دخيلك..لاتجيب الدمعه!!!..قصيده قويه..!!

السلام عليكم...
من أفضل ماقرأت..هذه القصيده القويه للشاعر..فرحان بن منصور..هكذا وجدتها في جريدة الرياضيه...واعجبتني واتمنى ان تعجبكم..............


آنا من زود حبي كنت أفكر كيف اروح آنســـــــــــــاك
آحاول كل هالمده بنفسي كيف أجاهدها
أبمشي حر وأعيد العلاقه مع هـــــــــــــــذاك وذاك
وبحاول بنفسي للصعوبه كيف أعودهــــــا
ولكني بنفس الوقت لو تزعل شريت رضــــــــــــــاك
وصارت مستحيله رغبتي ماني بواجدهــــا
ولوأنك علي أخطيت أسامح زلتك لخطـــــــــــــــــاك
أحللها بشكل غير لوأنك تعمدهــــــــــــــــا
أروح أكذب على نفسي ليامني ذكرت شفــــــــــاك
ياكم من غلطة صارت بسيطه وأنت قاصدهــا
تعاتبني وتخطي ماتعذرلي وأقول فـــــــــــــــــــداك
وأنا ليا جبت كلمه في مجال المزح تنقدهـــــا
تحللها بشكل غير والمعقول مايخفــــــــــــــــــــــاك
على كيفك تقصرها معي ولا تزودهــــــــــــــا
وأنا من زود حبي مابقى شي معي يخفــــــــــــــاك
لو أني قلت لك روحي مزهدها..مزهدهـــــــــا
لك الله مابقى عندي طموح الأ على لقيـــــــــــــاك
دخيلك لاتجيب الدمعة اللي بس أرددهـــــــــــا
تعذبت بجمالك وأهني الأرض في ماطـــــــــــــــاك
أنا من زود حبي لك حتى الأرض حاسدهــــــــــا
عطيتك كل شي وقلت وش لي بالعمر لـــــــــولاك
بقت بس الثقه بالنفس خمس أيام وأفقدهــــــا
لوأني قلت أحبك والله الخلاق ماكفــــــــــــــــــاك
موديك الغرور لرغبة محدن يحددهـــــــــــــــــــــا
عطاك الله جمال عن حدود المجتمع عــــــــــــداك
تمر الناس كنك في عيونك ماتشاهدهـــــــــــــــا
تشوف الناس مندفعه وراك وغرتك دنيــــــــــــــاك
تبي الشعار دايم فيك تكتب من قصايدهـــــــــــــا
اخذت من الغرور اللي يكفي والجمال اطغــــــــاك
لو ان أمك تجي قدام بيتك ماتعايدهــــــــــــــــــــا
ولكن والله اني غير اخلي العين ماتــــــــــــــراك
انا ماني ضحية عشرة هذي فوايدهـــــــــــــــــــــا
عزيز وعزتي تبقى معي لو دارت الأفـــــــــــلاك
لو اني جعت مااكل لقمة كلن يبردهـــــــــــــــــــــــا
عسى الله يخرج العشاق من حبك ومن شرواك
جمالك يجذب العشاق وبسلوبك تبعدهـــــــــــــــــــــا