فضيحة عااااااااق

[poet font="Courier New,14,white,normal,normal" bkcolor="" bkimage="" border="groove,4,gray" type=3 line=200% align=center use=sp char="" num="0,black"]
يا يمّه .. منتهي جيتـك وطالـب منـك الغفـران

أقبّـل قـاعـة أقـدامـك وغسلـهـا بدمعـاتـي

يـا يمّـه .. كـل مافينـي يناديلـك أنـا ندمـان



طلبتك؟.. قولي سامحتك وردي لوجهـي بسماتـي



أنا أدري قلبك الطيب كسرتـه بصدمـة النكـران



غلطت .. وغلطتـي هـذي تعيـر كـل غلطاتـي



تشوفي الشيب يا يمّه تـرى ماجـا وأنـا فرحـان



وربي إلـي رفـع ذاتـك ونـزّل للـردى ذاتـي



فقدت الراحة من بعدك .. فقدت الطيبـه والتحنـان



بدونك .. راحتي غايـة بدينـك هـذي iiراحاتـي



أنا بعدك ولا حاجـة أنـا بعـدك تـرى عميـان



أشوف .. ولا أشـوف إلـي يورينـي مساواتـي



أنا وسيد الشّقى والهم مـن بعـدك غدينـا أخـوان



يجيـب همـوم هالعالـم .. ويرميهـا بمتاهاتـي



صدقتي .. يوم قلتيلي تديـن اليـوم بـس تنـدان



رميتك في بداياتـي .. ورمونـي فـي نهاياتـي

أنا من شالـك بيـده ورمـاك بأسفـل البركـان

نخيتيني .. وطلبتينـي .. ولا حصلتـي نخواتـي

مثل ماهنتي بعيوني .. عليهـم قلبـي يمّـه هـان

رموني وضعتهم فزعه .. وأنا الدمعـات فزعاتـي

يا يمّـه لا تظنينـي أنـا مـن فعلهـم زعـلان؟

سـواتٍ فيـك سويتـه وسـوّو فينـي سـواتـي

يـا يمّـه .. يالله ظمينـي ودفينـي بهالأحضـان

أنا أدري فيك مشتاقـه .. وهمـك بـس ملاقاتـي

يا يمّه (حيييييييل) ضميني أبي أرتاح أنـا تعبـان

تعبت أهرب من ذنوبـي ابيـك آخـر مسافاتـي

أبسمع منك أي كلمه .. لصوتك مسمعـي ولهـان

أبسمع (يمّـه) بصوتـك أبذكـر فيهـا نشواتـي

أشوفك ساكته يمّه ؟.. غفيتي ولا أنـا غلطـان؟

غفيتي يا بعد عمري؟.. تعبتـي مـن مواساتـي؟

يا يمّه طالبك قومي .. إذا لي فـي عيونـك شـان

أشوف الموت بعيونك .. عساها تخيـب هقواتـي

تعالوا يا بشـر شوفـوا أنـا محتـار أنـا تلفـان

أنا أمّي مدري وش فيها أنـا مـدري أنـا أحاتـي

شنو ؟؟ أمّي أنا ماتت !!! لا لا.. لا ترى غلطان!!!

أنـا أمّـي مـا تخلينـي علـى حزنـي ووناتـي

أنا أمّي قلبهـا طيـب ولا يمكـن تبكـي إنسـان

أنـا أمّـي مـا تبكينـي .. ولا تتمنـى آهـاتـي

يا يمّه صح ما متي؟ .. وصح الموت تو ماحـان؟

إذا متى أنـا بعـدك أبقضـي ويـن ساعاتـي..؟

يا يمّه قومي يا يمّه .. وقولي الموت لا مـا كـان

أنـا جيتـم وأنـا نـاوي أببـدي فيـك جناتـي

تركتيني ومتي ليـه؟؟ تركتينـي وأنـا غرقـان؟

ولا مسموح يا وليـدي .. ولا تلعنـك لعناتـي

أنا الجاني وأنا المجني وأنا المخطي وأنـا الندمـان

وأنا بإيدي رميتك إيه .. وبعثـرت أهـم ملفاتـي

وجيت من الهنا مفلس .. وقلبي من الضنا خسـران

تركتينـي علـى نـاري أعـدد فيـك زلاتــي

ولاني مرضيٍ ربـي .. ولانـي تابـع الشيطـان

أنـا بعـدك تـرى مابيـن نهاياتـي وبدايـاتـي

يا يمّه منتهـي جيتـك وكلـي مرتجــي غفـران

وشفت الناس تلعنـي .. وتحذرنـي مـن الآتـي
[/poet]

[waver]http://www.akuwait.net/alom1.rm[/waver]

هذه القصيدة للشاعر الكويتى الشاب نصار الظفيري

يسلمو

الله يكفينا شر العقوق


قصيدة قوية ومعيرة


يعطيك العافية على هالقصيدة


تحياتي ،،،،

يعطيك الف عافيه على الاختيار الرائع

وعلى مقال اخوي الوبيري الله يكفينا شر العقوق

تشكرين اختي على هاذوق (مدري وشفيكم اليومين هاذي ثاني مشاركه اقرها عن العقوق في هالمنتدى صراحه خوفتوني)

والله يهدي الجميع

اختك دلوعه الاسلم