-
( أهل حايل )
[ALIGN=CENTER]
بسم الله الرحمن الرحيم
اولا اعتذر عن الانقطاع والله العظيم انشغلت الله لايشغلنا الا بطاعته ولكن كنت متابع اخباركم اول باول
وهذه القصيده كعربون اعتذار وهي اخر ماكتبت وهي اهداء لكل اعضاء المضايف ليس فقط اهل حايل
ولقد كتبتها قبل الامسيه الاخيره لي في حايل
امل من الله ان تحوز على رضاكم وان تغفر لي انقطاعي عنكم
اخوكم فيصل اللويش
[/ALIGN]
[poet font="MS Sans Serif,5,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=" shadow(color=red,direction=135)"]
أهل حايل
كسرت انا ضلوع الحنايا وشبيت = ناري وطرا ياعزوتي كل مافات
وباصابعي جمعت الاوراق واركيت = صدري وفاحن القصايد والابيات
واركيت كوعي فوق شوقي وصبيت = فنجال شعرٍ اشقرٍ فيه طربات
كنه جديل اللي من الكون حبيت = اشقر على متنه معثكل وخصلات
واليوم في شعبان حايل تقهويت= واطلقت عيني بين شوقٍ ونظرات
غرقت عيوني بدمعها بس شحيت = ماودي افضح شوق صدري بدمعات
قيدت خيل الشوق بالصدر واخطيت = اثر الغلا يذبحك يذبحك بسكات
من ديرة الخفجي ركبت وتعنيت = صرت احسب الساعه وياقشرالاوقات
صارت دقايق ساعة الشوق توقيت = صارت ثواني لهفة العشق ساعات
كم عقربٍ في ساعتي مات تنهيت = كم ساعة ماتت بأأأأهٍ وأهات
من يوم ماطروك ياذربة الصيت = من يوم ماطروك ياحايل الذات
لبيت من زود الحميا وفزيت = يالعنبو حي الحميا ليا جات
قالوا تعال وجيت في ذمتي جيت = لعيون اهل حايل ركبت المسافات
مبطي وقلبي بين ياعل ياليت = اكتب بأهل حايل ولو بعض كلمات
والحين من الله على ماتمنيت = فرصة عمر واغرقتها بالكتابات
لو هو بكيفي كان (ماكان رديت ) = منهو يجيكم تغبطه كل الاصوات
عز الله ان الشعر من قبلكم ميت = كن الورق وديان وابياتي اموات
مادامي الشاعر وانا ماتباطيت = مادامكم جمهور للشعر مامات
جمعتها في طول حسي وناديت = كل النياق ان كان للشعر خلفات
سقت القصيده بيتٍ وبيتٍ وبيت = لعيونكم سقت الغلا بكل الابيات
فيصل اللويش
[/poet]
-
[ALIGN=CENTER]
اولاً
الحمد لله على السلامه
طولت بغيبتك لكن صدق من قال
من طول الغيبات جاب الغنايم
صح لسانك يابو طلال
يسعدني ان اكون من اول المستمتعين بهذه الدره الثمينه
لا هنت على هالابداع
رااااائع والله رااااائع
واهل حايل يستاهلون كل خير
عساك على القوه
..
..
تقبل تحياتي
اختك..نوف[/ALIGN]
-
[ALIGN=CENTER]اهلا بشاعرنا المبدع والمميز - فيصل اللويش -
والحمد لله على سلامة العودة..
ونحن فى اشتياق لك ولهذه
الدرر التى سطرتها لنا فى
حق حائل واهلها الكرام....
==تحياتى واهلا فيك وسعداء برجوعك ==[/ALIGN]
-
[ALIGN=CENTER]
اخي العزيز فيصل اللويش
الحمد لله على السلامه
اهل حايل يستاهلون
وانت تفعل الطيب دائماً وهذا ليس غريب عليك يا بعدي
اخي فيصل للشعر قديماً وحديثاً مدارس مثل ما لكل فن مدارس .
وانت ياخي فيصل مدرسه في الشعر لها اسلوبها الخاص وفنها الخاص الذي لا
يجيده الا فيصل اللويش ومن ينهج نهج فيصل في كتابة الشعر .
لم اقول ذلك مجامله بل قناعه واعتقد كل من يقراء لفيصل يعتقد ذلك .
ننتظر وياتينا فيصل بما يجعلنا نمدد فترة الانتظار ويزيد لهفت المتابعه لكل ما هو
قادم .
لك مني من الود اجمله ومن الشكر اجزله
وتقبل خالص تحياتي [/ALIGN]
-
[ALIGN=CENTER]ياهلااااااااااااااا والله بابو طلال
حيا الله الغايب
صح لساااانك على هالقصيده وتستاهل حايل واهلها
تقبل تحيات اختك
شموخ [/ALIGN]
-
[poet font="Tahoma,4,black,bold,italic" bkcolor="transparent" bkimage="backgrounds/17.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
مسموح ثم مسموح ومن هو اللى يقول غير مسموح
عقب هالرائعة الفريده مسموح على كل الغياب ....
الابيات السابقة ليست لشاعر بل هي :ـ
لرجل بطل من اللويش يخاطب اهله اهل حائل
كم يكون الشعر معبر حينما يصدر من قلب صادق
لله درك يابو طلال فقد هزتني القصيدة وذكرتني
باهل العز والكرم (( اهل حائل ومن سكن فيها ))
شكرا لفيصل الشعر ويعطيك مليون عافيه
[/poet]
-
صح لسانك مليون
وسلمت يمينك أخي فيصل
رائعة كما تعودنا نقراء لك
أسجل أعجابي
-
[ALIGN=CENTER]هلابك ابو طلال
من طول الغيبات جاب الغنايم
وعقب الغنايم جاب فيصل قصايد
صح لسانك
يابو طلال
صدقني اهل حايل
تفتخربك يالغالي
اخوك
خليف[/ALIGN]
-
ياهلا بك
[poet font="Simplified Arabic,4,skyblue,normal,normal" bkcolor="transparent" bkimage="backgrounds/21.gif" border="double,4,orange" type=0 line=200% align=center use=ex length=0 char="" num="0,black" filter=""]
من طول الغيبات جاب الغنايم
ياهلا بشاعرنا الكبير ( فيصل اللويش )
حقيقي فقدناك بس ارضيتنا بهالرئعة
اخوي فيصل لكل حضور في المضايف لا يضاهيه إلا حضورك
انا هنا ارحبك وليس مشيداً بقصيدتك لأنك فوق كل اشاده
تقبل تحيات اخوك ( فهد النماصي )
[/poet]
-
فيصل اللويش
صح لسانك
من طول الغيبات جاب الغنايم
أبو طلال
لقد أفتقدناك وافتقدنا الشعر الجميل والأصيل
وهاانت تعود بهذه الرائعه التي تشفع لك غيابك
فما أجملها من عوده وانت تشدو بحب عروس الشمال واهلها
