وش رايكم بأول مشاركه لي ..ماتسوى؟؟؟؟
اول مشاركه لي وهي قصيده كتبته واتشرف به لانه له معنى بقلوبنا وقضيتنا الاولى .... اتمنى تعجبكم ... عنوانه ((( القدس )))
هاكم ..
[poet font="Simplified Arabic,14,crimson,normal,normal" bkcolor="white" bkimage="" border="double,4,teal" type=0 line=200% align=center use=sp char="" num="0,black"]
بديت بسمه عالمن كل الاسرار = بديت بسم اللي له الناس يدعون
يالله يالمعبود صراف الاقدار = ياللي يتم امره على الكاف والنون
ياباعث اللي عابدك داخل الغار = اللي على الكفار سمن وطاعون
يناصرن دينك على كل جبار = ياناصرن موسى على قوم فرعون
شتت عدوينك كريهين الانظار = وارحم عبيدن بين اهلهم يموتون
القدس تصرخ عالي الصوت ياجار = والجار ضايع بين بوشن وشارون
والجرح ينزف والكرامات تنها = ومسرى النبي عاثوبه عيال صهيون
متى نقوم ونشعل النار بالنار = ليه نتجاهل والخنازير يرمون
كنا على عهد النبي ناخذ الثار = كسرى وقيصر ذاقو الذل والهون
عهد الصحابه والتابعين الابرار = اللي لغير الله ابد مايذلون
ناسن تخاف الله زغيرين وكبار = وان قامت الحرب الشديده يقومون
وشصار بالدنيا وبالوقت وشصار = وشلون صرنا عقب الامجاد وشلون
شمس الحقيقه طفت والزمن دار = واليوم عقب العز يشمت بنا جون
ياناشدن وين الشجاعه والاصرار = راحت مثل ماراحو اللي يروحون
المصطفى وابوبكر وابوحفص وضرار = والمعتصم من عقبهم صار مدفون
واليوم حنا عندهم كلنا صغار = شعبن عددهم فوق تسعين مليون
الشعب يتنا متى الحرب تندار = والجو مابين الحكومات مشحون
كثرت مشاكلنا على كثر الاعذار = والقدس راحت والعرب مايحسون
النوم وقت الحرب هو قمة العار = الحرب حلت ياعرب لاتنامون
شوفو مساجد ديننا كيف تنها = شوفو عسى من بعدها ماتشوفون
شوفو الحجاره كيف ترمي هل النار = امشو طريق الجنه اللي تمنون
ياللي صرخت اصرخ على كل الاقطار = واذا صرخت اصرخ بعد لين يدرون
هذي تراب القدس تفدا بالاعمار = يرضون ولا جعلهم مايعيشون
ماقول غير الله ينجيك يادار = وملعون من دنس اراضيك ملعون
يالله يالمعبود صراف الاقدار = ياللي يتم امره على الكاف والنون
ياباعث اللي عابدك داخل الغار = اللي على الكفار سم(ن) وطاعون
ياناصرن دينك على كل جبار = ياناصرن موسى على قوم فرعون
ارحم شهيدن مات مابين كفار = وارحم شهيده رجلها عاش مغبون
وشتت عدوينك كريهين الانظار = وسلط على شارون تسعين شارون
[/poet]
