تــاج كــســرى ... مصافحة اولى
[ALIGN=CENTER]تحيه طيبه للجميع ... زائر منتصف الليل .. من اقصى الجنوب .. الى اقصى الشمال .. مصافحه اولى مع التحيه ..
جيتك وكني مالك ( تاج كسرى)
من فرحة عيوني بشوفتك يازين
جيتك ومن عقب البطا قلت بشرى
بمقابلك تشفى جروح محازين
جيتك بحب في ضميري مـقـرا
ساسه قصر قيصر وخلاياه من طين
جيتك ضمان ونظرتي فيك كبرى
تسمح لخيّال الشعر يارد العين
جيتك اسوق خطاي والليل قمرا
جيتك اسوق من البشاير000ملايين
شريت زينك وان غلا الزين يشرا
وان كان مهرك ملك قارون ماحين
جيتك00اقول انك على القلب تطرا
ولا دريت انك بهالشئ تدرين
قمت اتهرّب كنك عني مغرّا
اغراك عني واحداً منبته شين
قمت اتكبّر ( قايد الريم شقرا )
وتقول ودّعنا من الناس غالين
مدري غيور وخاطرك بي مسّرا
ومن فرحتك قمتي عليّ اتغلّين
ولاّ تعلمتي الدلع وجرّت( الراء)
واصبحت تلهب خاطري بين نارين
مدري من اللي غيّرك وانت ادرى
اني بحبّك في سجّل المجانين
اليوم مجرا وامس يازين مجرا
ولا عصا موسى بملك المحبين
ودّعتني ثم قلت ارجوك بــرّا
جاملت ومن جامل يذوق الامرّين
صبرت وقلت يخالف العسر يسرا
طال الصبر وخالف العسر عسرين
ساهر مع نجم السهر واتحرّى
جسر الوفا ما قال يمكن تخونين
واليوم جيتي 000 وقلتي ( للحب اسرى)
اغفر لذنبي وانت ذنب المذنبين
يالعنبوك اشلون قلبك تجرّا
تحفر لقبر فيه دمٍ وسكين
يالعنبوك ولعنبو كل مسرا
ويالعنبوي ان كنت ماشيت لادنين
مسكين من نظرته في الحب صغرى
مهما فعل خاتمته يقال مسكين
يابنت قلبي من حياتك تبرّا
ولا عاش في هيكل انسان روحين
عذّبتني وابعدتني000والغلا احرى
دوري انتهى واليوم دورك تعانين
لو كنت ذنبي وقلتي ربي يغفرا
لا00 والذي 00 لآموت ما قلت آمين
بسابع سما قلبي رفعته وجهرا
لو كان سلّم فرعون بيدك تعجزين
واصبر صبر ايوب لازم تخسرا
لك يوم يالناسي وللناس يومين
هذا جزاء اللي ( مال راسه لعذراء )
وهذي ( جزاة اللي تخون المحبين )
مهما يطول الجرح لابدّ يبرا
لاشك تبقى له آثار وعناوين
دوّر بديلي واترك الجرح ذكرى
وانا بعد باقصد من الناس ثانين
واقري كلامي في عيوني بشعرا
واقري حروفي ليش عنها تصدين
جبريل كلّم النبي وقال اقرأ
وجبريل حبّي قال لابد تقرين
وانا بدوي وان كان قلبي تحظرا
فما هو بمعنى ذلك انك تغدرين
بيت الشعر بيتي وعايش بصحراء
وأرعى الغنم واحبّ شوف المزايين
واللي غدر بي ساعة الحب قشراء
ماني بسامح لك عليّ اتمادين
والثار للي بالكلام يتخطرا
عاداتي اكبر من جميع القوانين
انا بدوي حذراك يابنت حذرا
طبع البدو اكبر من انك تناسين
ازريت لاكن ( لا تزر وزره اخرى)
بتردّ وحن عاداتنا نقضي الدين
جيتك وكنّي مالك ( تاج كسرى )
واقفيت كنّي ( قاسم التاج نصفين )
.
.
وسلامتكم
نـــجــران اليــــامي .. [/ALIGN]
