اقتباس:
روحـي بـحـايــل ماتـفارق جـبلهـا
وحبـي لهــا عـيـا عـلـى كـل الاوصـاف
أفـرش حـصاهـا واتـوسـد سهـلهـا
وأرقد بحضـن جبـال سـلمـى ولااخـاف
اسـمح واراضيـهـاوادري زعـلهـا
واشـتـاق لها شـوق الـطنايـا للاضيـاف
اوشوق سـمر جبال حايـل لاهـلهـا
وجـاوزت مـن حـبي لهـا حـد الاسراف
وعيـني باجـأ ماتسمع اللي عذلـهـا
وخشـوم سلـمى مثـل شذرات الاسيـاف
قـصـه غـرام تراب حــايــل نقلهـا
تحكي عن التالين من ماضي لاسلاف
اجــــأ تهـضـم عبـرتـه واحـتـمـلهـا
ولاهـي بـعــادة عبــرة الــحـر تـنشـاف
وحول عـلى سـمر الـجبـال ونزلهـا
عــن دار ذل عـقـب ماشـاف مـاعـاف
وسـلمـى تغـني لهـا قـصايـد غزلهـا
عـلـى الـوفـا والـود وسـلــوم الاشـراف
وحـاتم زرع عود الصخا في جبلهـا
وأوقـد بـشامخ ضلعها نـار الاضيـاف
وعنـتـر علـى سلمـى ركـابـه عـقلهـا
وشـحـواعلـيه عيـال سـلمـى بالاكناف
مـثـلهـا دار بـهـا الـشلـقـان صـاغـوا
خـويـهــم شـالـوه مـن فـوق الاكـتـاف
وقــصه مـعشـي الـذيـب محد جههـا
يامن يعد الذيب من عرض الاضياف
وراع اللــبــون الـلى عـلـيـنـا نــزلهـا
تـرعـى لبـونـه بــالـقريـه والاكنــاف
مـالـوم مـن روحـه لــحــايــل بـذلهـا
وارخـص لها قـلب من الـود ينـلاف
صح إلسان قايلها ... ومشكور كاتبها وناقلها لنا..