ما تشوفْ ؛ ما تَكْرَهْ وتِغْضِي بالأرماش

ما أحدٍ ؛ يِعِزْ النَّفسْ حَزَّة ْ؛ عَطََشها
لو عُمْرهـا ؛ في عِزِّةْ النفْس ؛ تِِعْتـاش

روحْ الظمأ ؛ تلهث لفارغْ ؛ غْرَشْها
وتْمُصْ ؛ من ناعمْ..ثَرى القاعْ وجْرَاش

تِخْفِي بِمَكنون..الضماير ؛ غَشَشْها
وتِِِنْفَش ؛ لو في بعضْ الأيام ؛ تِِِِهْتَـاش

نصيحتي : من زَرعْ..قلبي حَشَشْها
للي بصدرِه ؛ من هموم الدَّهر ؛ حـاش

النَفْسْ ؛ لا من نابْ هَمِّك نَهَشْها
لا ناشْهَا ؛ من جَايرْ الوقتْ ؛ نَهَّـاش

ضمه بصدرك..لَوْ ضلوعِك ؛ عَرَشها
لا تِشْكي أوجاعْ الضماير؛ على اللاش

صَبرِك على نفْسِك يْداوي غَشَشْها
والْهَـمْ ؛ ما يجلاهْ.. بالْهَرج هَـللاش

ما لِك ؛ بخلان الدُوَشْ ؛ في دوَشْها
سوالفٍ ..ما بين ناجِِِشْ ونَجَّاش؟

بالسوء ؛ تدبي.. مثل دابي ؛حنشها
عسى ؛ لها من ضاري الناب ؛ نتَّاش

الشَّر : له ناسٍ تْمَشِّـط شْوَشْهـا
ويْلَوْلْشُون ؛ بطاريْ الشَّـر ؛ لُوْلاش

ناسٍ ؛ تِصَنَِّتْ حَولْ خارب حْوَشْها
طوْل الليالي ؛ عند..سِيْسَانْ الأحْواش

تْحَارِشْ ولو ما أحدٍٍ بِشَرِّه حَرَشها
مثل الكلاب إلى سْمَعَتْ حِِسْ خُرْفاش

وكم طيِّبٍٍ؟ للناسْ كبدِِه ؛ فَرَشْها
ما منه ؛ يأتي غير ما يبْهَـج الـجاش

ما يقْرب البَلْشَات..واللي ؛ بَلَشْها
ما هوبْ ؛ رَفَّـاشٍٍ ..ولا هوبْ دفََّاش

له وحْشةٍٍ ؛ لا غاب ؛ ما أحدٍ وحَشْها
ما بيننا ؛ ما كن ..لو لحظةٍٍ ؛ عـاش

يا عيالْ: يذْكر واحدٍٍ من حَبَشْهـا
زمانْ ؛ ماضي يوم هجرات ؛ الأحْبَاش

واللي حكى لي كان هو ما هَلَشْها
يقول : قاله بـأول الوقت ؛ عكَّـاش

والعالم الله ؛ كان هو ؛ ما عَكَشْها؟!
يقول: بِهْ واحدْ..للأقدارْ ؛ فَـتَّـاش!

في خطْ واضحْ ..لو طلبته رِقَشْهـا
اللي بقى من أقدارْ..عُمْرِك على شاش

وإلى إنتَهيتْ من القرايةْ ؛ مَحَشْهـا
ما كِنِّه ؛ ألا يعْمِِي..العين ؛ بِِفْـلاش

العِلمْ : عند اللي بلوحِه نقَشْهــا
الواحد اللي كوَّن الكون مـا نـاش

لو واحدٍ ؛ صَفْحةْ حَياتِِهْ ؛ فتَشْهـا
وشاف ؛ المنية عُقب يومين ؛ وإنْحاش

رزقِهْ قضَى ما غير خُبزهْ ؛ خَمَشْهـا
وعَضْمينْ ؛ بيضٍ..ما بهن مُخ وعْرَاش

مع بيضْةٍ من روعْ قلبه فِقَشْهــا
محرومْ ؛ من مالِه.. عَقَـارِه ولأدْباش

ينساق ؛ بِدْروبْ السَّهلْ عن عَفَشْها
ويْروْغْ ؛ عن كل النشايب والأبْلاش

يِنْلاعْ ؛ لو صِبْعهْ..عْوِيدٍ خَدَشْهـا
خوفْ ؛ الْمِنـيَّةْ ..فيه بالحيل رَفَّاش

