ما علمت من المدح

السلام عليكم ورحمة الله وبركاته
-------------------------------------

اخوتي الاعزاء مساكم الله بالخير

يسعدني اني انقل لكم هذه القصيدة المميزة للشيخ الشاعر فهد الهمزاني و التي امتدح فيها سمو الشيخ زايد بن سلطان آل نهيان حفظه الله

بصراحة نلا يذكرني حاليا مناسبة القصيدة لكن ارجو ان تحجب القصيدة عن هذا الجانب

اليكم القصيدة :-

[poet font="Simplified Arabic,4,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قم يا قلم و اكتب ما تهّيضت به جــوّاح=بالنفـس دونها أقفال محرّزها و مزويها

ميــر يا راكب اللـي تفح فحفــاح=لا سلهمـت مع المزن ظـلالها يباريها

بلّغ سلامـي على شيخ بالعطر فــوّاح=ولد شيـخ للعـز و المـجد حاويـها

و قـل نعمين يا ريف المناعير جحجـاح=يعطي و ينثر بيدينه و كمومه من مثانيها

زايـد من هـلا القالات تراه يا صــاح=صلبـين الأشوار عرفوا قاصيها و دانيها

زايـد الخير كل مجـي و معه مــرواح=أبو سلطان و حمـدان صامـد لها و فيها

له نظرة بالـرجل و لـو هـو لمــّاح=فراسة ما طبّت السوق لمرخصها و مغليها

هقـوتي و أنا عازم جاد و مـرتــاح=ما يجـود الوقـت بمثـله كود هلا فيها

له عقل يازن بشر للكايـدات نطّــاح=بنيّته الصافـية حقّـق أمنـها و أمانيها

آشـع رؤوس المراقيـب أراعي البــياح=ما مثـل زايـد زايدات منها و لا فيها

جعـل أيـامـه تهـل مـزن قــراح=تـروي شعبانها خضـر و قمـر لياليها

يعجزن البيض دعاثرهن على الأرداف شوّاح=يجـن بمثل زايـد الكـرم بكفوفه محنّيها

السخا و الجود و العطا ما هـو بشفّــاح=ما حسّب عارف رب معوضّها و معطيها

و داره بشامخات ينصاها المضيوم طمّــاح=يا باني بيـوت العـز و النجـوم تلاليها

و الحفر مثلـوم بجالـه دواليب بحبــاح=و الهيل بالزعفران معفّرها و العود مغطّيها

جعـل السحـاب اللي سـرا مجتــاح=يمطـر علــى دار عاليـات مبانيهـا

يسقـي منـازل المجد مجهّم و كــوّاح=بهتان السحايـب يسقي تلالها و روابيها

يا زبن المعنّى عنالـك عقـب مطيــاح=دارت بها الأفـلاك و المفاليـح ينتخيها

زايــد حـاش المراجل بشبّته وشــاح=على صـدره و تـاج بهامتـه يتاليهـا

يا مروّض سود العراقـيب وكل جمّــاح=عسـف شم العرانـين و تجنّب تلافيها

يا مطوّع صعبـين الأقياد وكل طحطـاح=قاضب رسنهـم مـجوّدٍ خطام معاديها

هذه حقايق في زايـد للـملأ وضّــاح=و يوم الطّـراد زايـد قايدها و مقدّيها

ما همّني بالوقت بـان كلّـش و بــاح=أغيـظ به هـلا الأحقاد و اكبح تماديها

و أبو فيصل مع أبو متعب لنا فخر و جناح=ولحافنا أبو خالد و نايف برجاله حاميها

آل سعـود طلــع السعـود نجم دوّاح=بالسماء معتـلى و عيـون العدو معميها

الله يرحمـك يا عـود قادها بلا مــلاّح=أرسـى قواعدها و بالدين حمى شواطيها

