عانيت وادري كل طيب يعاني

[poet font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البارحه مدري وش اللي خذاني
يوم اجنبو عني من الضيقه اشملت

جيت اتكلم بس عيا لساني
ماكني الا مرتكب ذنب واخملت

الله يسامح من ذكرت ونساني
وانا ادري اني لاذكرته تجملت

عانيت وادري كل طيب يعاني
وعلى حساب طعوني الخضر جاملت

ياما خذو مني ولاحدٍ عطاني
من طيبتي في حق نفسي تساهلت

عزاي لامنه تجهم زماني
يممت وجهي للكريم وتوسلت

واللي يبي قربي وبعدي لقاني
امشي على وضح النقا ماتختلت

مرات احس انك معي شخص ثاني
ومرات احس انك حبيبي ومازلت

لاتفرح انك دجت بين المحاني
لو ماتخون الذاكره ماتسللت

عشان ماضيك الجميل وعشاني
حاول تشيل من الوفاء ربع ماشلت

ماني على خبرك حبيبي تراني
حتى عن صغار الاماني تنازلت

[/poet]