البنت اللي تنعي اباها

السلام عليكم

الصراحة مادري من وين ابدى
بس انا ضيف جديد عليكم اتمنى تقبلونن اخون لكم

هاذي القصيدة للشاعره / عبطا بنت بنيه بن قرينيس بن محمد الجربا

تنعي اباها الفارس الكريم الشيخ/ بنيه بن قرينيس بن محمد الجربا

وهو من شيووووخ شمر المعروفين بالشجاعه والكرم

وبنيه الفارس ذبحوه قبيله المنتفق بالغدر والحيله لانهم يدرون انهم ما يقدرون ينطحونه والقصيدة تشرح لكم افضل مني



البارح عين المشقى جرى له.... سهر الى مابين الصبح وانجال

بالقلب صدع مايفوت الدواله.... متجملة والله عليم بالاحوال

عليك ياستر العذارى دلاله.... أوي الله ياهل الخيل خيال

بنيه بعيد العلم يسوى عداله.... ياما صفقت يمناه من مال ورجال

الاشمل اللي ماضيات فعاله.... زيزوم غلبا معدل الشيل لا مال

ياما عطى من كل قب سلاله.... سباقه الغاره من الخيل مشوال

وياما نحى بالسيف من صعب قاله.... وياما لطم من دونكم كل من عال

وياما شربتوا من قهاوي دلاله.... وقت القسى يرخص لكم غالي المال

جمع حباله ثم لمه وشاله.... وتقنطرت من كثر الاقفا والاقبال

تقنطرت ياحي هاك السلاله.... بوجيه حمر المنتفق ماضي الافعال

هو الفقيده من عواني رجاله.... صادوه بالحيلات في خندق الجال

اخسوا خسيتوا ماخذيتوا بداله.... ولا وقفتوا موقف يعجب البال

ماحدن زرق رمحه ولاحدن ثنىله.... وماصار عنده عركة تشده البال

خلوه في قبره وحيد لحاله.... مقابل بالهور قصر ابن شلال

والى مضى لي عشره من هلاله... ياتقل يضربني من الضيم سلال




وسلامتكم

اخوكم/ فـــايـــز الــــشــــمــــري


كانك ليا جيتك تجي جيت يمك.... وان كاني اجيك وماتجي تبت ما اجيك
ماني باخوك اصغر ضنا ابوك وامك....
انا رجل على ماطالني منك اجازيك

حياك الله هذي القصايد له مضيف لحاله

وحياك الله


حمتو

قرم القروم
تسلم والله يعطيك العافيه
بالنسبة لمضيف الشعر النبطي
يخص شعر الكاتب نفسه...
يعني القصيد اللي لك خاص أنت تكتبة هنا.
اما القصيد الآخر فهناك مضيف يخص
الشعر المنقول.
فأسمحلي أخي
سوف أنقلها الى الشعر المنقول
ولك مني كل التقدير والأحترام
أخوك ابو مشاري الشمري

ما قصرت اخوي فايز على هالقصيدة ..













..








.

صح بدنكم
مسموح ياجدي على نقلة هالموضوع بسس العذر والسمووحة لاني عليمي بهالنت

والله يقويك يابعد حيي

وسلام


رفيقنا كنه بروس الشخانيب ... في راس حيد نايف مايظامي

رفيقنا مانجدعه للقصاصيب ... يجبر بنا لو مكسره بالعظامي