كنِّه ؛ يْشوفْ بِكِلْ صوبٍ نعشهـا
وخوفْ المنيَّةْ : صار للروح نَخَّـاش

جَتْ له ؛ على دَرْبه بِزَاهي رْشَشْها
بأجْمل ؛ جَمالٍ يجْذب النفس وفْرَاش

من باهي ؛ أشكالَهْ وظاهر بِشَشْها
وريح العطور اللي على اللبس رَطَّاش

غَريْمَهَا ؛ من حين..شافَهْ هَتَشْهـا
وهي كلها شَرٍّ لِمِنْ جـاه طَـرَّاش

شَدَّت على حَلْقِهْ سَلاسل بِِيَشْهـا
وُهُوْ ؛ مطيعٍ ما تَنَخْوى ولا هـاش

أقدارْ :تِخْفي.. شَرَّها في خْيَشْهـا
في خَبْط ؛ عَشْواها الأملْ ما لِه إنْعاش

أـامْ :توفي دَيْنهـا ؛ في ريَشْهـا
تَمْضي ؛ وحِنَّا..بين نافخْ وفَشَّـاش

ناسٍٍ على ناسٍٍ .. تنافخ خْشَشْهـا
ونشوف شيبانٍ ..تزاعَـلْ على ماش

دنْيَـا دِنِيَّـهْ :لو زَهَتْ لك بْقَشَهْا
جودِك وما جودِك بلا جُوْدها مـاش

إن عَجِّعجَتْ قشَّت علينا قِشَشْهـا
وإِنْ أمْطَرَتَ لقشاشها السيل قَشَّـاش

لا يخدعك به رَشْ باردْ طْشَشْهـا
إحْذر غّرَقها كان ميزانـها طـاش[/ALIGN]

[ALIGN=CENTER]قصيده رائعه بالفعل

اخي


تسلم والله الانامل التى كتبتها


والفكر الذي صاغهااااا


صح لسانك اخي

ولسان شايم لافي الهمزاني


تحياتي[/ALIGN]

عزيزي اهازيج شمر صح لسانك ولسان شايم لافي الهمزاني ((( انا قلت صح لسان شايم))) حسب رد الاخ العزيز ذيب شراف وحسب ما فهمت ان القصيدة لشايم واذا كانت لشايم ياليتك وضحت ذلك بالمشاركة حفظا لملكية القصيدة وانا ما ادري لو هو انت شايم ؟
على كل حال القصيدة قمة بالروعه ومشاركة ممتازة وفيها من الحكم الكثير وتقبل تحياتي
عزيزي اهازيج شمر لو سمحت تاكد من هذا البيت حسب ضني ان به خطا مطبعي حيث اعتقد انه ناقص كلمه والله اعلم وتقبل شكري وتقديري

وكم طيِّبٍٍ؟ للناسْ كبدِِه ؛ فَرَشْها
ما منه ؛ يأتي ما يبْهَـج الـجاش
...........................
واخيرا ياليتك تكبر الحروف شوين تراني شايب ويالله قريت القصيدة وشكرا

[ALIGN=CENTER]اهازيج شمر

الشهاده بالقصيده مجرووووحه
جزله ووافيه

الله يعطيك العافيه
وصح لسان شاعرها
وناقلها

تحياتي لك
يالغالي

اخوك
خليف[/ALIGN]

لحظات سعيدة مع كلمات الجميلة

مرور غالي

وكلك حلى

وكل ما قلت صحيح

والبيت هكذا
(وكم طيِّبٍٍ؟ للناسْ كبدِِه ؛ فَرَشْها
ما منه ؛ يأتي غير ما يبْهَـج الـجاش
)

ساقط منه لفظ (غير)

لكن لا أستطيع تعديله أو تكبير الكتابة وتنسيقها

أرجو أن يتفضل أخواني من المشرفين الأوفيا بعمل ذلك

[ALIGN=CENTER]أهــــــــــــازيج شمر ذكرتني في بيتين من قصيده للسديري وهى

الله خلق دنيا وساع فججها000 وعن مايريب القلب لك كم منهاج

الرجل وان شطت لياليك سجها 000 عسى تواليها تبشر بالافراج


صـــــــــــــح لسانك أهـــــــــــــــازيج شمر كـله [/ALIGN]

[ALIGN=CENTER]اهازيج شمر

صح الســـانك ولاهنت يالغالي

وتسلم على القصيده وعلى نشرها مرى اخرى

تحياتي لك

اخوك

الزعتماني[/ALIGN]

[ALIGN=CENTER]


الله عليــك


أخوي أهازيج شمر


قصيدة محملة بالحكم


منضومة بيد شاعر فنّان


بارك الله فيك


وعز الله إن كل كلامك صحيح أخوي




لك مني كل تحية وتقدير[/ALIGN]

[ALIGN=CENTER]اختي

اهازيج شمر


المعذره لقد قراءت الاسم خطاء


والله العضيم احسبه اسم مذكر


بس زله وعند صديق :)


المعذره والسموحه


اختي ...


لكي فائق التحيه


اخوك


خليف الجهيلي[/ALIGN]