و آل نهيّان عضدهم صلـب و صنــداح=الله يجمعهم على الخير في بحرها و براريها

من نصاهم و كـاد الهـم عنـه منـزاح=هـم عزّنا و مجدنا و فخرنا و الله كافيها

و زايـد مـا علـى زايــد زود درداح=كفـو على كفو حايز مجدها و مراعيها

يا مل قلـب انكوى بمحمـاس ذبّــاح=انهشـم و تهشّمـت أحلام كنت بانيها

و يا وجد حـالي علـى عمـر قـل راح=و قلب يكفخ كما طير طرا له طواريها

و جروح عطيـبة مصـوبة دمها رشّـاح=و العـين قزت حلـو المنـام الهم معنّيها

واعزاه لحـالي مثـل حـال بن ميّــاح=صوايـبه وصلت فناديده و الرب يبريها

و خافقـي تالي الليــل يفـز طفّــاح=لولا الضلـوع تـرد رجـفه من محانيها

مثلي مثل قاعد على كراديف صحصــاح=أو علـى جـال نار لهبـها يشتويـها

أواه أقـولهـا ونّـات دمعـها سـيّاح=ونّت خلوج أو مغاتير عسام الوقت مخفيها

قالهـا و يقولها أبو بندر ماهـو بمــزّاح=النـار ما تحـرق كود رجـل واطيـها

السعــد و الفــرح مثل البارق لا لاح=و القـرادة يا طول أيّامـها و ضحاويها

أنا المـعنى و كلّي أوجـاع و جــراح=صلفـات الأيّام و الليـالي سبب بلاويها

ليت كل من تقلّـب حـزن و نــواح=حـس و رثى لمن عيـونه النوم مجافيها

يا بـو سلطـان أقولها مانـي بلحّــاح=حسبي على من حال دونها وبعد خطاويها

هدّ الضواري بالمفالي على تضبح ضبــاح=قرانيسـها حايمات بديرةٍ صعبةٍ مضاويها

حرار حامت ديار الجود صقّارها صيّــاح=مداهيـل هلا الطيـب بانت حراويهـا

يا شيخ فراخ الوكاري حـدر الأسفــاح=و طويراتهـا بغربانهـا تباري حناديهـا

أواه من قلب تدنّى منـه قبـاض الأرواح=والنفس سلّمت و استسلمت للرب باريها

أصيـح و أنادي بالنايفـات مع الأريـاح=شكواي من حظوظ قشري مبتورة عراويها

يا شيخ ونّات الخـلايج رعود و رمــاح=فتّقت شراشيف الرجوف يا فاهم معانيها

مداهيـل هلا العطـا عجاج بالهواء سبّاح=و هـلا الشـح بشاهقات سودٍ مدافيها

يا جعـل جدرانهـا تطبـق ما لهـا زواح=على من غل يديـنه و من سكن عاليـها

و كثـرة وشايـا منهم للمـال دحّـاح=هلا الحسـد و الحقد من الله ما يرتجيها

و الدار اللي ما هـي للرجال مدهل و مراح=مثـل وكر البوم بالخلا سرحان يعاويها

و الدروا من الرجال للضـيف كفّــاح=من الـخزي و العار منكسـات علابيها

نعلل النفـس بالتمنّـي و الزمن جيّــاح=مثل الزبـاد لا شارب و لا الحيام ممليها

يابو سلطان دنيـاك هذه شاتم و مـدّاح=كلّها غرابيـل و كـدر جزلةٍ مظاميها

لما طاعك زمانك طعه و للصبر مفتــاح=مثـل سبـاع الليل اللي الدهر حاديها

نحل قلـبي الزمـن لا جـار فضــاح=عن وصفـه وما فيـه شابـت قوافيها

يارب الـخلايق برحمتـك لنا نفّــاح=أجمـعنا بـدار نشـرب من نبع صافيها

و الصلاة كثر هلّ الوابـل على المـــاحِ=سيد الخلايق بالشفاعة موعدنا و مكفّيها

[/poet]

تحيات اخوكم شقردي